انا منت منيب ولد

السلاااااام عليكم يافرفوشات انا الصراحه اول مره اشارك في ها القسم......عاد من كثر مشاركاتي
المهم ما اطول عليكم بس حبيت اشارك بقصة ولد اختي (انا منت منيب ولد) وعمره 3 سنوات والترجمه انا بنت منيب ولد والغريبه احتجاجه ورفضه انه يكون ولد:arb: :32: ...والله غريبه زمان كانت البنت يتقطع قلبها تبي تصير ولد والحين الولد ما يبي يصير ولد باقول يوم واحد من يومياته وانتو احكمو من حقه يتمنى انه يكون بنت ولا لا وش الحل في رايكم
نبدا بسم الله
ادخل على البزارين وباعلى صوتي اقول هاااااااااااا شباب من يروح معي السوبر ماركت طبعا تنط بنتي 4 سنوات وبنت اختي 5 سنوات (اخته) وطبعا هو اقول بسررررررررررعه طبعا الشيخات يقعدون ساعه يلبسون عباياتهم ويمسمسون الطرحه على وجيهم عسى بس ما تخنقهم وطبعا هو يطالع وبكل بساطه يقول ابي عبايه واقول انت ولد والولد ما يلبس عبااااايه وتبدا الدمعات بالهرب من مقلتيه عاد عيونه كبااااااااار ويقول الجمله الشهيره انا منت منيب ولد وطبعا بعد الطقاق والاقناع والتهديد يرضى ويركب السياره ونرجع وكالعاده يتجهون للغرفه يلعبون شوي ويجي الصياح مره ثانيه خيييييييييير وش فيه وترد الفصيحه اخته احنا نحط مناكير وهو يبي وقلنا له بس البنات وطالعني وعيرنه كالعاده مغورقه دمع وقال انا منت منيب ولد
وطبعا نفس الشي لما يلعبون حريم نلقاه يصيح لييييييييييه يقول ما لعبوني يحلفون انهم لعبوه بس هو ما يبي طيب ليه لانه الابو والابو يقعد هاجد طول اللعبه وهم اللي يطبخون ويكنسون ويشيلون البزارين (فوط ملفوفه) وهو بس يتفرج واحاول اقنعه بدوره ويقول انا منت منيب ولد
وطبعا اللبس لما نقول يالله غيرو طبعا عارفين لبس البنوتات وهو وانا ابي زيهم وطبعا نقول انت ولد والولد ما يلبس فستان وطبعا يعيد الجمله انا منت منيب ولد
اذا جينا نصلي امي الله يحرمها على النار جايبه سجاجيد وشراشف لهم وطبعا هو ماعنده شرشف وماله داعي اكمل اكيد عرفتو وش بيطلب وش بيكون الرد ويرجع يبكي ويقول انا منت منيب ولد
طبعا اشياء لقينا لها حل شريناله بشت اسود والمصيبه قال وين الطرحه وامه شرت له درزن ثياب بيت من اللي يحبها قلبك مدري من وين جايبين الاقمشه وطبعا حاولنا نبين ميزات الولد وانه بيسوق سياره وبيصير زي بابا وخالو والبنات لا واستااااااااانس وتشقق بس المظحك انه بعد فتره بسيطه سافر مع اهله للخارج وتكلمنا اختي فطسانه ضحك تقول وانا في الطريق من المطار لين الولد يصارخ وياشر على سياره تسوقها حرمه ويقول شفتي المنت تسوق سياره

هاه وش الحل معه تصدقون والله بعده حسيت بتميز صدق اني كنت بنت
يالله ان شاء الله بس استاسعت صدوركم الولد الصراحه تحفه مدري من وين جايبينه اهله