انا واخ خطيبي !

لي صديقة في المرحلة الثنوية ومخطوبة حق واحد عنده اخوان وايد
وابوه عنده مؤسسة للنقليات:: باصات ::
وعنده اخو عاطل .. مافيه فايدة فأبوه خلاه يوصل صديقتي وطالبتا المرحلة الثنوية بالباص للمدرسة
أحسن من انه يتم بدون شغل ومشغلة
لكنه من يوم اللي وصلهم ولي اليوم :: اكثر من 4 شهور :: وهو كل يوم
يطلع سوالف عليها .. يقول انها تطلع شعر من الشيلة
او ان الصبيان يطالعونها ووهي تبتسم لهم
أو ان العباية انفتحت ومريولها ضيق كلش
او ان ربعها اللي تمشي معاهم يروحون ديسكوات !!
وهذي الكلام عار من الصحة ..
ومايكتفي انه يقول لخطيبها هذي الشي
لا ..
لكنه يقول هالكلام جدام كل اهله وامه وابوه
وقاموا ياخذون فكرة مب زينة عنها
ومرة قال في الباص انه اخوه (( خطيبها )) مب زين وكله يجذب وكل شي مب زين قال عن اخوه
ويوم راح البيت قال لخطيبها ان البنات اللي في الباص يتلكمون عن خطيبها بالسوء واهي ماردت عليهم ولا دافعت عنه ! بس سكتت عنه
وآخر شي قاله لخطيبها ..
اترك خطيبتك .. هالبنت سمعتها مب زينة !!
مع العلم انها متفوقة وتخاف ربها وماتسوي سوالف وانا اعرفها زين
لكن لما تكون في الباص .. اسلوب ثاني يتعامله وياها
يعاملنها اوكي واذا بيشتري شي من البرادة يسألها اذا تبي شي
وساعات يمزح معاها وويا ربعها اللي يقول انهم مب زينين بس ما تعطيه وجه..
ويوم الاربعاء عطانها تلفونه لان خطيبها متصل له
وقالها تكلمي معاه
معن ان خطيبها ماقاله انه يبي يتكلم وياها
لكن اخوه كان يبي يفشلها لأنه يدري انها ماتحب احد من البنات اللي وياها يدرون انها مخطوبة !
اتمنى بصراحة تلاقون لي حل لهذي المسألة ..
فكرت تكلمه وتقوله ليش تقول هالكلام عنها
بس خافت يصير هواش مع اخوه فسكتت ..