بسم الله الرحمن الرحيم بعد تردد طويل في قرار كتابة وضعي مع جارتي ...توكلت على الله وقلت مالي غيركم القى عندهم الحل لاني اخجل جدا اقول الوضع لاي احد من اللي حوليني
ابداء تزوجت من سنه وشهرين تقريبا وكنا من اوائل من سكن بالعماره رواق وهدواء والوضع ياسلام عليه بعد شهرين سكنت جارتي عرسان ومن هينا بداءت المعاناة:crap: :crap:
ياحزركم غرفة نومهم وين ايوه غرفة نومهم على غرفة نومي يعني فقط يفصلنا جدار
احم حضرت ليلته الاولى بكل تفاصيلها وكانهم عندي بالغرفه الحمدلله ان زوجي كان نايم سمعت بدايتآ الاصوات جتني النفاضه وام الركب ......واستمر الوضع على ماهو عليه سنه وهم كانهم عندنا بالغرفة وتبارك الله عندهم نشاط الله لايضرهم وصوتها الله يهديها عالي جـــــــــــــــدآ
ويعلم ربي اني صرت اغلب وقتي برا غرفتي احترامآ لخصوصيتهم المهدره تخيلوا زوجي يضطر ينام برا الغرفه اوقات كثيره وانا مكياجي اسويه برا الغرفه فقط غرفتنا لنا اذا كبس علينا النوم
ياطويلات العمر نفسيتي جدا اتعبت
مره لما زاد الوضع عن حده اظطريت اني اتكلم بصوت عالي على الجوال عشان افهموا الصوت واضح ومسموع وزايدين الطين بلله غرفتهم سراميك لكن لقد اسمعت لو ناديت حيا ولكن لا حياة لمن تنادي
وربي من باب احترام الجار ومن باب ان الرسول علية الصلاة والسلام وصانا سكت وصبرت حاولت اتجنبهم لكن الوضع زاد عن حده
وكله كوم وصوت الكعب اللي على طول لابسته ياناس ياجماعة الخير اللي فات كله ماهمني عند صوت الكعب صار عندي ارق وقلق وتوتر ازعجني للغايه اعصابي تلفت ونومي جدا حساس والله افتح المكيفات عشان تغطي ع الصوت والكعب هو مشكلتي الرئيسيه وش اقول وش اخلي اقولكم عن ساعة الصباح تبع دوام زوجها اللي تدق ساعة تقريبا لحد مايسكروها وانا وزوجي خلال دقيقه مصحيتنا
الوضع مزري مرة وصلت فيني المواصيل واكتب رسالة مطوله بالملاحظات بجوالي برسلها بلوتوث على جوالها لانه زي ماقالتلك كاننا ساكنين مع بعض واستأذن زوجي ويرفض رفضا قاطعا طلبته يحاكي زوجها او ندخل ورقه من تحت بابهم رفض
ايش برايكم الحل سنه وانا صابره كانهم ساكنين معانا كلام زوجها الخاص جدا واصل لغرفتي
تعبت امس بالذات جتني سبحان الله زي الكتمه والم بقلبي شديد قد ماتوترت بسببهم
ماهمني صوت المواعين ولا التلفزيون ولافيروز الصباح مشكلتي الاولى الكعب والثانيه خصوصيتهم
اللي صارت مكشوفه
فضفضت لكم وارجواني القى عندكم ومعاكم الحل ....ولاتستبعدين يابنت حواء يمكن تكوني انتي جارتي ؟
طبعا مالي اي علاقه او معرفه فيها .
اختكم ...الي خاطرها ومنى عينها ترتاح وتنام بعمق مره ..الدانه النجديه
الدانه النجديه @aldanh_alngdyh
محررة برونزية
هذا الموضوع مغلق.
ياعمري الله يعينك على هالوضع المحرج ... بس والله ان الحل بسيط جدا ... لا راح زوجها للدوام اطلعي فوق وتعرفي عليها .. ولمحي لها تلميح بكل ادب واذا خجلتي وماقدرتي .. فيه حل ثاني خوذي عصا طويله واول مايشتغلون علطول اضربي السقف بقوه ..يعني سوي ازعاج علشان يعرفون انكم تسمعونهم ومن مره واحده راح يفهمون .. جربي وش خسرانه
lola00
•
يؤ يؤ يؤ
والله إحراج الله يكون بعونكم ..
وبعدين إذا كانت شقتكم أجار غيروها أحسن لكم
أهم شئ الراحه في البيت ..
والله إحراج الله يكون بعونكم ..
وبعدين إذا كانت شقتكم أجار غيروها أحسن لكم
أهم شئ الراحه في البيت ..
انا اشوف ان زوجك يكلم زوجها بطريقة هاديه لان بعض الحريم مايكونون راكزين ويعصبون بسرعه ومايحكمون عقلهم بعكس اغلب الرجال ويدخل عليه من باب الدين واحترام الخصوصية
الصفحة الأخيرة
وانت تحكين والله انا اللي تنرفزت منها
الله يهديهم بس اكيد ماتدري
انا اقول لو تتعرفين عليها وبعدين تقولين لها بطريقة مزح كل اللي يصير
صدقيني بتحاول تحرس على هالامور وتستحي
هذا اذا كانت بذره طيبه مثلك وصبوررره(سنه وماقلتي شي)
لو انا كاااااااااان علووووووم آآآآآخ فكيني عليها>>>>هههههههههه خشت جو الاخت