انا متزوجة من23يوم ساعدوني عشااااااااان ما أنفصل الله يخليكم :(

السلام عليكم و رحمتة الله وبركاتة
انا يا أخوات متزوجة من 23يوم بس يعني لسى عرووووووووس طازة :27:
قبل الزواج كانت فترة الخطوبة 10شهور بحكم أن دراستي بالجامعه كانت أخر ترم لي فيها و هي بصراحة كلها 4شهور بعدها أهلي سألو خطيبي متى تبغى الملكة قال ما أبيها إلا قبل الزواج بشهر!!
---------->>>>خبري أنا الرجال يستعجلوووووووووون على الملكة مايصدقون أن هالحرمة تكون موجودة بحياتهم عشان أيام الملكة أحلى أيام إلا اللي عندي ولا همة
:06:
ولما ملكنا ما كلمني إلا قبل الزواج ب4أيام وكانت مواضيعة عن أثاث الشقة و الجواز والسفر و ما إلى ذالك
المهم ليلة العمر هو نام على الصوفا وانا على السرير برضاااااااااااااااة
من بكرة كانت سفرتنا وبعدها أول يوم لي معا هالرجال الغريب ببلاد غريبة بعيدة عن أهلي وكمان ما نمنا جنب بعض برضاه لأني كنت طول الرحلة اليومين الثانيين أنفض و أصيح و :icon33: وحالتي مايعلم فيها إلا الله والله ياجماعة الخير شفتوا زواج الأولين كذا نفس جداني حتى أمي و أبوي كانت عندهم فترة ملكة لمدة 5شهور مو أنا 2005 وقرادة.....
ماعلينا باليوم الخامس نمت على أطرف السرير و السادس صحاني من نومي الساعة 3الفجر والله العظيم أغتصبني حسبي الله عليه من أخذني من بيت أهلي لسادس يوم من تزوجني ما قالي كلمة حلوه مامسك يدي ما هدى الخوف اللي كان فيني منه ولمره قالي لبسك حلو ماكان يطلعني من الأوتيل إلا للأكل ولما نجلس ما يكلمني طول الوقت يطالع الناس يشغل البلوتوث يمسج مع هالعالم من أول يوم طلعت وياه بهالبلاد الغريبة :icon36:
يعرف يطالع التلفزيون يقول هالمذيعة لبسها حلو شعرها حلو هالبنية الماشية بشرتها حلوة كأنه ماخذ وحش (مع العلم أنه شايفني شوفة السنة) يعني مو مغصوب علي!!!!
وكم مرة نكد علي بكلامة مثل مرة كنت قاعدة أطالع التلفزيون وسألني ليش نشوفين الرياضة؟؟!!
قلتلة و أنا أبتسم حكم على زماني الرموت مو جنبي نزر على و قال ماحد يحكم على أحد كلن يحكم على نفسه :(
وأحيانا" ينزل يقول أنا بكلم الأستقبال أو بسأل عن شي و ينزل مايرجع إلا بعد ساعة أو ساعة إلاربع مامشاني إلا أخر الأيام و بعدها لما جا أخر يوم نكد علي عيشتي و سمعني كلام يجيب الهم
ولما جينا انا وياه الديرة وقعدنا بشقة الزوجية كان نفس الشي يطلع ويخليني يفطر و ياكل و مايجيب لي الامويه او حليب كني حيوان ولايضمني او يمسك يدي او يلاطفني بكلام كل كلامة عن العمل و عن الشباب و عن إنجازاته وعن العادات والتقاليد ومن النوع اللي يحب المظاااااااااااااهر (سوالف حريم) :surprised والله العالم أني قلبته على السبع الصنايع أبيه يتكلم معاي بمواضيع سنعه ما عندة إلا الهك (الكلام الفاضي)
ولما يناديني أنت ياسطة يامتر ولمرة قال لي حبيبتي إلا على التليفون ومو كل مرة مع العلم أني ما وافقت عليه إلا لما حطوة لي فوق السما السابعة وعلى كلامهم محظوظة وماخذة زينة الرجال والعلم قامت علي ما قعدت شمعنى خطبها من سنع الرجال و أنه سيد الرجال والكل يتمناه لبناته بس الواااااااااقع غير وأنا الحين بيت أهلي أسلم عليهم حتى مكالمه مايكلم كلا أنا اللي أكلم ولامسج ولا يحزنون لما حشرته مسجات رسل واحد يالله لك الحمد
انا وش أسوي إذا ما عاملني من البداية أني زي الكنز من البداية متى يارب اللي حولي لسى عرسان كلهم في عالم أخر إلا أنا يارب ألهمني :sad: