السلام عليكم اللي بالها طويل تقراء لان الموضوع ما يختصر
بنات ما ادري كيف ابدء لاني ترددت كثير علشان اكتبه واخيرا قررت لاني عجزت القى حل
القصه هي صديقتي صديقت عمري انا ما اعتبرها الا اخت تعرفت عليها من زماااان البنت قلبها طيب مرررره بس لسانها متبري منها بمعنى انا ما تعرف تقول فلانه لا يا الشينه يالتبنه مع كل الناس وغيرها وانا ارد بنفس دها عودتني على الافاظ القبيحه خدمتني كثيررر ما انكر وانا برضوه خدمتها بصراحه ارتاح لها كثير ويوميا مكالمات ياتكلم يا اكلمها ودايم اشكيلها اي مشكله او موقف تصير والانسان ما يخلو وكنت واثقه ان سري في بير تزوجت انا قبلها بأسبوع والله اني في سفرتي يوم زواجي اكلمها وطول السفره اسولف لزوجي عنها شوشو وشوشوسكنت في الجنوب وقلت مكالمتها بحجة انها حامل والجوال يأثر عليها وعذرتها وولدة وكنت توني ناقله للرياض ورحت لها المستشفى اول مادريت مع اني كنت عند اهلي وزوجي بعيد وكنا تونا ماخذين شقه بس نعتقها وكان زوجي مشغول بالمره وجى لانه عارف وش تعني لي شوشو وبعد النفاس اتفقنا انا نطلع مع بعض اي مكان ملينا من البيوت وكل ما اتفقنا واقول لزوجي اسمع بكره بروح مع شوشو للمكان الفلاني فض نفسك يقول اوكي ويجي بكره وترسل رساله تقول ما ني رايحه وتتعذر باعذار والله ماتقنع بس امشيها بكيفي وعلى ها الحال كذا مره لحد ما صار زوجي كل ماقوله بنروح انا وشوشو يقول ايه هين وتعرفت على جارتي بجني انسانه خلوقه جدااااا كنت ابي اروح لحياة المراءه واتفقت مع شوشو وكل العاده اوكي بعدين مافي قلت لجارتي تروحين معي للمركز نفسي اشوفه والله العظيم انها قالت اوكي ما انها ما تحب الاماكن النسائيه لانها تخاف من التصوير وزياده على كذا زوجها يداوم وما يجي الا الساعه 7 المغرب نسقت وقتها ورحنا وحلف علي زوجي اني ما اروح معها لاي مكان من كثر اعذارها وصار موقف قريب كنت منومه في المستشفى من شهر سويت عمليه بسيطه وكنت قايله لشوشو وجارتي اقسم بالله يابنات ان جارتي كل يوم تكلمني سويتي العمليه اقولها لابكره وصديقتي انا اللي ادق عليها واقولها التفاصيل وقلت لها بكره ومع ذلك ما دقت تسأل ولا حتى شرفت تزوني وجارتي والله كلمتني المغرب باقي على الزياره ساعه الاربع وتخل قالت سويتي العمليه قلت ايه قالت عطيني رقم الغرفه قلت خلاص ما يمدي بتخلص الزياره والله العظيم انها جت على نهاية الزياره مع ان بيتها بعيد وزوجها توه جاي من الدوام تعبان من جد اعظم من اخت وزجي يعايرني بصديقتي يقول جارتك مالك الا كم شهر متعرفه عليها جتك وصديقتك اللي ازعجتيني فيها ما شرفت ولا حتى رفعت السماعه عليك والله لو تقولي بروح لها والا بروح معها لشي ياويلك وكلمتها حتى اعرف اعذارها يمكن صدق عندها عذر وقالت اعذار اقسم بالله ما يصدقها طفل ومع ذلك سويت نفسي عادي اكلمها وتكلم وكمان تقول خل نروح لمملكة المراءه بجد تقهر المهم انا قلت لها سر مهم في حياتي والله العظيم محد يدري غيرها وحلفتها انها ما تقوله حتى لاخواتها وقالت اوكي بعد فتره اكتشفت انها قالت لاختها والله العظيم اني كنت حاسه من خلال كلامها انها قالته لاحد عصبت وقالت ايه قلت لاختي والموضوع عادي ما يستاهل يكون سر قلت لها يستاهل والا مايستاهل انا قلت لك سر يعني سر وامنتك عليه وقلتي اكيدددد بنات وش اسوي مع ها الانسانه ابي حكمكم زوجي يقول اتركيها وانا كنت اقول لا عشرة عمر وصديقه ومدري ايش بس لما قالت سري اللي هو مهم اقسم بالله مهم في حياتي لو يدري زوجي اني قلت لها ما ادري وش بيسوي لا وتقول مدامك مو واثقه فيني ليه تقولي يعني انا غلطانه لاني وثقت فيها وفضفضت لها همومي كل ها الصداقه مالها معنى عندها !!!!!! والله محتاره وش اسوي بليز والله ما انام الليل من التفكير!!!!!!!!!!

