انا متضايقة جدااا احس اني بنفجر.. وكارهة كل شى

قلت معد اشتكي بالمنتدى بس ضايقة فيني الدنيا ويارب اللي تساعدني وتنصحني من قلبها كاني اختها اني ما نساها من دعائي


انا متزوجة لي فوق عشر سنوات وزوجي طيب ويحبني في مشاكل تحصل في كل بيت بس الحمدلله متفاهمين وعندي ثلاث اطفال بس ماني مرتاحة هم كبير على صدري
دايم احس بفراغ في نفسي حتى لو عندي مية شغلة احس كاني منعزلة عن العالم اعيش في كوكب ثاني والله مدري كيف اسوي يالله اقوم بزوجي واطفالي شرينا بيت سكنته تخيلو ماني فرحانة فيه ابدا احن لبيتي القديم مع اني اني يوم كنت فيه ودي اطلع وماني مرتاحة
دخلت تحفيظ تحسنت نفسيتي شوي بس فصلت منه بعد النقل ما كنت كذا والله زمان قبل يجون اولادي كنت مبسوطة اكثر من الحين وزمان عندي مشاكل الحين الحمدلله مافي مشاكل مدري كيف اطلع نفسي من هالوضع
عجزززت اطلع اتمشى اروح لعمتي مرتين في الاسبوع بس ماني مرتاحة احس فراغ في قلبي مدري وش ابي قلت يمكن عشان اهلي مو عندي بس قلت لي سنين متزوجة ما كنت افكر في البعد كنت راضية ومبسوطة اروح لهم في الاجارات
الحين نقلت فلة صغيرونة لي اسبوع تجنن ماشاء الله احس ودي اطلع من ملابسي من الضيقة مع ان البيت حلمي من سنين توقعت اكتئاب بس ماشية في السنة الثالثة ووضعي زي ماهو حللت فيتامينات وفيتامين د سليمة الحمدلله
صرت حساسة من اي حركة او موقف واقعد بالايام متضايقة ومهمومة قبل كنت فرفوشة واحب الحياة وعندي خوف ان الناس تطنشني او تتجاهلني حتى لو العلاقة رسمية بينا
قلتلكم احس ماني طبيعية كلامي مو مرتب بس فضفضت قلت القى حلول او دعوة