ياختي هذي واضحة من عنوانها ..
الرجل من الناس الذين يحتقرون المرأة ولا يرونها شيء ..
و يبدو لي انه من الناس الذين يتبعون مقولة ( العود على اول ركزه ) يعني لو استطاع انه يذبح امامك قط لينشر الرعب في داخلك لفعل ..

عموماً اختي الفاضلة .. نوعية مثل هذا يحتاج لنوع من الـ ( مخاتلة ) يعني خوذيه على قد عقلة .. واظهريلة انك فعلاً تحترمية وتهابية وانه هو السيد المُطاع وإلى غير ذلك من الامور التي يسعى لها ..

ثم ركزي في حوارك معه على الشخصيية المستقلة .. يعني بيني انك تحبين الرجل صاحب الرأي الثابت الذي لا يغيره الناس .. ولا يتأثر بكلام الأخرين .. وليس انتي فقط بل كل البنات ..

قللي من المعاملات الرومانسية معه في هذه الفترة ( والله يعينك لانك في بداية زواج ومتحمسة ) لكن حاولي .. قدر الأمكان ان تجعليه يكشف ان أسلوب الشدة ليس هو الاسلوب المناسب لكسب ود المرأة ..

ركزي على الناحية العبادية في معاملاتك معه .. يعني قضية الصلاة و الوتر اخر الليل وقبل النوم .. الصيام في الأيام الفاضلة .. وغير ذلك (( وهذه المسائل لايستطيع الزوج ان يبرز عضلاته على الزوجة فالدين للجميع ))

حاولي ان تكوني رسمية في تعاملك - ليست السلبية الجافة ولا الإنفتاح الزائد بل إبتغي بين ذلك سبيلا - يعني سواء في الملابس او اثناء النوم او الطعام .. لا تتحركي إلا عندما يطلب منك امراً ..فلا تجتهدي بوضع اصناف الطعام او بالتجمل الزائد عن الحد او خلافة ..وذلك لكي تدفعيه للوضوح اكثر في طلباته منك ..


هناك مسائل كثيرة يمكن تداركها وانتما في بداية الزواج .. لكن اعتقد انك لو طبقت ما ذكرت فسوف تكون بداية جيدة ..

ودمتم ..

جزاك الله خير يأخ عبدالسلام على هذه النصائح القيمة وجعلها بميزان حسناتك إنشأالله :)

ذكرتيني باختى سوا فيها زوجها كذا شكل زوجك يحب نفسه مرررررره ويتعامل على انه مازال عزوبي ويمتع نفسه واهم شي راحته واخر مايفكر فيه زوجته اختى كل الرجال صارو زيه اللله يعييييييين ادعي ربك يسخررره لك

يا عمري ,, الله يسخره لك يا رب

واتبعي نصايح الاخ عبد السلام جزاه الله خير ما قصر

هلا عزيزتي..


اولا الف مبروك..


وهونيها وهي تهون يالحبيبة ..
..وترا كلنا كذا لما تزوجنا..حاطين في خيالنا فارس الاحلام على حصان ابيض ..
وراسخ في عقلنا اللي نشوفه في الافلام واللي نسمعه من الناس.وحب ورومانسية..
وترا الشاب يسوي اللي يقولواويسمع من اللي حوله ومن اصحابه ..
زي ما احنا يعلمونا اخواتنا وصاحباتنا ..صح ؟؟
عشان كذ ا توقعي منهم اي شي..وترا تصرفاتهم كلها بعشوائية .وعفويه وجهل ... :16: وياحبيبتي ..زوجك لسا ما تعرف عليكي ...وكل الشباب كذا..واحمدي ربك انه مايعرف ذيك الحركات ..وهذا دليل انه خام ...وماله سوابق....ولسا حيتعلم فيكي..وانت حقل التجارب له :39:
وترا حكاية الرومانسية عند الرجال ..انسيها الان..وانتي اللي راح تعلمية الرومانسية اللي تبغيها وتحبيها..مع الايام..
حبيبتي..-الرجال يعرف يعامل فقط ..الرجال..او أهله ..لانه متعود على كذا..والحياة الزوجيه عليه جديدة..لسا حيتعلم وحيبدا حقل التجارب..فيك..
وهو ماقرب منك ..لانه شايف انك خايفه ..وهو بتصرفاته ..-بتفكير الرجل-..يعلمك انك في امان ..ولاتخافي..
ومعظم الرجال جافين..ولاعندهم اسلوب في المعاملة ولا في الكلام..
واحنا بحناننا وعطفنا وكلامنا العسل ..اللي راح نعلمهم..صح؟؟

-ونصيحه مني ..انظري لزوجك نظرة الطفل..وعلميه الحب والحنان..وانتي اللي تدلعي عليه ..وتقربي منه..وراح تشوفي التغير السريع..وراح تشوفي الدلع والدلال..
-وانظري طول حياتك ..لحسناته ..والاشياء الجميلة اللي فيه ..ولا تركزي على عيوبه.. وقتها ...حتعيشي مبسوطه..وحتشوفي كل شي هين..وعادي..
وابدي من اليوم صفحة جديدة..وانسي كل شي موحلو..وصدقيني..بس غيري نظرتك له ..حتحبيه ..وحتشوفي قد ايش ..الاشياء اللي صارت تافهه ..وبتصير في كثير بيوت..بس البيوت اسرار..وياما بنات بيقعدوا شهور رجالهم مايقربو منهم ولا ...ولا..ولا.....
بس الناس مايقولوا...واذا سألتيهم ..اكيد حيقولو مبسوطين..

ولو فكرتي فيها..بيني وبينك ..حتى احنا يالبنات مقصرين..ومانعرف كيفي نعامل ازواجنا..وبسرعه نزعل ..واللي نسمعه من الناس نصدقه ونحسب صحيح .. ونبغا رجالنا يعملوا كذا...وكذا ..وكذا..
طيب هو ما يقرا اللي في عقلنا ..ولا يعرف ايش الحرمه تبغى؟؟
ولو عرف حيعمل اللي تقول عليه..وماحيقصر؟؟وبيني وبينك؟؟
طيب حتى الرجال..يتمنى ان مرته تتلصق فيه وتبوسه و..وتمسك يده ......و و و
نولما يشوف التلفزيون ..تلقيه يتمنى ان مرته تسوي كذا وكذا ..بس مايقول زينا..ويكتم في قلبه ...عشان مايبغى مشاكل..صح..

وكل الشباب عندهم ذوق-بس للتلفزيون-ويقولوا -هذي حلوة ..وهذي مدري اشلون..

طيب ياعمري..هو كان كذا عند اهله ..وعند الشباب..وماحيتغير بسرعة ..
شوي شوي..ووالله حيبطل ..اذا مليتي عيني..بدلعك وغنوجتك ...

واذا هو..ياعمري .. مايعرف كيف يعامل مرته..انتي اللي علميه ..بتصرفاتك واسلوبك..وحتصيري قدوة بدون ما يحس... :icon28: احنا لوفهمنا نفسية الرجال كان عرفنا كيف نعامله..
وما نقول .ليه ماهو اللي يتعلم.. ؟؟؟
لان الهدف لي ..وانا اللي ابغا احافظ على بيتي..ولاّ هو عادي عنده..يروح يدور وحده فرفوشه تعرف كيف تعامله وتونسه وتسعده ...


وبالنسبة للعمل..وسواليفه..
الرجال اذا تبغي تكسبي قلبه ..اسأليه عن عمله ؟؟
ليه ؟؟
لان الرجال خلق من تراب..والتراب هو العمل ..
والرجال اذا ترك العمل كأنه ترك اغلى شي عنده ..وكأنه فقد امه وابوه..

والصحيح.. الحرمة اذا جا زوجها من عمله ..هي اللي تحضنه ....وكانها تعزيه ..في فقدان غالي عنده...

واهتمي بهواياته..-انت اولا-..راح يهتم بكل شي مهم عندك ..وراح يهتم فيكي ويحبك اكثر..
وكل كلامي يالغاالية عن تجربة..


ونصيحة .لا تسمعي من احد ..ترا البيوت كلها مشاكل ..بس الناس طبيعتهم ..مستحيل يقولو احنا فينا وفينا..
وتشوفي الوحده متشققه من الوناسه ..واذا فضفضت..تقولي الحمد لله ..اني في نعمة.
حبيبتي..الحياة كلها مشاق ..وحتصير عسل ..اذاانتي اللي بديتي ..ولا تركزي على الامور..وطنشي..ولا تجادلي..

والرجال يالغالية ..اذا داريتيه طفل..وان عاندتيه ...جبل
اتمنى ان كلامي يجد له في قلبك وعقلك نصيب..
ووالله اني تمنيت ان احد يقولي هذا الكلام من اول حياتي..كان اشياء كثير تغيرت.. :icon28:

وتذكري ياعمري-ان مافيه رجال كامل..زي مافيه حرمة كاملة..وهم اللي يكملو بعض..بالحب والتفاهم والصراحة ...
والحرمه بتصرفاتها ودلعها ودلالها ..وانوثتها تقدر تاخذ اللي تبغاه...فهمتيني.. :D

وانا لك اخت وناصحة ..
واي شي تحتاجيه ...امري يالعروس ...والف مبروك ...