انا مدمنه اي حلى فيه تفاح وقرفه
كيك تفاح فطيرة تفاح وهلما جرا
واليوم اقدم لكم كيكة خطيره مره بالتفاح
وسهله جدا مايببلها خلاط ولا شي خلطها بيدي بالسلك ولا اروع
المهم مالكم بالطويله اخليكم مع المقادير
اول شي نحط نص كاس ماء على النار مع نص كاس سكر اسمر مع نص كاس سكر ابيض
مع ملعقة زبده وملعقة قرفه ونخليه يغلي دقيقتين
نقشر 2 تفاح ونقطعه شرايح او طرنشات الي تبون ونصفه في صينيه دائريه يستحسن تيفال عشان تنزل بسرعه وانا حطيت ورق زبده عشان اسهل للقلب
نصف التفاحات ونصب عليهم الصوص الي طبخناه قبل ونخليهم على جنب زي منتو شايفين
الحين نشتغل على الكيكه
اربع ملاعق سمنه بنكهة الزبد ه وممكن زبده عاديه اصبع وحده كفايه المهم بدرجة حرارة الغرفه ونخفقها زين
نص كاس سكر ناعم تنخلط مع بعض حتى تصير لونها ابيض او فاتح وينفش الخليط شوي
يضاف 2 بيض ورشة ملح وفانيلا وبشر نص ليمونه وتخفق زييييييييييييين لين الخليط يصير زي كذا
بعدين نظيف نص كاس حليب (2ملعقة حليب كبيره مع نص كاس ماء)
ثم ننخل 2 كاس دقيق
ملعقة شاي بكنج بودر و2\1 ملعقة شاي كربونات الصوديوم
ويخلط قليلا حتى يتجانس الخليط
يعني مانخفق واجد
وبعد مايختلط نصبه على التفاح بشويش ونواسيه بالملعقه الخليط راح يكون ثقيل يادوب نواسيه
ندخل الصينيه بالفرن حامي ونقصر عليه تقريبا 30 الى 40 دقيقه وننتبه عليها حسب حرارة الفرن
وكذا بعد ماطلعت من الفرن
ونتركها تبرد زين
وكذا بعد ماقلبناها
لقطات جو ارض على جنب
شوفوها من الداخل مرره هشه وخفيفه بسراحه روعه
واخيرا لاتنسونا من صالح دعائكم