انا والبريعصي قصه مؤثره << خخخخخ

السلام عليكم ياحبيبتي ياربيعتي

وش لونكم وش صحتكم يالله لك الحمد

المهم ماطولها وانا بنت ابوي

هاك اليوم وانا جالستن مع خواتي حبيباتي شمه وخزنه وخلود وعذاري والجلسه الطيبه

نقصد ونسولف وقدامنا مطارة شاهي منعنع مع حليب كرنيشن وفصفص << لازم ماتكمل القعده ولا فصفص وشابوه وونعمه وخير << اخلصي لا ادوس برمتك


المهم
ماطولها وانا بنت راعي الحرشا

المراد

وانا مندمجه مع قصيده تقولها اختي شمه ولا اخبط لزق شي طايح بظهري

وانا اللي اجمد بسم الله وش ذا

كان اقول شميم وش اللي على ظهري

قالت : لفي

وانا : ألف

ولا تصيح يااااااااااااااااااااو سنفروا بحياتكم

وقامو البنات كلهم يصيحون ويهجون

وانا اللي اللحقهم قلت السالفه فيها بلا : انا يماااا وش اللي علي داب ولا حيه ولا عقرب

قالت شمه : يااااااااااو لا تجيني اذلفي عني وراحت تنحاش وانا اللحقها

ما وعيت ولا خزنه تسدحني بالارض بالحوش ومعهاا بف باف اي فليت

وانا اصيح : ياااااااااااااااااااااو بتذبحني

ماوعيت ولا اللي على ظهري طاح بالارض وقام ينحاش

لفيت بشوف وش هو الا شين عجيب


بريعصي اللي يشوفه تقول ضب من بريعصي

المراد وانا اصيح يااااااااااااااو


وطبعا هجيت ورحت تسبحت لان عدوي االلدود البريعصي والله اني احب الصرصور اكثر منه

المراد

ماطولهاا

ونسيت السالفه وراحت وهاك اليوم وانا باليل الساعه 4 العصر << مخرفه الاخت توقيت شقحه هذا


المهم

ولا اشوف البريعصي عند باب مطبخنا نفس هاك البريعصي وانا اللي اخذ فوق تحت واروح لمجلسنا

بس مارتحت قمت اتحكحك جدتني رعده قلت ياشقيح روحي اذبحيه وارتحاي

واروح للمطبخ ولا اللقاه واقف ينطرني اجيه

وانا اقول حان اجلك ايها الخسيس

وانا على الدرج امسك النعال <<< وانتم بكرامه

واحذفها عليه ماطريت ولا يدخل تحت كرسي حاطينه زينه

قلت انا لك

واروح اجيب مكنسه وقمت ازحف الكرسي مادريت الا يطلع من الكرسي وانا ألحقه واهبده بالمكنسه
واهبده

وهو يقاوم وينحاش وانا وراه وراه واهبدي ياشقيح

واهبدي دخل تحت الكبت وانا اهبد

مادريت ولا طار شي اثره ذيله انقطع <<< ادري لوعت كبودكم

اصبروا علي

وانا اخلي ذيله وقمت اللحقه واهبده بالمكنسه ألين فارق الحياه واروح لذيله ولا هو يتحرك رحت

صقعته لين طلع منه شي اصفر <<< خخخخخخخ اليوم بتصومون منتم ماكلين شي

المهم

وعقب الهبد وانا اللي امسك المكنسه وارقص <<

وانتصرنا والناصر الله

وقمت اهوس وعلى ابوني ارمي بمسدس . طا طا طا طا

وقمت اهوس عراقي.. ولك ياجلب خاوفتنا امس واليوم ذبحناك يابا يابا يابا

حظرت الريس

اووو اقصد انتهت المشكله

واروح اخمه بالكنسه واللملم بقاياه

واروح اقول لخواتي السالفه طبعا ماصدقوني لين جبت لهم الزباله << وانتم بكرامه

ووظعتها امام اعيونهم


وهلحين اي وحده عندها بعيرصي بالبيت تتصل بي اقوم ابيدهم لكم

مع تحياتي سفاحت البراعصه شقحقح

جاااااو جاااااو