انا منهارة مشكله بعملي

الحمدلله الذي لايحمد على مكروه سواه


والله يا خواتي انا احس انكم اهلي وخواتي وصديقاتي الي انا محرومه منهم
ومالي غيركم بعد الله اشكيله همي ومصايبي التي تتوالى على راسي


سبحان الله ياخواتي مايمر علي يوم ولا يومين الا مصيبه اكبر من الثانيه
واليوم حصلت لي مصيبه ما ادري اسميها طامه الكبري



والله تعبت نفسيتي كرهرت كل شي بالدنيا

قولوا امين احصل الزوج الي يسترني بعد هالعمر ويغنيني على هالشغله الي متعبتني وماشفت منها خير ابد


انا اعمل من 10 سنواات عمري ما تهنيت فيه ولا تهنيت بفلوسي حتى وعندي فلس غير الديون الي ما استفدت منها شي

انا اشتغل وصرف على هلي
هلي الي مايعرفوني الا للدفع
ابوي ما يصرف على البيت وانا اصرف عليهم لان هو عنده بيت ثاني ويقول ماعندي اصرف عليكم بعد
وكانت امي تشتكي دايم وتبكي وتتمشكل مع ابوي فقلت لها خلاص انا بصرف على البيت

والله ان يصرف علينا بالسنه حسنه والله لو صرف درهم اعطيه عشر عشان مايعاير
وياليت مبين بعينه ولا بعين امي


لولا هالشغل ولولا اني اصرف عليهم جان امي قطتني بالشارع خاصه اني عمري 33 ماعرست
هيه لا تشتغربون لان امي مافيها ذرة احساس
هي ما تهتم اذا انا مرتاحه ولا مهمومه ولا باي مصيبه المهم يوم تطلبني فلوس


وانا من يوم ما اشتغلت ما تهنيت ولا شفت الهنا بالشغل يوم واحد
تخيلوا انا توضفت بمدرسه والناس كلها كلتني اني توضفت بعد الشهاده على طول

ما تتخيلون اول سنه لي تبهدلت بهدله وكنت بمنطقه بعيده نائيه مدة سنتين
بتقلون لي عادي بس مب عادي نحن عندنا بالامارات وخاصه منطقتنا يعني همه نادر ما تصير معاهم وانا الوحيده الي صار لي ان انتقلت مدة سنتين منطقه نائيه وخاصه ان تخصصي مطلوب
مع ذلك كنت مرتاحه مع المدرسه والمدرسين
بعد هالسنتين ياني الفرج ونتقلت لمدرسة قريبه قلت خلاص ربي عوضني ان المدرسه قريبه جدا

كانت معاي معلمه تدرس معي نفس الماده
والله انها لو قلت انها عقربه قليل فيها
قلبت حاتي فوق تحت جحيييييييييييييييييييييييم

لو تشوفونها تقولون عليها من الدين ماشاء الله بس قلبها ياسااااااااااااااااتر اسووووووووووووووووووووووووووود سواد الليل
تلقي محاضرات وكل سنه تروح الحج ويمكن تروح شهر وشهرين وتحج ومحاضرات وندوات
والله تخيلوا محاربتني في كل شي تغار مني غيره فضيعه

حتى ان مالي مكان ولله مالي كرسي حتى اقعد فيه بالمدرسه
كانت قالبه علي الاداره والمدرسين فضيعه فضيعه
هي مالها احتكاك مباشر الا معاي انا
انا لاني ادرس معاها المنهج انا وهي بس بالمدرسه وجالسين وبنفس المكان
حتى لو تشوفني اجلس مع معمله من المعلمات كانت تروح تخرب علي علاقتي معاها
واااااااااااااايد مشكلتني لدرجه فضيعه لدر
وربي بلاني باكثر من كذا
ان يوم خطبني واحد وملكت عليه طلع واحد صديق زوجها الروح بالروح
طبعا اشتغلت الغيره عدل وزوجها سبحان الله نفس طينتها
واصلا الي كنت ماخذته نفس طينة زوجها راعي مشاكل وسفرات كلهم نفس الطينه

طبعا لدرجة اني طلبت الطلاق وانفصلت بسببها وبسبب زوجها
يعني انا كنت ناقصتها عشان يطلع لي زوجها بعد

حاولت اصلح ما بني وبينها بس مستحييييييييييييييييييييييييل
هي انسانه مريضه لاقى درجة
من الغيره والحقد وهي تعتقد ان الدنيا حرب وهي بس تبا تربح لو على حساب الغير


المهم وصلت فيها المواصيل خلااااااااااااااااااااااااص حدها

طبعا فجاه نهاية السنه خبروني جاني نقل لمدرسة ثانيه

طبعا هي طاااااااااااااااااااااااااااااارت من الفرح وطبعا هي تبقى تدرس بروحها المنهج ويصفى لها المدرسه وبتزيد عليها عدد الحصص


قلت خلا ص جاني الفرج انتقل وارتاح
مع ان كان يعز على نفسي اترك ربعي والي اعرفهم 5 سنين بالمدرسه هذي
ورضييت بالهم والهم مارضى فييني

ورضيت بالهم وقلت عادي دام اني بفتك من هالنسره وتطلع من حياتي خير شر بعد مالعبت لعوبها وسودت عيشتي
قلت خلاص

بنقل يصير الي يصير


تفاجات بمصيبه ثانيه تنتظرني غيرها ادهى وامر


...

