انا زوجه ثانيه لكن ردوا علي بعقووووولكم مو بقلووووووووبكم/ أستوفى حقه

السلام عليكم

انا بمووووووووووت من القهر و حامل ونفسيتي تعبااااااااانه وماني فاضيه للمشااكل لكن حسبي الله ونعم

الوكيل فيهاااا ... قبل كل شي رجاء اللي ترد علي تحط نفسها او اختها مكاني مو تقول ليش تاخذين معدد

مو هذي مشكلتي ... انا الحمدلله جميله وجامعيه وزوجي هو اول شخص تقدم لي وكانت كل المواصفاات

اللي تتمناها اي بنت فيه بس كان متزوووج وخفففففت كثير واستخرت والحمدلله اثبت لي حبه وحاجته فعلاً

للتعدد مو بس حب تغيير وابوي كان تعبان هذيك الايام وكان وده اني اوافق عليه لانه مايتفوت ومستواه التعليمي

ماشاءالله عالي و وافقت عشان خاطر ابوي ومن كلام زوجي ارتحت له وحسيته صادق ومااخفيكم دخلت حياته

وانا خاااايفه من الزواج ومن زوجته بس الحمدلله كانت كل اموري تمام وهي رفضت شوفتي نهائي وانا ارتحت لهالقرار

بعيد عن المشاكل ...مرت سنه سنتين ثلاث وكل مره امني نفسي اني هالشهر حامل وماصار شي المشكله زوجي

متزوج وعارف نفسه ان وضعه تمام والمشكله مني انا وزوجته جابت فترة زواجناا تقريباً لنا 7 سنوواات 3 اولاد


زوجي رافض العلاج نهائي ماوداني للمستشفيات يقول كذا ارتاح لبيتك اكثر هدوء وجو ثاني استانس يومين

على كلامه وبعدين ارجع انكس ابي نونو خصوصا انه يغيب يوم كامل عني وماعندي احد يسليني :(



الحين تقولون وين المشكلللله


الحمدلله الله من علي وحملت قبل 5 شهوووور ومن بعدهااا زوجي طاير فيني مررررررره وانا ماكنت مستوعبه نفسي من الفرحه مع ان حملي ضعيف ومسويه ربط ورحت عند اهلي ... وقدمت خدامه عشان ارجع البيت

من بعد هالاحدااث انقلبت حيييييييياتي فووق تحت زوجي تغير علي وصاير ينااااافخ ويعصب ويطلع من البيت

بدون اسباب ولايجي الا بعد يومين بداية قلت اكيد من الحمل وخصوصا الدكتوره مانعتني من الجماع واكيد بيأثر عليه

لكن الموضوع زاد عن حده وزوجته نشبت لي مرررررررررررره مع ان ماسويت لها شي وشايلتها من قاموس حياتي


لانها حرمه كبييره وماشفتها يعني مااحس بغيره تجاها ولله الحمد بس هي من يعد حملي والخدامه جن جنونها

مستغله ظروفي وقعدتي عند اهلي فتره كنت تعبااانه تخليلوووا وش سوووت ؟؟

راحت وخطبت لزوجي جاني الخبر عند اهلي دقيت عليه ابفهم الموضوع قال ايه بتزوووج وزوجتي راضيه وهي اللي راحت تخطب لي وش فرقك عنها ؟؟!!!!

بغت انجن صاارخت عليه وقفل الجوال يوجهي انا انهرت وحريم اخواني كانوا موجودين والحمدلله هدوني و وقفوا معي بغيت انجلططط

يعني الحين وش استفادت ؟؟؟!!! ظروفنا الماديه ماتستحمل بيت ثالث وهي عارفه والشئ الثاني زواجه مني

كان لأسباب احتفظ فيهاا يعني مو خبط لزززق لكن حسبي الله عليهاا ونعم الوكيل خرررررررررربت فرحتي بحملي

لو كانت صادقه وتبيه يتزوج جات تخطبني انا يوم تزوجنا بس الحين جابتها على راسي وهي بتصير في نظره

الزوجه الودود الصابره اللي مافيه مثلهااا وايام زواجي مارجعت له الابشروووووط تكسر الظهر وقعدت تماطل به سنه بس الحين سعت لزواجه بنفسهاا ؟؟!!


انا شايفه زوجي يبحث في قوقل عن رحلات لاندونسيا لشخصين وانا طايره من الفرحه على يالي انااا قلت اكيد انه مخطط يفاجئني اذا ولدت


لكن حسبي الله عليها ونعم الوكيل ........