=== انا مجدتي نورة === تعالوا اضحكوا

موضوع اعجبني ولطشته لعنونكم



السلام عليكم ورحمة الله وبركاته
>> زي ما اتعودنا لازم في البدايه السلام هع ـآ


الله ياخذكم واحد ورى الثاني لقلبي لانني احبكم في الله حباً جما << يامن يعطيه بوقس على بطنه
والله مالي خلق اكتب لكم موضوع بعد هزيمة الهلال
لكن حبي لكم اكبر من كل شي


والله السالفه جدتي زعلانه تقول انت مقابل النت <<الكمبوتر حسب تسميتها
وتاركني ولا حتى تناظر فيني



وحاولت افكر وانزل ما قدرت لأني كنت طفشان بصراحه


وعجزت حاولت اعصر هالمخيخ مالقيت شي


قلت برووح انام يمكن اتحلم بشي يفتح النفس


الموهيم

واحاول انام ولا قدرت وارجع اطعز الجهاز واشغله والغمص مسكر عيوني >> ياكذبه توه يقوول مانام


الموهيم


واجي للمنتدى والقا المواضيع هي هي ماتغيرت
والماسنجر كل ما دخلت عليه يقول اقلب وجهك


الموهيم

واطفي الكمبيوتر وانزل تحت والقا جدتي نورة تحت تمشط قروونها الذهبيه وعاكسه نور شمس العصريه


وااااااااااو تخيلوو روعة المنظر >> بلاكم ماتدرون ان الشيب اكل منها وشرب


المهم قالت هلا بزينون حياتي جعلني ماذووق حزنك


انا استغربت بس عاد جدتي واعرفها ماتقوول هالكلام الا اذا بغت مصلحه


واجي ارد عليها وانا عاقدن حجاجي << اتحداكم تفهموون ذس اس


قلت خير وين تبين ترووحين واقصري هالمصريات الي بتمسكيني خط عليها


قالت تكفى سروالي الي شراه جدك رحمة الله عليه وجعل ترابه تراب السعاده منشق وابي ارووح سووق العويس ادوورله رقعه >> امحق يالاسواق الفخمه هع ـآ
قلت ليه طيب سووق العويس
اي سووق وخلصينا خلينا مثلاً نرووح لسوق حياة مول او صحارى >> يمدحونه هع ـآ


قالت لا سروالي اخضر مشجر بأسود قلت اِنعن ابو المزاج حطمتي

واقوول وانا مقصر صووتي مادرت عنك سندي كروفرد ولا كان انتحرت بقاز


قالتلي وش فيك تحلطم وش تقوول قلت لا بس عندي ضرس يبيله حشوو << الله من زين الترقيع


الموهيم


قلت يالله انا بسبقك للسياره وانتظرك قالت هي طيب


وتأخرت علي وانزل من السياره واقووووول جااااااادددددددده نووووووووووورهـ
قالت وطرمه وش تبي قلت اروجي << وس ذي بعد اتحداكم تفهموونها


الموهيم

وتجي تركب معي في السياره يوم اركبت واشم معها ريحة عطر بولقاري
والتفت عليها واقوول هاه للحين ماعقلتي << بيفضح جدته


قالت لا بس انا مواعده جدت خويك رقيه في السووق وبسلم عليها


الموهيم


واوديها لسووق وتنزل
وانتظر وانتظر وانتظر
الا جدتي ماكن لها ولد ينتظرها
والله والقى السواقين مجتمعين عند الشجره يسولفوون وانزل واسوولف معهم
عاد طفشت منهم وارجع لسياره


واحطه على الراديو ويطلع حجاب يغني اماه ياغلا بشر في حياتي


الموهيم >> حسيت انكم طفشتو من دخلاتي هع ـآ


وشووي الا تجي جدتي


وتركب وما امداني امشي الا سوبر الهيئه وراي يكبس


وقفت ونزلت
الا يقولوون لي اركب معنا اقوولهم خير عسى ماشر


ويركبووني غصب؟؟؟؟؟


ويروحون ينزلوون جدتي وهم ينزلوونها اسمع العسكري يقوول وحاطه عطر بعد هاه زين


عاد جدتي عليها قل صحه


تقوولهم استروا علينا تكفووون (وقتها ودي ازنطها )


الموهيم يازين اشكالنا انا وجدتي في سووبر الهيئه


ونرووح لمكتبهم وكل ماجيت بقوولهم شي قالوا انطم


ابي اعلمهم انها جدتي بس مافيه فايده
الموهيم


اطلبو من جدتي رقم عشان يجي احد ياخذها
وعطتهم رقم ولد عمي الكبير
وكلموا ولد عمي قالو له لقينا جدتك مع واحد >> حتى ولد عمي عادي غاسل يده من الفكره هذي


وجدتي جنبي وتقوول ياخساره الحين من الي بياخذني
واطالعها ودي وقتها امعط قرنها واطلعها من المكتب :28:
الموهيم
جلست انا ماقلت شي ابداً متحطم واقوول حرام الي ضيعت عمري عشان سروال نورهـ



الموهيم


ويجي ولد عمي ويقوول منهو ابن ال؟؟؟ الي مطلع جدتي
ويقولوون اهووه الي هو انا ويلتفت علي
ويرجع لهم ويقوول قصدي منهو ال؟؟؟ الي مطلعها
قالوا هو هذا

وقال لا ماقلتلكم ولد عمي قلت من الي مطلعها قالوا هذا الي مطلعها


قال ولد عمي هذا ولد عمي؟؟ :icon28:
وقتها نفخت صدري وقلت لله درك يا ولد عمي عطني خشمك ابووسه


يعيش خشووم( عيرته)


قال العسكري قوول ولد عمي قلت انطم مالك شغل بيني وبين ولد عمي هع هع ـآ
الموهيم
قال ولد عمي انا بسامحكم هالمره والمره الجايه ياويلكم
<<عادي عند ولد عمي ياحليله


<< اطال الله في عمره يموون على ولد عمه حتى مرات يكبتها عليه في البلوت


وبس هذي القووصه عاد كتبتها وانا مالي خلق لنت بس قلت حزم الجلاميد جاها مطر والطلي يشبع << لحسة مخ


ع العمووم نصيحه كل واحد اذا جا يودي جدته يركبها ورى لحد يركب جدته معه قدام ويصير له ماصارلي


وهذا والله اعلم >> ههههههههههههههه >> مادري وش اكتب من تعليق غير الضحكه هع ـآ