انا مصابة بعين ... وحياتي انقلبت جحيم ومو قادرة اؤمن بهذا الشي ..

السلام عليكم ورحمة الله وبركاته
انا متزوجة من ٤ سنوات
والله يابنات زوجي اول اسبوعين من الزواج كان يحبني محبه شديده وفرحان ومتعلق بي .. بعد الاسبوعين اتذكر طلعنا بالسياره و اتبدل وصار شخص ثاني في يوم وليله ومن يومها الى الان وانا حياتي جحيم بمعنى الكلمه .. صار يكرهني كره شديد .. ينفر مني مايبغى ياكل وياي بصحن واحد واذا اكل يجاملني .. مايبغى ياكل من عندي شي مايبغى اتقرب له .. ولا الف مره نجيب طاري الطلاق .. مشاكل شديده اهانات شتم يحاول يمد يده علي مايقدر يقعد بالبيت والمشكله صار عندنا ولد وبنت .. مو قادره اهتم فيهم بسبب الهم .. يعني هاملتهم يعني بنتي تعاني من عصبيتي بسبب الهم يعني على اقل شي اعصب عليها بصراخ .. ومادري ليش اعصب بهالطريقه .. عندي مشاكل بالجلد والشعر والام بالظهر ... ومايبغى ينام معاي بغرفه


كل من يفهم بهذه الامور قال لي اعراض عين واضح .. قالو لي واظبي على القرآن وايات معينة من القرآن الكريم ردديها ولاحظت فعلا .. ان في تحسن كبير .. من ناحية النفسية والهدوء .. ولكن يجي في بالي يمكن هذولا اللي قالو لي اعراض عين .. مايدرون .. و ارجع اقول يمكن هذا طبع في زوجي ..


بس والله يصير مو طبيعي
خوات زوجي طيبين كم مره ينصحوني يقولون طنشيه لاتردين عليه وقت الغضب .. اقولهم انتو ماتدرون عن اي شي .. هو يعصب ويهاوشني بدون سبب على اقل غلطة يقوم الدنيا ومايقعدها ومن اكلمه يقول ابي اطلق ..
يعني بين وبين مو عارفه هل هي عين فعلا او هذا طبعه
غير تدهور صحتي اللي كل ما اروح مكان للفحص قالو مافيك شي
اكتئاب فضيع .. ظهور بقع تاكل في الجلد نسيان شديد ..
في امووور جدا ماهي طبيعيه .. خصوصا عصبيته اللي بدون سبب ويردد يفكر في الانفصال .. يعني حتى لو فكر يجي يغير معاملته لي .. اخاف منه .. ويرجع العن من قبل .. خلال ساعات ..


وفي ناس اقسم بالله تعلق علي تعليقات ... مثل .. مانشوفك مثل اول كله مع زوجك قاعده .. ليش سرحانه فلان لهالدرجة مطير عقلك .. و اخو زوجي من يشوفني يقول عطيه تصريح خله يطلع معانا .. يحسسني كانه خىوف عندي هذا كله صار بداية الزواج قبل ما ينقلب الحال .. ولازال الاحمق من يشوفني يقول لي هذا الكلام .. رديت عليه انا بعد ابغى تصريح عشان يقعد معاي ..




ولاحظت تحسن فعلا اذا قرأت الايات الي نصحوني فيها ..


ما ادري اللي مجربه العين وتحس فعلا هذه اعراص عين تخبرني وتفيديني اكثر وش الي ينفع لعلاجها ..