لما اشوف اللبس شدراني انه ماركة ولا غيره يعني في ناس بس ناقص يعلقون لافته ع ملابسهم و اغراضهم ان شوفوها ترا ماركة 😎 .. شخصيا احكم ع اللبس من المظهر العام في حاجات رخيصة بس جميلة و الشخص يحليها و في العكس ..

ايه والله أوامري صادقه مره كنت مستقره لندن قلت خليني اشوف الملابس الماركات العالميه كنت ابي اشوف تنوره عشان عندي مناسبه والله أن تنانيرهم وملابسهم غاليه نار وماتنلبس قلت أقول بطلت وانا نمشي ونلقى محل يجنن عندهم تنانير تأخذ العقل وقيمتها معقوله ميتين وبلازيهم سبعين وكل وحده خذت لها اربع قطع بربع قيمة الماركة مستحيل اشتري شي مره غالي الحمد الله عندي مقدره بس حرام أضيع فلوسي عليها ممكن كل ثلاث اربع سنين اشتري شنطة أو جزمه ماركه وأحياناً في المناسبات القريبه مره وأكرفها وبنات اختي يكرفونها تجلس عندي عشر سنين ماعندي مشكله ماالبسها الا نادر في المناسبات اما الأساور غاليه مره اجل ثلاثين الكاركتير اللوف رحت شفت الدزاينات زين وحفظتها ورحت شريت مثلها ذهب حتى السلاسل على الأقل ذهب وأقدر أبيعه اما حقت الماركة تراها مجرد مطليه بالذهب مو حرام أحط فيها لو ريال واحد انا ممكن الملابس اشتري الماركات العاديه الى المتوسطه بس اذا اعجبتني ولا مو لازم طبعاً زارا احبه وحتى سيتي ماكس اذا عجبني بنطلون ولا بلوزه اشتري منها وش فيها وأشتري منها المبجلين وملابس البيت أو من سنتر بوينت وتكرمون الملابس الداخلية ومااتقيد بمكان معين الي يعجبني أشتريه الا فيه بعض الأماكن زي ابو خمسه وعشره والفيصل والسلطان وأناقة دبي مااشتري منها مو كبر ولا غرور بس جودتها مو حلوه

اهم شيء العقل والمنطق
والا اللبس الحمدلله كلن يلبس

لو الماركات فيها خير ما صنعو منهم تقليد درجه اولى و ثانيه...
و چان زين موديلاتهم حلوه إلا شماطيط و الوان مرقعه ...

من كثر حقدكم على الماركات حطيتوا اللي يلبسها ماعنده ذوق
والذوق في ابو عشره عجبي