انا محتاره ابغى احد يساعدني وخاصه ونة خفوق

اذا ردت ماما ونه((ياويلي منها)) ابرد بعدها...


















مااقصد شي والله بس احتراما لها :26:

,وان بعد ابنتضر ماما ونه بس ياليت تقوليلي ردك يا يتيمه
ومشكوره على المرور:27:

الله يفشل العدو :29:

أول شي أنا إذا أحد نخاني أخور وتضيع علومي وأصقع في الجدران :o

ثاني شي ماما في عين العدو أنتِ وياها هذي بالذات طلعت لي قرون >> :30:

يعني هذا وجهي إن طلعتي يالحنون بنتيجة مني :23: << الشرهة على اللي ناخيتك مالت عليك:30:

نجي للمشكلة...

--

القروب ماتقدرين تسوين شي من ناحيتة..

لأن طالما زوجك مشترك فية فمعناها ممكن يشترك بغيرة وغيرة..

ونصيحتي لاتصرحين لة باللي عرفتية

أولاً حتى ما تخلينة في موقف الضعف اللي بيعطية ردة فعل عكسية

فتاخذة العزة بالأثم فيتحداك أو يكون بينكم هواش وتجريح وووو....الخ

* أو حتى ماتدفعينةوتعطينة جرأة ويستمر على فعلة ويزول الخوف عنة

ويصير الشي عينك عينك يعني لاحياء ولا مذلة.

--

اللي عليك تسوينة

خليني أكون واضحة وصريحة...

* هذا مثل المرض يجب تعالجينة منة وتصبرين علية وتتحملين وأحتسبي الأجر عند الله..

* وعليك بكثرة الدعاء إن ربي يغض بصرة عن الحرام ويسخرة لك ويهدية ويفتح على قلبة

* جيبي أشرطة ونشرات تخص النظر المحرم والكتب الخفيفة حتى ينشد لقراءتها..

لاتعطينه اياه بس خليها في دربة في مكان قعدتة وراحتة.

* تحاولين تجلسين معة أكثر...سولفي معة عن هالأشياء بشكل غير مباشر

خلية يطلع اللي بخاطرة معك وشوفي وش عندة .

* حطي في بالك إن هالمناظر مقززة للنفس وبكل صدق إحنا نلمحها في دعاية

على النت وتحام كبودنا منها فما بالك باللي يتابعها.

----

فية عندي أشياء بقولها وأرسلها لك على الخاص..

بس أنتظريني..

--

وبالنسبة لتوقيعك توني المحة الله يرجك :23:

بس أنتظري مع الطابور:o

مشكوره اختي ونه00000شفتي وشلون تادبت ماقلت ماما خفت تراني ضعيفه كل الكلام من راس يتيمه هي السبب000صارت مشكله


طيب وشلون المح له:29:

السلام عليكم ورحمة الله وبركاته ..
اختي #حبوبه# ..

المشكله اللي طرحتيها وايد بنات قاعدين يعانون منها ..
المهم انج انتي تعرفين الاسباب قبل ما نحط الحلول .. شاللي خلاه يتوجه لمثل هالشغلات ..

امم .. المشكله ان الرياييل ( ضعاف النفوس خاصه ) غالبا لما يلقون وقت فراغ يتجهون لمثل هالاشياء ..
مع احترامي الشديد لزوجج أكييد ..
فكل ما زاد وقت الفراغ وما لقى شي يسويه .. تلقينه يتجه لهالأشياء ..
وهذا من واقع تجربة وعشره طويله مع اشكال والوان من الشباب ..
اذكر واحد من الشباب كان متزوج .. وكان ماكو على لسانه الا هالسوالف ... واللي فهمته من كلامه لما يسولف عن هالأشياء كان يقول ان زوجته تطلع تزور أهلها من بعد صلاة المغرب وما ترجع الا بالليل .. وهالشي يسهل عليه اللي يسويه ... واساسا ما عندهم عيال .. فـ بحكم الفراغ اللي اهوه يكون فيه .. ما يلقى غير هالشغلات جدامه ..

ومثل ما اذكرت اختي ونة خفووق .. هالسالفة غالبا ما تكون مرض .. أو يمكن عادة تعود عليها قبل الزواج .. وصار مستمر فيها بعد الزواج ...

والنصايح اللي اذكرتها اختي ونة خفووق ممتازة .. والاهم فيهم انج ما تصارحينه بهالشي بتاتاً ..
لأن جذي ممكن يخليه يسوي هالشي وانتي موجوده وبعلمج .. وتصير السالفة سالفة تحدي وعناد ..

وهم طرشيله على ايميله ايميلات عن هالسالفة من قصص و و و بين فترة وفترة .. ولا تنسين نصايح اختي ونة خفووق ..
وتصبري .. لأن هالسالفة ما تنحل بيوم وليلة .. لكن مع الوقت انشالله الله بيهديه وبيوخر عن هالسوالف ..

بس انتي اهم شي حاولي كثر ما تقدرين انه يكون وقته دايما مزدحم .. او انه ان ما يكون متواجد على الكمبيوتر بروحه ..

وعن التلميح .. ممكن انج تقوليله قصص عن هالسالفة .. وعن غض النظر
وهم ممكن تقوليله انج ما تتخيلينه كلش انه ممكن يفكر يشوف غيرج او انه يكون مثل أصحاب القصص اللي بتقوليله عنهم ..
وقوليله عن ثقتج الكبيرة فيه .. يعني حسسيه انه كبير بعينج .. وانه مستحيل تظنين فيه بيوم من الايام ..
هالشي له تأثير قوي عليه .. راح تخلينه يستحي من نفسه ويفكر مليون مره ليش وشلون يسوي جذي ..

والله يعين ..
وآسف عالإطالة ... :)

اخوج .
كويتي متغرب :arb: