انا اشوف انك حساسة بزياده ياه وعلبالك اذا ما جبتي له عيال بيتخلى عنك ...

اول شئ انتي نفسيتك تعبانه من التفكير بالحمل ... + الغربة والوحدة ..

اول نقطة لازم تسوينها انك تتقربي من ربك اكثر واكثر بهدف اصلاح دينك واصلاح علاقتك مع ربك .. حاولي تبتعدي عن المحرمات والمنكرات قد ما تقدرين يعني اللبس والحجاب حافظي عليهم و الصلاة اهم حاجه و الصوم وقيام الليل وقراءة القران والاستغفار .. والاذكار والادعية ..

ثاني نقطة .. انتي عندك فرصة يكون عندك عيال وهم عيال زوجك ..... لا تحولي مشاعرك للسلبية اتجاههم .. بالعكس حاولي تحبينهم و تخلينهم يحبونك ... انتي لانك مو متقبلتهم بحياتك من اول عشان جذي مو قادرة تتقربين منهم ... كل ما جو عندك بالبيت عوضي بحنان الامومة عندهم وعامليهم كأنهم عيالك .. ولا تترجين منهم يعاملونك مثل امهم لان الام غير مهما كان بس انا متأكدة لما تعاملينهم مثل عيالك هم بالاخير بيتغيرون وبيحبونك مثل امهم .. العبي معهم اطلعي معهم السوق المجمعات .. حاولى تسألينهم عن حياتهم واصدقائهم .. تشاركي معهم بالافكار وبالاهتمامات .. لاتخلينهم يكونون السبب في تنغيص حياتك بل بالعكس انتي حاولي تخلينهم بصفك ولما يروحون لامهم وتترس رأسهم بالكلام ما بيتقبلون منها لانهم يلقون العكس من المعاملة .. واكسبي فيهم اجر وثواب مهما كان

والله يرزقك الذرية الصالحه وكله قسمة ونصيب

لا تزعلين حبيبتى اذا البنات مافهمو عليك لان حنا نسمع المشكله من طرف واحد وكل وحده تكون هى با لا صل داخل هاقسم وراسها وقالبها متروس من زوجها واى مشكله تواجهها ترد على حسب فهمها وعلى حسب حرتها يعنى اذا هى مروقه كتبت رد يوسع الخار ويرفع المعنويات لانها هى بالا صل مرتفعه معنويتها واذا العكس ياويلك تصيرين انتى الغلانه وانتى الى فيك وفيك لحد ماتحسفين انك منزله مشكله وترى البنات وانا منهم كل وحده تفهم المشكله على حسب فهمها لا تلو مين البنات اذا ردو رد مايعجبك لانه ماجاء على هواك يمكن البنات حبو ين ينبهنك لغلط انتى مسويه ومع زعلك ماحسيتى فيه لانك تشوفين المشكله من وجه نظرك انتى مع انو لو اسمع مشكلتك من طرف زوجك كان انقلبت السالفه عليك والله انا دايم احط نفسى مكان صاحبه المشكله وعلى اساسه ارد مدرى يمكن طريقتى غلط الله يسخرلك زوجك ويحنن قلبه عليك ويرزقك بالذريه والعيال الى من كثر هم تغلطين بسمائهم قولى امين

الله يفرج همك يااختي ومااحد يحس بالنار الااللي كاويها ادعي الله واصبري والله يرزقك بالذرية الصالحه

الله يريح بالك اختي..
عليكِ بالدعاء وكثرة الاستغفار..
قال تعالى:
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

ياقلبي عليك امسحي دموعك وتعوذي من ابليس...

واعرفي دايم ان الشكوى لغير الله مذله عشان كذا خلي شكواك دايم لرب العباد..

وربي يفرج همك حبيبتي ويرزقك الذريه الصالحه يارب ويرزق كل المحرومين...