& أم أنوسي & @amp_am_anosy_amp

عضوة شرف في عالم حواء

انا ما ابغى الطلاق بنفس الوقت ابغى حقوقي من هالأدمي<< مشكلة عضوة بالمنتدى

الف شكر وجزاك الله خير وياليت تنزلين موظوعي باسرع وقت
السلام عليكم
انا مظغوطه ووصلت حدي وحبيت استشيركم واخذ رأي اهل الخبره..
انا كنت منفصله وتميت سنين ماتزوجت كنت رافضه الفكره اساسا المهم مرت السنين وتحت الحاح امي وابوي وكل من حولي استسلمت وقررت اخوض التجربه خلال هالفتره تقدم لي كم شخص لكن ماحصل نصيب الى ان تقدم لي شخص مطلق وعنده اطفال فكرت وقلت هذا انسب لي لانه في نفس المدينه الي فيها عيالي وبعد قلت راح يعاملني ويعامل عيالي بنفس اسلوبي لاني واثقه انه ماراح يشوف مني الا كل خير وانا واثقه من اني انسانه هادئه وحنونه وقلبي طيب وراح اراعي ربي فيهم واعاملهم زي عيالي المهم تمت الامور ولله الحمد وكان كل شي تممام بالبدايه والعيال كويسين معي وحبوني وتعلقو فيني مره وانا يشهد الله حبيتهم وعوظوني عن حرماتي من عيالي وكان بينا احترام متبادل بغض النظر عن بعض المنغصات زي مثلا اذا راحو عند امهم يتحرظون ويتغيرون علي فتره بس ما اعطي الامور اكبر من حجمها يبقون اطفال ويتأثرون بالكلام وكنت اطنش تصرفاتهم معي واكسبهم بالكلمه الطيبه والابتسامه الى ان تعود المياه الى مجاريها وتمشي الامور ولله الحمد والله يسخرني لهم ولا يجعلني اظلمهم او اظرهم بشي والله يزيدني صبر وثبات
المهم زوجي كان طيب وحنوون وكريم معي وطلعات ومطاعم وكل شي تمام وانا كنت جدا مبسوطه ومتفانيه في خدمته وخدمة اطفاله وامه وبنفس راظيه وهو متعاون معي من ناحية الاكل يجيب جاهز اغلب الوقت ويساعدني احيان وكذا يعني وبعد انبسطت انه من فتره لفتره يجيب لي عيالي عندي
عاد بعد فتره تغير الوظع جدا هو ماعاد يطلعنا ابد الا كل كم شهر لاسوق ولا تماشي مع اني ماقد طلبته يطلعني لحالي لازم مع عياله واحلس بالاشهر ما اتسوق وبعد نقاشات حاده ومشاكل يودينا نتسوق وحتى اسلوبه معي تغير مدري هل كان يمثل ومل بعد مرور الايام ولا ايش قصته
المهم صار وظعي زي الشغاله والله من اصحى لين انام وانا اغسل وامسح واطبخ واحظر واشيل مافيه جديد وليته يشكر او يقول كلمه طيبه اذا انه في البيت بس مقابل جواله وعند اي نقاش يعصب ويتكلم ويسب وكم مره قد غلط علي ومد يده انا ماحبيت انكد على اهلي واعلمهم قلت اكتم بنفسي وامشي اموري واصبر لعلها فتره وتعدي حتى صار يتاخر برا واحيان ينام برا ويتحجج بالشغل وانه انشغل وماقدر يرجع ومن هالكلام المهم يابنات ناقشته وقلت له ان الوظع هذا ما يخارج وانا ما اتحمل الحياه بهالطريقه وانه اخذني مجدر شغاله لعياله هو انفعل وعصب وقال انا ماجبرتك تسوين لهم شي وانتي ماقد سويتي شي وانتي يادوب تطبخين وحتى الشغل بسيط ومن هالكلام انا استغربت كلامه صحيح عياله مو رضع وكل شايل نفسه بس مسؤوليه ثلاثه اطفال والرابع ابني والله ظغط نفسي وشغل بيت ومشاكل العيال ماتخلص وانا احتاج وجوده معي واحتاج اطلع واغير جو وافك عن نفسي شوي وزي ما اقوم بحقوقه وواجباته مسؤول يقوم فيني ولي حقوق زي ماله لكن هو شخصيته صعبه احسه متعقد من الحريم
المهم انا هالفتره افكر في الانفصال بس مستصعبه ان عندي بنت توها بالاشهر ومدري ايش اسوي مستصعبه اكمل حياتي شغاله عنده انا موصغيره وماكنت اتمنى من الزواج غير الزوج الحنون والطيب ونتساعد على هموم الحياه ونربي عيالنا بسلام لكن للاسف هو اناني يحرمني من كل شي ومن ابسط حقوقي حتى الكلمه الطيبه مع انه ابر ابن لامه واحن اب لبناته وعياله يدلع بناته ويشكرهم على ابسط شي واي شي يطلبونه مايردهم واحسن الكلام والاساليب وانا بس للكرف والله تعبت جدا وانظغطت ماعاد لي نفس اكمل معاه حتى اذا ناقص البيت شي يروح يقضي لحاله او ياخذ عياله وطلباتي ما يرفضها بس يماطل وياجلها بالشهرين والثلاثه الين انفجر خلاص ماعاد ابي شي يجيني احباط ناقشته وطلبته مصروف ورفض رفظا باتا يقول مو مشروط في العقد طيب تمر اشهر ماعندي فلوس ولا اطلع ولا اتقضى ايش استفدت من الزواج لا رومانسيه ولا حب ولا حتى حقوق وواجبات قام فيها ويوم قلت له خلاص ننفصل وانا مابكمل كذا حسيته انرعب وانصدم وقام يتعذر وانه مايقدر يعيش بدوني واني غيرت حياته وعياله تعلقو فيني وماعاد يحتملون الحياه بدوني ومن هالكلام يومين يسمعني هالكلام وبعدها ينسى شورو علي وجهوني كلها صعبه علي الاستمرار كخادمه والانفصال لكن الانصال ارحم لولا بنتي ماكان ترددت والي تعرف لبوصلة الشخصيه توجهني لعل وعسا مع انه فيه اييجابيات كثيير لكن يمكنه مايحبني يمكن لسى قلبه مشغول مع طليقته بس انا ايش ذنبي ادهور صحتي ونفسيتي واكمل الباقي من عمري في الهم
معليش كلامي مو مرتب بس والله اني مظغووطه جدا وابي الناس العاقله توجهني والي تعرف رقم مستشاره اسريه ترسله لي بالخاص انا مابي الطلاق وبنفس الوقت ابي حقوقي من هالادمي

