ام & امز @am_amp_amz

محررة

انا وامي والنفاس!!

السلام عليكم
عيدكم مبارك..بنات ابي مشورتكم..
انا والده لي تقريبا 10 ايام ولادتي كانت قيصريه والحمدلله على كل حال.
عندي ولد عمره 4 سنوات الله يحفظه..وهذي ولادتي الثانيه..مشكلتي في جلستي في بيت اهلي فترة النفاس.
امي الله يهديها ويحفظها ما تواطن النفاس والا الصغار..وطول الوقت متوتره ومعصبه وترمي كلام من هنا وهنا الله يهديها ويخليها.
الوضع جدا سيئ..البيت مافيه بنات..اخواتي كلهم متزوجات..الاولى ماتجي غير مرة بالاسبوع وزوجها مره شديد والثانيه في منطقة غير منطقتنا.
البيت مافيه غير اخواني الشباب ومافيه خصوصيه لي ابدا، انام بالصاله انا وبزراني..انواع الازعاج والصجه..هذا داخل وذاك طالع وتعرفون طيش الشباب ما يثمنون لشي..باب الصاله على طول مفتوح والهواء يلفحنا ويصفقون بالابواب والانوار هذا يولع وذاك يطفي..وضع سيئ الحقيقه..ماعرفت معنى الراحه.
وبالنسبة لعيالي محد يساعدني عليهم وهذا اللي قاطع قلبي ..اليوم الفجر سهرانه ودمعتي على خدي من ضيقه الصدر ومن شدة الالم..الى الان ما اقوى امشي زين،امشي وانا محدبه ما اقوى اصلب طولي.
بالحسرة اقوى ارفع ولد وارضعه واغير له..الله يفرجها من عنده.
افكر ارجع لبيتي بس اخاف تتضايق امي..مشكلتها غير صريحة ومايندرى وش اللي بخاطرها :(
ورجعتي لبيتي صعبه لان بيتي دور ثاني ودرج ولا انيس ولا ونيس يرد علي الصوت،هنا على الاقل حس داخل وحس طالع.. وزوجي دوامه ورديات وحاله..الله يعين بس.
يوم رحت عندي موعد لجرحي ،انهبل الدكتور..قال لااااااااااااازم تريحين نفسك..جرحك مازال رخو والمفروض انه بدأ يشد!
قلت في نفسي الشكوى لله..شلون ارتاح و امي ماتحب النفاس ولا البزارين!
من بيقوم فيهم هالصغار؟!
انا ودي لو اني طيبه وبعافيتي كان رجعت لبيتي،بس اني جالسه عند اهلي على الاقل فيه من يصلح لي ولولدي الاكل ويلهي ولدي الكبير عني شوي..بس اجتمعت علي تعب جسمي ونفسي من وضع امي :(
يضيق صدري اذا صارت متوتره ومعصبه واذا جاء الليل راحت وخلتني وما ساعدتني على عيالي هذا وحنا ما بعد جانا زوار ولا حريم..والله لو اني طيبه ماهمني بس اللي قاطع قلبي اني ما اقوى حتى اصلب طولي.
شوروا علي وش اسوي ..فيني كآبه شديده الله المستعان.
يارب تفرجها علي وعلى كل مسلم.

يلزم عليك تسجيل الدخول أولًا لكتابة تعليق.

تسجيل دخول

الماء العذب • 15 سنة

الحمدلله على سلامتك

شوفي كثير حريم من جماعتنا كذا ومهاتهم ماتستقبلهم لوو يوم واحد بالنفاس

بالعاده يجلسن ببيوتهن ويجيبن حبشيات

وسبحان الله خدمة النافس فيه اجر

الله يفرج لي ولك ولكل مسلم

حنايا الروووح • 15 سنة

سبحااااااان الله لقيت نفس الحاله ع بالي امي بس والله نفس حالتك بالظبط من ناحيه امي ماتحب الصغار وتكره النفاس وقالت لاخواتي كلهم اللي تحمل تنفس في بيتها مره شي يقهر انا اشوف قعدتك لبيت اهلك مافيها فايده جيبي شغاله موقت واكيد اهل زوجك مابيقصرون يجيون يساعدونك وربي يفرجها عليك والله ودي اساعدك بس مو عارفه كيف الله يعينك ياقلبي ايام واكون مثلك

بنوتة كلاسيك • 15 سنة

حبيبتي أستأجري شغاله لمدة شهر وخليها معك فبيت اهلك
تساعدك ....
والله يفرجها عليك

@ورده حمراء@ • 15 سنة

لاتلومين أمك هذا شي غصب عليها...
الشخصيه المتوتره ماااتتحمل شي أبد
حلك الخدامه استاجري لمدة شهر...تخدمك أنتي وعيالك
ترا كثير امهاتهم مايخدمونهم وعلى الله ثم الخادمات
الله يقومك بالسلامه ياااارب

ام فطيسان • 15 سنة

حبيبتي خذيها مني ...الحين كل واحد نفسي نفسي ..وحتى ((بعض))الاهل...ماقول يكرهونك ...بس اقصد ماهمهم ولايعنيهم حالتك..

عموما انتي كانك تتكلمي عني تماااااااااااااااما...بس انا ابوي...يعصب على ولدي الاكبر(3ونص)...وينزعج من صوت الثاني وبكاه..ومخلي امي زي الخدامه له..طلباته ماتخلص يعني بالتالي امي حتى مهي فاضيتلي..
نسيت اقولك انا اول اسبوع قعدت ببيتي..بعدين
تخيلي لدرجه من التعب والكرف جاني نزيييييييييييييف والدكتورة فشلتني قدام زوجي قالتلي ليش تتحركي كثير؟؟قلتلها هذول العيال وتعبهم..الا قالتلي ::: وووووووووووويين اهلك...

ورحت عندهم وهذا كان حالي زي ماقلتلك..قعدت اسبوعين ورجعت بيتي..يعني ماجلست حتى اسبوعين...بس الشكوى لله..صراحه انحرج قدام زوجي لما يشوفني ارجع بيتي يقولي انا اعرف كل الحريم يتنفسون عند اهلهم 40 وزيادة بعد.....