ياحبيبتي
كم غرفه ببيتك
اذ صحيتي فتحي شبابيك غرف نوم صالة مطبخ
خلي بيت يتهوى
اكنسي البيت يوميا
والغسيل الملابس الاحد والثلاثاء
غسيل دورات ومغاسل ومسح مرايا الاثنين والاربعاء
حطي جدول على ثلاجة
وشهر نظفي الثلاجة يوم السبت والسبت الثاني الابواب مرواح شفط السبت الثالث مسح شبابيك


ينتهي الشهر ببيت نظيف

وماتنسي وانتي تنظفين تحطي ماسك
بالبشرة وزيت للشعر
وحددي لك يوم بالشهر للحف كامل وخلطات للجسم
تنهي تنظيف ببشرة نظيفه وملابس حلوة


وشغلك بالبيت مايتجاوز ساعه ونص

قسمي الشغل ورتبي اول باول وشوفي شعورك والبيت يلق بتحسي براحة نفسية

شوفي اهم شيء نظمي نوووومك. . أنا أبدأ أنظف البيت من الساعه سبع ونص اكنس واشطف الحوش لانه لو كان مغبر انسي ان البيت يتنظف ، وارتب الغرف وألم الألعاب واوزع الملابس اللي وسخه احطها في سله والنظيفه باقي لها اطبقها واحطها ع جنب مو داخل الدولاب لأنه ملبوس بس توه نظيف وامسح الطاولات والكراسي والمرايا ثم اكنس الارض ووقت ما امسح الأرضيه اولع فحمه واحط لبان الذكر .. سبحان الله في الصباح يكون منعش ومطهر للأجواء .. يبقى لك الحمامات وانتي بكرامه والمطبخ .. ادخل المطبخ احدعش وانظف المواعين حق الفطور وامسح الدواليب والفرن واكنس الأرضيه وتبدي تطبخي الغداء ووقت ما تخلصي الغداء او لساته ع النار باقي له شوي امسحي الارضيه .. واخر شيء نظفي الحمامات واتروشي مره وحده هههههه 😂😂 واتشيكي لأبو الشباب .. هذا نظامي .. بيكون بيتك نظيف ع وقت الغداء حتى الأطفال بترتاح نفسيتهم .. ولا تنسي تروشيهم عشان يناموا 😁😁 ولو عندك شيء اضافي مثل المراوح والمكيفات امسكي كل يوم حاجه بيكون التنظيف خفيف عليك .. ❤❤

لاحول ولاقوة الا بالله
اختي الله يجزاك كل خير

اعلمي كلمتك ذي تجرح حتى لو كانت صراحه
الصراحه ماعمرها بقلة اختيار الكلمات اللبقه

بدون كلمات استهزاء قلتيلها قومي وسوي وافعلي

اختي انا مو خايفه على الاخت اللي استنجدت بنا اكثر من خوفي عليك الله يبتليك مابتلاها
اخاف يوم من الايام يصير لك زيها وتجي وحده وترميك بالقرف والاهمال والوساخه

فيه وحده هنا نزلت موضوع وقالت
انه كانت عندنا وحده من معارفها كسوله وغير مرتبه بيتها حوسه وعيالها حوسه

تقول انا وحده احب النظافه والترتيب والاهتمام
تقول الناس تتكلم بهالوحده وانا ماقول شي ساكته بس جواتي من داخلي اقول زيهم اني انا نظيفه وهي مقرفه ومهمله كيف ذي متحملها زوجها
مرت الايام
تقول
وصار لي شي تغيرت تغيرت مادري كيف
صرت مهمله ومثير مرضي وكثير تعبي ماقدر اقوم انظف البيت ولا اهتم بشكلي اقوم من مرض لمرض مادري وشفيني بس معي خمول وكسل ابي علاج لحالتي
بيتي صار قذر وسخ ماقوم فيه احاول ولا اقدر

وتنصح بموضوعها انتبهوا تتشمتون باحد وتستهزءون باحد تقول كل اللي فيني اني ماعذرت قريبتي وقلت اكيد فيها شي ولا دافعت عنها ووقفت الناس عند حدهم واقولهم مايجوز الكلام وتشمت

لذا انتبهي
انصحي بدون استنقاص الاخرين الله يسعدك ويوفقك