عزيزتي خلي إيمانك بالله قوي والحمل امره بيد الله تعلقي بالله هو وحده سبحانه من بيده امر كل شي اصلحي مابينك وبين ربك يصلح الله جميع احوالك واحسني معاملة زوجك وحاولي تخففي من غيرتك وعليك بالدعاء ثم الدعاء ثم الدعاء والله يرزقك بالذريه الصالحه ....
الصفحة الأخيرة
واتمنى ما تزعلين مني
انتي حطيتي موضوعك والكل بيقول وجهة نظره
ومو شرط نشوف تصرفاتك صح ونعطيك الكلام الي تبغينه
واذا انتي حساسه وما تبغين احد يجرحك مفروض ما كتبتي مشكلتك
انا من الناس الي اشوفك تصرفتي تصرفات غلط ب غلط ومالها اي مبرر
اول شي
لما طليقته خلت العيال يكلمون ابوهم وينامون عنده باليومين والثلاث
وجيتي قلتي له انت كذاب ووعدتني ومدري ايش
هو ما كذب عليك انتي عارفه انه ما يشوف عيااله الا مره بالاسبوع
وان هذا مخطط من طليقته
ليه تعصبين عليه وتتهمينه وتقولين قهرني ليه يسوي الي تبيه
هو اب وجته فرصه يشوف عياله وقت اكبر وينامون عنده ببيته
ليه تبغين تحرمينه
طيب تخيلي ان الاطفال دقوا على ابوهم وقالوا تعال خذنا
وش تبغينه يصلح يعني يهتم بمشاعرك ويقولهم لا ويكسر خواطرهم علشانك
يختي اذا ظروفك صعبه هم ظروفهم اصعب
الغلط الثاني
لما دريتي ان طليقته تزوجت وجابت ولد ورحتي انفلتي على زوجك
معليش يعني وش ذنبه هو تطلعين حرتك فيه
وماكفاك الكلام رحتي تمدين يدك عليه
و السبب طليقته تزوجت وجابت طفل لو انه سكير نكير ويضربك ويهينك وش بتسوين فيه اجل ؟
انسان يخاف الله محترمك وحاشمك
يساعدك اذا تعبتي ومراعي نفسيتك وعصبيتك
وجزاه الاهانه والضرب
تقولين عياله ما يحترمونه
اذا زوجته الكبيره العاقله الناضجه ما احترمته تبغين الاطفال والمراهقين يحترمونه
تبغينه يضربهم
لو انه شايف الضرب له نتيجه
كان اول من انضرب انتي ولاتزعلين من صراحتي
لانك اهنتيه اهانه مو اي احد يتحملها
هذا غير ان غيرتك مرض مو غيره عاديه
اجل تغارين من اطفال ؟؟ ليه جبت لهم كاكاو وانا لا
واذا على طليقته وكيدها لك لانها عارفه انها تقدر تعصبك وتثير غيرتك
لا تهتمين فيها وشوفي كيف بتمل وتترككك بحالك
داريه انك ما تبغين هالكلام بس انا ودي اساعدك
ابغاك تشوفين اغلاطك وتواجهين نفسك فيها مو تعطين لنفسك مبررات
انا متغربه وانا بعيده عن اهلي وماتحسون فيني ومدري ايش
ماراح تنحل مشاكلك اذا ماواجهتي نفسك بالاغلاط
يشهد علي ربي ماودي اجرحك وردي ذا علشان مصلحتك
لاتخلين زوجك يمل منك
وترا محد له ذنب بتاخر حملك هذي اراده رب العالمين
اهم شي اعرفي شلون تسيطرين على نفسك عند الغضب
اشغلي نفسك تعلمي برامج كومبيوتر زي الفوتوشوب والفلاش فيه دورات بالنت
اقري كتب تعلمي تصلحين تسريحات ومكياج اي شي تحبينه
اذا صار نقاش بينك وبين زوجك عدي للعشره قبل ماتقولين اي كلمه او تتصرفين اي تصرف
اذا كنتي معصبه من اي موقف روحي مكان لحالك وهدي نفسك واذا رقتي عاتبي زوجك هدوء ومن غير صراخ
انا شبه متاكده ان منع الحمل عندك بسبب نفسي
خليك دايماااا رايقه وهااااديه واقري رد مالي مثيل الف مررره
يارب يرزقك بالذريه الصالحه عاجلا غير اجل :04:
ويفرج همك ويسخر لك
:39: