انا والقيصريه والالتصاقات

السلام عليكم ورحمة الله وبركاته
الحمدلله الذي بنعمته تتم الصالحات والحمدلله حمدا كثيرا طيبا كما ينبغي لجلال وجهه وعظيم سلطانه
حبيت اكتب موضوعي لوحده من الأخوات ارسلت لي ع الخاص وحبيت ارد عليها عام حتى لو غيرها حب يسال عن شي يكون الموضوع موجود
انا الحمدلله عملت عمليه يوم الاثنين لي الان اسبوع الحمدلله وانا وطفلي الحمدلله بصحه وعافيه
طبعا تنومت قبل العمليه بيومين ع شان تعاد لي التحليل وحتى يعملوا لي إشاعة خاصه تبين حجم الالتصاقات اللي عندي طبعا الالتصاقات كانت من عمليتي السابقه ومن الشهر الخامس صرت احس بالم في الجهه اليسار وتبين ان سببه الالتصاقات ،المهم كانت عمليتي الاثنين الصباح دخلت الساعه 8البنج كان كامل وكان كمام مو أبره صحيت الساعه 11طبعا لاول مره أطول كذا بالعاده ساعه إو ساعه ونصف بالكثير واصحى والسبب ان الالتصاقات كانت شديده وكانت في منطقة الحوض و ع حسب كلام الدكتور ان لو حاولوا يفكونها كانت راح تتضرر الامعاء والمثانه او جدار الرحم وهذا الأخطر وواجهتهم صعوبه اثناء الفتح لكن الحمدلله عدت ع خير طبعا كانت هذي عمليتي الخامسه ونصحني الدكتور ان مااحمل مره ثانيه لان راح يكون فيه صعوبه في العمليه وراح يكون فيه خطوره علي طبعا انا كان عندي فقر دم حاد ومع العمليه نزل الدم زياده وصار لازم يركبون لي دم لكن سبحان الله ماكان يمشي في العرق غيروا الابره كذا مره لكن ماكان يمشي وبعدين قالوا نحط لك حديد عن طريق الوريد لكن رفضت لان الحديد له أعراض قويه وطلعت ع مسؤليتي مع التأكيد علي من الدكتور ع أخذ حبوب الحديد بانتظام وأخذ اي شي يرفع نسبة الدم
الحمدلله الحين صدق احس بدوخه قويه وطبعا الألم اللي بعد العمليه اللي جربوها يعرفونه لكن مادام من الله علي بالصحه والعافيه انا ومولودي باحاول اعوض الدم اللي نزل والالم بالمشي راح يخف بإذن الله
أتمنى مااكون طولت عليكم لكن وحده من الأخوات سالت بعض الاساله وحبيت اجاوبها هنا حتى هي وغيرها الله يسهل لكل حامل ويرزقكم والصحه والعافية.