انا شينه بشكل

اتحدا وحده تحب تقول عن نفسها شينه
انا حتى قدام اهلي واقاربي وصديقاتي وجيراني
اتصنع القوه اذا احد جرحني او جتني كلمه تضايق
او دق بالكلام او معاير اهلي لي اللي ماتخلص وكلها صح
لكن من داخلي مكسررررره مية كسره
بنات بتكلم واقول كل شي واعتبروني اخت
انا ماقدر اتكلم عند احد بشكلي لانهم
يعرفون نقطة ضعفي شكلي لاني شينه
لو خواتي شينات او امي شينه كان قلت عادي
شبه كان ماحد من اهلي تجرا يتمسخر علي
لكن المصيبه اخواني وخواتي وكلهم حلوين
خاصه خواتي زي السوريات
جمال وبياض وشعور حرير ووحده من خواتي
ماشاء الله شعرها اشقر من بياضها وشقارها
انا ششششينه عكسهم كلهم
مافيني حتى شي مقبول ليت غيني بياض
انا لوني سمرا ويعيروني سوداء
ليت شعري ناعم حرير وكثير شعري زي الليفه
وجه قبيح رسمته غريبه طويل ونحيف وفكي بارز
وشفايفي كبار مهما حاولت اوصف شكلي
ماتتخيلو المقارنه اللي بكل طلعه لي سنين اشيل
همها اذا طلعت مع خواتي عند اقارب او عروس
او عزايم او جمعات صديقاتي وشافو خواتي
الكل ينصدم ماتشبهين لهم
ماكانك اختهم
غريبه شكلك كذا وهم كذا
المصيبه لو ماشبه ابوي قلت مو بنتهم
لكن للاسف
اخذه كل ملامح ابوي وسماره
ودايم اهل امي يشبهوني على اهل ابوي انهم مو حلوين
ويشبهون خواتي بهم لانهم حلوات هالشي بحد ذاته يجرحني
والله عمري٢٩ والى الان ماتزوجت وبحياته احد فكر
بس يكلمني ىلا همني العرس ولا هو اكبر همي
لام عارفه حظي حتى لو اعرست زوجي تكرمون
بيتفل علي لاني شينه وبيكرهني ويتمسخر علي بسبب
شكلس الشين خاصه الزوج معروفين وش يبون
يبون جمال ولا يجيب راسهم الا الجمال
واتحدا وحده تقول مو صحيح كلامك
قسم بالله اذا شفت وحده مدلعه وزوجها يموت فيها
اقول يحق له اذا شفت شكلخا احصلها بيضاء
وشعر حرير وجسم وملامح ورسمه وجه تفتح النفس
انا بالله من الرجل اللي بيحبني وانا كذا؟
بتقولون الاخلاق اهم بالوقت هذا
لا قسم مو اهم الاهم شكلك
بتقولون يمكن حظك بالرجل يطلع احسن من خواتك
انا واثقه الف بالميه ان كل خواتي بيتزوجون قبلي
ورجالهم يطيرون فيهم بسبب الجمال الدي فيهم
وانا ان الله اراد وتزوجت باخذ احد حافي منتف
احتد علي وعلى شكلي الشين عشان ماحد راضي فيه
الحين اصلا بالجلسات العاديه ادا قمنا نسولف
عن الزواج وجيت انا مثلا قلت وع وشلون تاخذ كذا
تجي امي بدقه كلام تقول كل ىحده تاخذ االي على حسب
شكلها
او بالوجه تقولها لي من زين شكلك او شكلها
تحمد ربها جاها احد يتزوجه اصلا
تعرفون فرح الهادي
كيف شكلها كان قبل التجميل لما كانت شينه؟
مع انها للان اشوفها شينه
لكن تعرفون وجهه قبل التجميل ورسمه وجهها
وبروز فكها ان. نسختها نسخ لصق
كلن يشبهني فيها يمكن اكثر من ٨ بنات
ومن ظمنهم اهلي قالو نسختها
قسم الحين لما نسافر ونصور صور جماعيه
مع خواتي اوبزواج نصور
خواتي يطلعون مزز انا اطلع شينه بينهم بالصور
قسم اخوي مره شاف الصور ومات ضحك قال فلانه
يقصدني كانها شغاله تشاديه بينكم لكم تتخيلون
هالكلمه قدام كل خواتي واهلي
وش ذنبي انا انحرم من نعمة الجمال؟
ليت لو شي واحد بس او اثنين يشفع لي
ليت عنذي بياض وشعر كان يكفيني
لكن كلي كلي عيوب قسم بالله كاره نفسي
وشخصيتي صارت زفت ماعرف ارد
ابكي على طول اتورتر اعرق ثقتي صفر
لدرجه مره قريباتي كل وحده تعدد
كم واحد خطبها واللي متزوجه تعدد ايش الهدايا
اللي سوت اها زوجها فجاه وحده قالت وفلانه
ضحكو كل اللي بالجلسه بدون سبب يعني عارفين ان
ماحد يبيني
ووحده قالت من بيرضى بفلانه العبره !!
يعني قصدها شينه الرجل يبي جمال
حتى لما اشوف وحده واقول لامي ماشاء الله
صارت تسافر وتروح وهي يوم عند اهلها ماراحت
تجي امي تقول ايه يحق لها حلوه!!
يعني.للاسف حتى امي رابطه انك انتي حلوه
يحق لك الدلع يحق لك التشرظ يحق لك
ترفضين وتقولمي ابي مواصفات معينه يحق لك
زوجك يدلعك لكن انتي شينه لا مالك حق شي بالحياة
ولا لك اصلا حق حتى زوجك يحبك ويستغربون اصلا
اذا شافو حلوه وزوجها يحبها او مدلعها يقولون وع وش لاقي فيها
والله كرهت فرح الهادي
بسبب كل من شافني قالو تشبهين فرح قبل التجميل