حبيبتي انا مثل حالتك ما عندي خدامه واول زواجي كنت اشتغل بعد وارجع من الدوام مهدود حيلي ويبدا دوامي الثاني الي في البيت من تنظيف والذي منه بس ماطولت بالوظيفه استقلت لان وظيفتي اصلا مرهقه جسديا والحين لي تقريبا ثلاث سنين بدون خدامه بس من شهرين بدت طاقتي تروح مو قادره انظف البيت خلاص تعبت ومليت زيك وصرت اجيب الخدامات الي يجونك باليوم ينظفون الشقة كلها ممكن تجيبينهم مره في السبوع كفاية والله وارتحت على هذا الحل بس يمكن الكسل الي يجينا من القعده لانه تجيب الخمول والخمول يجيب الكسل والملل علشان كذااحاول اني اتحرك ما اطول قعده في الكرسي عند التلفزيون او النت احاول كل نص ساعه اروح اسوي شيء بسيط وسريع مثل غسل الصحون الي بعد الغدا او كوي كذا قطعة ملابس بس المهم انها تكون متقطعة علشان ما تملين وماتاخذ وقت علشان ماتملين وتظلين في حركه طول اليوم وابشرك ناوية اقدم على خدامة وعقبالك ان شاء الله

قد ماتقدرين استغني عن الشغاله
ماوراهم المشاكل والمصايب الله يكفينا شرهم
تقدرين تجيبين الخدامات اللي بالساعة تخلص شغلها وتروح
اذا تبين عندي ارقام خدامات بالساعة اذا كنتي بالرياض
واهم شي عليك بسنة الرسول صلى الله عليه وسلم اللي ذكروها الاخوات

اذا البيت مو ملك ... تقدرون تستاجرون اصغر منه
واذا ملك .. حاولى انك الغرف اللى تنظفينها تقفليها وتكون نظيفه اطول وقت ممكن

يا أختي الكلام اللي قالت لك ام مجاهد انا مجرباه بنفسي و اكون كلي ثقة ان اليوم الله راح يسهللي شغل البيت خاصة بعد صلاة الفجر .

انا صابني نفس حالتك .
خذي وصايا ثانية .

خذي فيتامين انرفيت من الصيدلية أو اي نوع فيتامينات مشكلة الصيدلي ممكن ينصحك فيها لكن احكيلو تكون خفيفة و مشكلة و تحتوي فيتامينات ب . اشربيها مع كأس فيتامين سي .

راح تندهشي بعد 3 ايام ، راح تنقلبي قلب .

شيء ثاني ، لازم تمشي يوميا ( خذي مني النصيحة انا كنت نفس حالتك بالضبط ) اول يوم خمس دقائق لكن بهمة . المهم لحد ماتوصل ربع ساعة يوميا و بعدين خليها يوم بعد يوم طبعا راح تستفيدي من شيء ثاني الأرجل و البطن راح يشد معك . بعد ما سويت هيك . صرت اطلع الدرج اللي في البيت و الحمد لله اوصل بدون لهاث . اولها استغربت ايش اللي تغير علي و بعدين تذكرت الرياضة .
اذا استمريتي على حالتك ممكن لا سمح الله يصيبك ضيق في الشعب الهوائية . خاصة اذا كنتي من سكان الرياض . لأن الحساسية منتشرة بشكل كبير حتى الأطباء مرضو .

الله معك .