يلزم عليك تسجيل الدخول أولًا لكتابة تعليق.

تسجيل دخول

واتساب • 8 سنوات

الطلاق لا مااوافقك لان زوجك ماهو مدمن ولاتارك الصلاه او يضربك
يعني فيه خير ان شاءالله وشي طبيعي ماودك تتطلقي وتخسريه بس يبغالك تصبري وتتفاهمي معاه واهم شي لاتمنين عليه اي شي تسوينه لعياله ترى الواحد اخس شي احد يمن عليه خلاص سوي الي تقدرين عليه واحتسبي الاجر وتقربي منه واتكلمي معه على اساس انتي وهو ووبس لاتجيبين سيرة عياله يعني اطلبي حقوقك وشوفي الاوقات الي يكون مروق واسدحي طلباتك والله يسخره لك

فلورنسيا • 8 سنوات

والله مدري شنو اقول لج بس كثري من الدعا والاستغفار واشكي لله همج والله هو اللي بيغير حالج احنا مافي يدنا شي وثانيا لاتحملين نفسج فوق طاقته عياله وامه خليه يجيب خدامه تساعدج

ام ركوني وحمودي • 8 سنوات

جد والله ياختي السالفه مو مستاهله توصل للطلاق ماشاءالله زوجك كويس ومع الايام ان شاءالله يتحسن وماشاءالله مادام انه اعتذر معناه انه شاريك واذا ع طلباتك اطلبيها بوقت يكون مروق مو مضغوط واطلبيها باسلوب حلو ورقيق وكلام حلو يمكن ينفع معاه راعيه يمكن عنده ظروف مضغوط منها .الله يسخره لك ويوفقك

~~N~~ • 8 سنوات

الله يفرج هممك لكن الطلاق شيله من راسك
اذا ع ااطلعه روحي لاهلك اخذي سبوعين 3 وتشي واستانسي وافتكي من الشغل يعني فترة نقاهه

جميلة الشام • 8 سنوات

قريبتي كانت تعاني من زوجها وكلامك شبيه جدا من حالتها
بس هي قوت علاقتها بالله تعالى وصارت تتعلم أسماء الله الحسنى وتعلقت بالله بعدما عرفت عنه
وبعدها صارت تكثر الدعاء ، وسبحان الله بعد 20 سنة تغير زوجها وصار يحكي معها كلام حلو ويعبر أنه ما يستغني عنها
وصار أحسن بكتير من أول ..