مرة عبدالله @mr_aabdallh
محررة ذهبية
يلزم عليك تسجيل الدخول أولًا لكتابة تعليق.

مرة عبدالله
•
ايه نسيت اقولكم انها ما تشوف الناس شي كل الناس قراو وكل الناس شيون واذا شافت شي يعجبها مستحيل تقول ما شاء الله تدرون وش تقول اذا شافت بنت حلوه تقول الله يخذنها تهبل او الله يقطعها واذ شفات بيت حلو او احد سوى شي حلو الله يقلهم يااااااحظهم وعمرها ما مدحت شي عندي كله تقول اه حلو مع الكل يمدح زي بيتي الكل انهبل عليه واقولها تقول ايه علشانهم قراوى مو ذاك الزود والله لو اموت ما تمدح صح بيتي مو مره بس حلوواللي لها اول لاهلها يهبل يسقل يجنن زوجت اخوي والله انها اتهبل ما شاء الله عليها تقول وع اقسم بالله ان كل من شافها انهبل عليها واحلى من اخواتها اللي مطيرتهم السماء بس اسوي نفسي عادي والله تعبتني ذا البنت وش اسويييييي ردو عطوني حل :09:

يابنت الحلال طعت الزوج واجبه وان اشوف ان البعد عن مثل هذا افضل والباب الى يجي منه الريح سده واستريح وادعي الله عزوجل يكفيكي شرة والله يستر عليكي وعلينا

ربة بيت صديقتي مو زي صديقتك صديقتي لما تكون فاضيه وطفشانه مافيه احد يكلمها تزعجني ولما اقولها بدق بعد شوي مشغوله تنشب كل شوي تدق تقول ليه ما دقيتي طيب انا ما فضيت لسى بس لو العكس اقسم بالله ما تدق واذا شفتها طولت مرررره احيانا ادق اقولها وينك تقول نسييييييييييييت تخيلي !!!! واذا واجهتها بعيوبها ما تخليك تكملين تقلب الموضوع عليك وبدل ما تصيري انتي على حق لا هي اللي على حق وهي الصح في كل شي ومسسسسسسسسسستحيل تتعترف بغلطتها بجد ترفع الضغط انا احبها وما ودي اخسرها بس ابي ابين لها اخطائها اذا بتتعدل والا انا ماني ملزمه الزم ماعلي صحتي وياليت تقراء موضوعي لانها عضوه هنا
ابنة يثرب زوجي ما الزمي مررره بس دايم يقول وش تبين بوحده ما تقدر الصداقه وبصراحه العشره اللي بينا مو هينه علي
ابنة يثرب زوجي ما الزمي مررره بس دايم يقول وش تبين بوحده ما تقدر الصداقه وبصراحه العشره اللي بينا مو هينه علي

لا بأس
•
بسم الله الرحمن الرحيم
يا حبيبتي عشرة العمر الي مرت عليكم مرت و الحمدلله كانت سعيدة و انتم الاثنين استغليتوا هذه العشرة الحلوة .
ادعي الله ان يعوضك بخير منها
و الحمدلله عوضك الله بخير منها و هي جارتك
فابدأي عشرة عمر جديدة مع هذه الاخت و انسي الماضي ........الحياة مستمرة
يا حبيبتي عشرة العمر الي مرت عليكم مرت و الحمدلله كانت سعيدة و انتم الاثنين استغليتوا هذه العشرة الحلوة .
ادعي الله ان يعوضك بخير منها
و الحمدلله عوضك الله بخير منها و هي جارتك
فابدأي عشرة عمر جديدة مع هذه الاخت و انسي الماضي ........الحياة مستمرة
الصفحة الأخيرة