انا سويت شي غلط⁉🤦‍♀️

اولا, السلام عليكم!
انا مدري وين اودي موضوعي!!
سابقا. كنت اتصفح منتداكم وتعلمت منه كثير فكرت ليش ما احط مشكلتي هنا استفيد من أرائكم و تجاربكم وخصوصا انكم بنات!
عشان تعرفون شوي عني قبل اشرح مشكلتي,
انا اخت كبيره لاخواتي بدون ام (الله يرحمها), عشان ما تسألوني وين امك تكونوا عارفين.
المهم بدون ما اطول, وشكلوا بطول!!


اولا: انا ما اهتم بالزواج ابدا ولا اشوفه في حياتي,
ولا اتواصل مع اقاربنا تقريبا التواصل معدوم من الصغر بسبب اختلاف اماكن السكن (هم في مدينة واحنا بثانيه)
وهم بالمثل, الى ان حدثت مشكله وازمة وهي مرض الوالده ( على كثر قرايبنا ينعدون ع الاصابع الي سأل عنها وقت مرضها! واولهم اختها!)
زارتها بالنهايه ما نبي نظلم احد هنا لكن بعد موتها, الكل فجأة بدا يسأل عنا لكن كالعاده كم شهر ورجعنا لنفس المنوال لا تواصل ولا شي (لا تفهموني غلط انا عاجبني هالشي ومرتاحه مع الفكره لان لو حصل وتواصلوا بشكل دائم بيكون الوضع غير مريح!) (لا تفهموني غلط انا اجتماعية والروابط العائليه تشدني بس مش مع عائلتنا!)
وانا ما احب اجامل على حساب نفسي ابدا!
1- التواصل الفكري بيننا معدوم كوننا من مدينه وانا تعودت على الانفتاح وهم جدا محافظين! هذا سبب ما اتواصل (ما في شي مشتركك ابدا بيننا!!)
2- اذا شافوني (بعد الف سنة ضوئيه طبعا) تزوجتي؟ تخرجتي؟؟؟ توظفتي؟؟ كم عمرررك؟؟؟؟ ولقافه لا تنتهي!! (للتوضيح انا ما اكرههم انا بس ما اشوف اي سبب يخليني اتواصل معهم؟َ خصوصا عندي حياتي واهتمامتي ودراستي وضغوطي واصحابي!! واولا اهلي اناا وخواتي!! تغير الزمن خلاص!!)


ابوي الحبيب طلب مني اتواصل مع اهلنا من فتره بعد رحيل امي!!
دقتي على فلان؟ اذا ما دقيت ولا سألت يزعل ويقول كيف ما تتواصلين معهم ( مع العلم هو بنفسه ما يتواصل ويقفل جواله 24\7)😂
عشان ما ازعله كلمتهم لفتره (كيفكم شخباركم تنتهي هنا!!)
لمان صار شي عجيب!!
يبدوا لي صار سوء فهم منهم باعتقادهم اني ابي اتلزق واني ابي ادور زواج لي ولخواتي (والله ضحكت واستهجنت! شلون!)
طبعا الموضوع صار يتم نقاشه وانا واخواتي مغيبين! والوضع مريب وانا من الصدمة كلمت الوالد وقال اي الكلام من قبل كم شهرر (كم شهههررر)!! متأملين!!! نعم!! طبعا بعد مناوشات مع الوالد وكيف وصلت لهم فكرت انو نبي زواج!! ومع الاختلاف الفكري الي بيننا وبينهم ويبون يتزوجوننا (ولا يعرفون عننا ولا شي) !! انا هنا قلت اكيد من تواصلي الاسبوعي!! انا كنت مغتاضه!! وخربت اجازتي!
لمت جا وقت الشوفه ابوي كان متحمسه بس وضحت له انا ما ابي ولا يهمني اخواتي يبون ولا بكيفهم وقرارهم, طبعا زعل!
قرروا خواتي يلبسوا اشياء مش من عادات اهلنا ( تقريبا شي اشيا ضيقه و وكيذا) عشان يفهموا من اللبس ترا ما نبي 😂! ويسألون عن تخصصاتنا وكلها تخصصات ما يعرفوها! ومستغربين ليش احنا مو تربيه!!
الهم انا قررت ما اتواصل ابدا وابوي زعلاااااااان وانا زعلانه لانه زعلان مش مستوعب ليش !
عشان ما يحصل سوء الفهم هذا مره ثانيه!! انتوا شرايكم انا اوفرر لاني ما ابي ازعل ابوي اولا ولا ابي اتواصل مع اهلنا على حساب نفسي خصوصا اني الوحيدة الي كنت اتواصل ولا ا حد من اخواني وخواتي يتواصلون!؟؟
هل انا اسوي شي غلط, ويحق لابوي يزعل!؟
وعذرا على الاطاله 😣