الله يحنن قلبك على اطفالك واقراي قران يوميا وشغلي سورة البقره عندك وانتي بالمطبخ تشتغلين يارب يشفيك وسخك لاطفالك ويسعدك

لو ما تبغى ولدك اعطيني هو ،، صار لي استنى 6 سنين ،، امزح معاك ،، ربي يخليه لك،، حبيبتي لو تأخذي موانع حمل اكيد هي اللي مسوية فيك كده ،، خالتي حبوب منع الحمل يخليها عصبية من كثر ما تضرب عيالها من الخوف يبولو على نفسهم و لما اكتشفت السبب تركت الحبوب و قالت لو ربي يملي بيت عيال ما يهم بس ما اضرب اطفالي ،، ربي يهديك و يحنن قلبك عليهم ،،

صح اختي والله انك جبتيها عندي ظغط ظغط ظغط مدمرني واكتشفت هالشيء بعد ما نبهتيني

والله العلي العظيم انا بعد ابكي ابكي بعد مااضربه بالليل وانام جنبه وابكي من الظرب الي اظربه وكل مره اقول هاذي اخر مره وانا بعد اقول ليششش انا غير عن الناس وشلون حلو يربون عيالهم كاني اغااار من اشوف الفرق بين ابني واولاد الناس وفرحانيين ويلعبون وانا ابني ويه عليه علييييه ساكت وما يتحرك من مكااااااااااااااانه ابدا


اعرف اني غلطااااااااااااااااااااانه والله اعرف اعرف لهالسبب فتحت هالموضوع ابغي الحل يا ناااااااااااااااااااااااااااس رح احاول اتغير باذن الله الواحد الاحد لان انا اصلا نفسيتي تعبت


جزاك الله خيرا اختي رح احاول امسك نفسي بس والله اليوم الحمدلله ما ضربت بس صاااااااارخت رح احاول ابتعد عن الصراخ بعددد




اي والله المشاكل بالدنيا ومع الازواج هي السببببببببببببببببببببببببببب

ان شاءالله مشكوره اختي

مشكوره اختي ايه والله الظغط بالبيت والترتيب يشيل نص الهم
مشكوره اختي انا حتى النوم مايفيدني الله يهدني بس


لا تعليق :(

راجعه لباقي البنات بالردود باذن الله بعد ان اقراء باقي الردود

والله يتقطع قلبيييييييييييي من اذكر من ظربته و منظره يبكي وايدينه على وجهه وشلووووووووووون انسى يارب وشلوووووووووووووووووووووووووووووووووون انسى الموقف عشان مااكل بنفسي من الداخل لا حول ولا قوة الا بالله العلي العظيم

طيب يا بنات تتوقعون ابني ينسى الظرب ؟؟؟ اذا فتحت صفحه جديده معاه ؟؟؟؟؟؟؟
وهل شخصيته تتغير للاحسن؟؟؟؟؟؟؟؟

يابنت الحلال

كلنا عندنا ضغوط ومشاكل وتراكمات نفسيه

بس ما نضربهم الضرب المتكرر في الوجه

لا

و على الوجه

حرام والله حرام

امس كله وانا اتخيل عيالكم وانتوا تكفخون فيهم وتقرصونهم وتضربونهم

قسم بالله شي ما يرضي ربنا



روى مسلم في صحيحه، عن عائشة رضي الله عنها قالت: قدم ناس من الأعراب على رسول الله صلى الله عليه وسلم فقالوا: أتقبلون صبيانكم؟ فقالوا: نعم، فقالوا: لكنا والله ما نقبل. فقال رسول الله صلى الله عليه وسلم: أو أملك إن كان الله قد نزع منكم الرحمة" وفي رواية "إن كان الله نزع من قلبك الرحمة" صدق رسول الله صلى الله عليه وسلم0
(صحيح البخاري)

تخيلي عشانه ما يبوس اولاده قال له كذا لو كان يضربه وش كان بيقول له

اجلسي مع زوجك

وقولي له الوضع

وقولي انك خايفه على عيالنا من التوتر اللي صاير

وقولي بستشير لي اخصائيه اجتماعيه او نفسيه

ترا مب معطيتك حبوب الا اذا كانت حالتك صعبه مرة

بتعلمك كيف تتنفسين عميقا وكيف تسترخين

يمكن تدلك على اطعمة او مشروبات تهديء العصبيه اللي عندك

ومثل ماقلت لك

خلصي اشغاااااااالك كلها قبل لا يصحون الضعوف

خلصي شغل المطبخ والغسيل ونظفي دورات المياه عشان ماتشعرين بالتوتر والضغوط انك قاعدة تنظمين بيت وعيال

قبل لا يصحى الضعيف

صلحي له سندويتش يكفيه وغطيه واذا طلبه عطيه

وقشري له تفاحه وقطعيها وغطيها

او اي شي يحبه

عشان ماتقولين ياكثر طلباته

معليش سامحيني قسيت عليك اول مرة

بس هذا ولدك قطعة منك وتسوين به كذا أجل الغريب او العدو ؟؟

اذكري الله واستغفريه وتعوذي من ابليس

وحاولي حاولي تفصلين بين احباطاتك وولدك ماله ذنب حبيبي

برسل لك رابط اقريه واتمعني فيه

وولدك بينسى ان شاء الله

توه صغير ياقلبي له

تراهم صغار يتكيفون بسرعه

ويتأثرون بعد بسرعه

ويلاحظون اللي قاعد يصير مب اغبياء هم

الله يصلح حالك وبنات المسلمين

ويرزق كل محرومه بالضنا