انا وقفت هني واللحين بكمل

المهم يوم نقلوني الى المدرسه اليديده طبعا انا رضيت باي شي
طلع المصيبه ان المعلمه نقلوها عن مدرستها وخلوني بدالها
ونقلونا نحن الاثنين نقل تعسفي

ما اخبي عليكم انا كنت ناويه انقل هالمدرسه باتفاق مابيني وبينها من تقريبا من 3 سنوات
انا على اساس ابي اهرب من الي عندي وسالت واستفسرت قالوا لي هالمعلمه تبا تستقيل اواضعها صعبه بسبب عيالها وتبا تستقيل
انا اتصلت بها قلت لها فلانه سمعت عنج بتستقيلين وافكر اجي لو استقلتي
قالت هي ابا استقيل وشرحت لي اسبابها وتمت تسولف معاي وتاخذ وتعطي وتقولي انا اشتغل حاليا عشا ن ابني بيتي وراتبي كله يروح للبنى انا وزوجي بس اخلص البيت بستقيل ومدحت لي المدرسة المهم نهاية المكالمه اذكرها بالحرف الواحد ( لو استقلت بتصل بج تنقلين بالمدرسه مكاني)

انا كان على بالي انها استقالت يوم نقلوني مكانها

اتصلت بها يوم طلع اسمي بالجريده للنقل ماردت علي ..... ردت علي عقب وخبرتها عشان اسال عنها وعن الاستقاله وكذا يعني

سكرت
اتصلت بي ثاني يوم والشرار يطلع من حلجها
انتي كيييييييييييييييييييييييييييييييييييييف طالبه تنقلين مدرستي وطبعا من الكلام الي يسم البدن
شو اقولها ما اعرف شو ارد عليها
قلت ما قلت المهم ماسمعت مني حرف عبالها انا جذابه


هي نقلوها مدرسة تانيث يعني اقصد المعلمات والطلاب اولاد من عمري 8 سنوات الى 11 سنه
المديره هالمدسه حدث ولا حرج الكل مستاء منها ومن معاملتها السيئه جدا
هاي المعلمه ضروفها الله يعلم بس كانت مخلصه من بناء بيتها
المهم بدت الحرب الضروس هي المراه متزوجه وبيتها كامل وماثث وماشاء الله زوجها الله يبارك لها مب ناقصنها شي

حطيت بالي استقيل بس وضعي صعب

هي وضعها افضل عني


شو اسوي استقيل ولا انقل المدرسه

تشبثت بالنقل على اساس ان اهون من ذيج المدرسه


وتمت تدعي علي والله الله وكيلكم ماخلت دعوه حسبي الله ونعم الوكيل
عقب تبهدلت والله بهدله هو زوجها يراكض لها يروح الاداره وانا اراكض بروحي حرمه وسط الرياييل
لا اخ ولا اب ولا احد يسال عني
طبعا ادارة المنطقه تسامحو معاها على اساس ان نقل تعسفي وان الي صار ضلم وما ادري شوه
خيروني اروح المدرسه الابتدائيه او اظل بمدرستي القديمه وكلاهما امر من الاخر



وامي الحنون كملتها علي وقاعده تشمت فيني

بالاخير هددتهم بالوزاره وخذت نسخه من القرار وكنت بطلع الوزاره هني سكتوا وخلوني ابمكاني


المهم بدايه السنه لين شهرين وانا على هالحال
سرت اداوم بالمدرسه المهم معاملتهم لي اقل كلمه اقولها خايسه
وطلعوا لي مشاكل من تحت الارض
اخر شي تبلوا علي اني سارقه من المدرسه


وااااااااااااااااايد مصايب صارت لي خلال السنه لدرجه كنت كاره عمري وحياتي




لين اليوم ياني موجه المادة بدون سابق انذار ينكر اني اشتغل وسوي اي شي وتكلم وهدد ان ينقلني مره ثانيه
والله اسبابه تافهه والله قال اشياء انا استغربت منها حتى ادارة المدرسه الي كارهتني لقوها فرصه وحطو علي حطه

والله لو تدرون كيف اشتغلت شغل البلاد والله اني مشتغله بايدي وسناني والله مب مخليه شي مب مسوته


ما ادري شو اسوي

حسبي الله ونعم الوكيل

ما اعرف لو كنت متزوجه ولاقيه حد يصرف علي كنت استقلت وارتحت
بس انا قاعده اصرف على هلي

لو الفلوس الي استلمها كان هلي عقوني بره لان امي الله يهديها غير عن الامهات
وابوي يبا الفكه مني اليوم قبل باجر لان زوجته تكرهني وسببت لي ولاهلي وايد مشاكل
انا الوحيده الي واقفه بويها وتسوي لنا بلا




والله لو اقولكم اشيا ثانيه تشيب الراس


والله اني مب مقصره والحمدلله اني على قيام الليل والقرءان والله مب مخليه شي بس ما ادري ليش المصايب تجيني ورا بعض بعدني ما ارتحت من مصيبه مصيبه وراها على طول ما يمديني ارتاح


والله ني رحت مره عزومه شافتني وحده شهقت قالت لي انتي فلانه معقوله شكلي صار تقريبا الي عمرها 45 سنه ما اقص عليكم




شو اسوي علموني ما خليت شي من اسويته



على كلام امي انتي نحسسسسسسسسسسسس





حسبي الله ونعم الوكيل