أتمنى أن تقرأو موضوعي هذا و تهفموا ما قصدته من طرحه
لكل واحد تلوم الزوجه الاولى أو الثانيه على قدر كتبه لها الله تعالى

http://forum.hawaaworld.com/showthread.php?t=484916

تبون الصراحة؟؟؟؟!!!!!

بعد ماقريت الموضوع كله الصراحة انصدمت من ردود بعض البنات!! ترى هذا زواج ربنا مشرعة و الريال بدل ما ياخذ 1 يقدر ياخذ4! و ام عبدالله ادرى بظروفها منا كلنا.....اشلون تنصبون انفسكم حكم على شرع الله! انا ادري ان الوحدة منا ما تتحمل ان زوجها يتزوج عليها بس لو صار و زوج اي وحدة منكم تزوج عليها شنو راح تسوووووون؟و ليش الزوج راح خذا وحدة ثانية؟ و الثانية ليش نعاملها شذي؟؟؟ صدقوني يا بنات النقص يكون يا من الزوجة اللي ماعرفت تحافظ على ريلها او تكون محافظة عليه و العيب منه لأنه هو اللي عينه مو مليانة!
و بعدين في بنات ممكن يتحملون يقعدون من غير زواج في مجتمعنا مع ان المجتمع ما يرحم لا اللي ما تزوجت و انتو كلكم عارفين شنو يلقبونها!!!! و ما يرحم المطلقة بعد...فالخيار المتاح الزواج من رجل متزوج!
يا بنات المسكينة تجرحت وااااايد كانت تبي مواساة منكم و انت طحتوا فيها...يعني تبي العون و طلعنا فرعون!

الله يهدي الجميع ان شاءالله....و يا رب تهدي ضرة ام عبدالله و تهدي زوج ام عبده و ام عبدالله و يعيشون باستقرار يا رب العالمين.

و سلامتكم....

دلوعته:27:

flare

انا مابيه يامرها بانها ما تكلم وازيد الطين بله وتفكر اني اتحكم فيه او ابي اقطع اي صله بينهم

ابي طريقه

يا تكون مني او منه يفهمها انها ما تتصل الا اذا فيه شي ضروري او ترسل لسارله

وبخصوص مشاركتي لها بنص حياتها انا ما سويت شي غلط او حرام

ومو انا الي رحت وخذيت زوجها هو الي جاني ولو ما خذاني خذا غيري

وانا قلت لها هالكلام وقلت لها اني اخاف ربي في كل شي وهذا زين لها يعني لو خذا وحده

صلتها بربي الله اعلم فيها اكيد كانت بتطلع اعيونها وبتحاول تخرب عليها


وعن صبري يا ختي كثرة الضغط تولد الانفجار وانا مابي اوصل هالمرحله

وعلشان كذا كتبت لكم في هذا المنتدى

BENT NASS

من احد الاسباب الي خلتني اوافق على زوجي هوا التزامه

ووالله العظيم انه ولا مره تكلم فيها بشي مو زين او اغتابها بالعكس يا يقول خير عنها او ما يعلق

وانا سالته في اول الزواج عن سبب زوجه للمره الثانيه وقال انه يبي وانه يشوف ان وحد ما تكفي

وعطاني اجابات ما كانت مقنعه بالنسبه لي لكن ما قلت شي وسكت

والي خالني اعرف عنها مشكله صارت بينه وبين زوجته الاولى وزوجته اسالته وهي زعلانه

عن سبب زواجه وقال لها الاسباب والعيوب الي فيها ومو عاجبته

وللمعلوميه هو متزوجه من 15 سنه وفهمت من كلامهم مع بعض انه حاول معها بكذا طريقه

انها تتغير بس مافيه اي فايده ولما قال بيطلقها ما كان عندها اي مانع ولما قال بيتزوج ما مانعت بعد

بالعكس كانت ترد وتقول انك بتريح وترتاح

ولما قالت له انها تغيرت وصارت مثل ما يحب وبتصير احسن بعد بس بشرط يطلقني

كان رده عليها انا ما تزوجت علشان اطلق وما تزوجت نزوه او في لحظة غضب

انا تزوجت وانا مقتنع وعامل احسابي لك شي احساب

واذا انتي تغيرتي فانتي تغيرتي علشانه هي مش علشاني لو كنتي تهتمين فيني صحيح

كان تغيرتي من اول

تعرفين ايش كان اول سؤاله سالته بعد هالموقف الي صار بينه وبينها

قلت هذا سبب زواجك عليها وليه ما قلت لي من قبل لما سالتك رد علي

وقال هل تحبين كل ما شوف منك شي مو زين اروح واقوله لها

وانا ما حب اتكلم في اي احد وتبيني اتكلم عن ام اعيالي ومابيها تطيح من عينك

وتستقوين عليها لما تعرفين ايش الي قاصرها

والله العظيم انه كبر في عيني بعد كلامه

بنت ناس
اسعدني مرورك ونقدك

لوقي

اذا الموضوع مو عاجبك وتشوفين الناس فاضيه

لي تصيرين مثلنا ويعني لو اقول عنك وحده فاضيه لا زعلني اني الي دخلتي علينا

وماله داعي تقولين والله ناس فاضيه

قولي ناس فاضيه وخلاص لانك بذكر اسم الله تقسمين انهم فاضين وانتي ما تعرفين اي وحده فيهم

وكتبتي في احد ردودك ( الحين اللي تحب زوجها وتبيه لها لوحدها تأثر بافكار الغرب وعباد هوى؟)

الاخوات يتكلمون عن حكم الزواج بالثانيه ما قالو ان الي تحب زوجها وتبيه لها لوحد متاثر بافكار الغرب

عندي سؤال اذا ممكن

كيف يعرف الواحد ان زوجته تحبه او كيف تعرف الوحده ان زوجها يحبها

اكيد بالكلمه الحلوه والمعامله الحسنه والاهتمام بالطرف الثاني

والي عرفتها ان ضرتي العزيزه ما كنت تعمل اي شي يبين حبها لزوجها بالعكس

تنفره على قد ما تقدر

وارجع واقول لك

حدث العاقل بما يعقل >>> شغلي عقلك اشوي وشوفي من عقلك مو من عواطفك