اسمعوني كلكم .. انا في نفسي شي كل ابو دايم ودي اقوله للناس واشتكي .. بس الحيا عيا علي اشتكي ..
انا فتاة
قدر الله علي وصار لي حادث ..
================ لااااااا تعالوا عاد امزح .. قـــــــــــــطع ما ينمزح معكم
لا جد ركزوا معي لأن الموضوع مره مضيــــق صدري .. ومخليني دائما أخطط لعائله زي اللي بالمسلسلات
انا يا اعضـــائي الاعزاء .. اغار واللي مايغار ابوه حمار
وش نسوي لتس مثلا ؟
لااااااا جد جد فيه حاجة تخليـــني دايم افرك افرك افرك من الغياره
اللي هي قولة ماما وبابا وملحقاتها
يعنــــــــــــــــي انا ايام المدرسة كنت من النوع اللي الى قالت الوحده يا الله تصدقون يا بنات ماما امس تقول لي انك صايره ما تناميـــن بدري حبيبتي .. حبيبتي مايصير بعدين يطلع لك هالات سوداء
اقـــــــــــــــــــــــــعد افقع ضحك على البنت .. وانواع التطنز
قال ايش قال ماما .. استحي على وجهتس كبري مرتين وماما وانا من الداخل فاقعه قهـــــــــر
الحيـــــــــــــن ورانا منحنب زيهم ذولا وش زودهم مثلا
المشــــــــكله يعني تلقاهن ذاللي يقولن ذالكلام من النوع اللـــــــــــــي وش اقول بس كبــــــــــــــــــــــار مصارعات طول وعرض وشكل ما يسااااااااااعد ابد
بس برضو انا احييهم على هالشجاعه _______ قولوا ليش ؟؟ لانه بالرغم من هالصفات اللي ما تهيئهن لقول مثل هذا الكلام .. ما امتنعوا عن قولة هالكلمه
تحيــــــــــــــــــــــــــــه بالله للبنات الدبيات اللي يقولون ماما
claps Claps claps
claps Claps claps Claps
===============================================
عــــــــــــــــــــدنا . . .
انا الحين وش اللي مخليها تقفل معي .. الناس
يعني من الاول وانحن بزران الى قلت : ماما حطي لي شوي رز ومابي سلطه .. وموية مرق << قاعدين على الغدا طبعا .. قعـــــــدوا يضحكون علي .. خـــــــــــير !! وحده وتبي تصير ناعمة وش دخلكم
بعديـــــــن انا احس اني انسانه مهيأة نفسيا وعاطفيا انها تصــــــير بنت دلوعه وتحب الترابط الاسري من خلال الكلمات والتعامل
مثلا الحين انا الى جيــــت ارقد قالت امي لاااااااااااااا ترقدين مرقده انا مافيني النوم اقعدي زي التسلبه معي لين انعس .. ويـــــــــــــــــــــــــن !!
والى قلت يمه احس راسي مره مصدع اليوم ممكن انسدح عليتس وتهمزيني والا تقرين علي
تجاوب بنبره تجيــــــــــب لي الصياح ابــــــــــــــــــــــــــد ما فيتس الا الدلع وان كان فيتس الموت ترى المقبره وسيعه !! تخيلوا
سنعــــــــــــــــود بعد قليل 0o0o0o0o0o
<< اصبروا شوي قاعده تبكي ..
<< ما تناشق ابد
====================
يعـــــــني ليه هاللي قاعد يصير في بناتنا ؟
ليه هالظلم المنكب علينا .. تحسبون ما همنا ؟ ترااااانا منقطعتن قلوبنا نبي النعومه ونبي اللطف وحسن المعامله بين بعضنا البعض << ليتكم تشوفون وجهها وهي تقول هالعباره
يعني انا مثلا ودي ودي الى جيت ارقعد اروح ابوس مــــــــــا ما وبابا .. واقول تصبحون على خير يا احلى ام واب بالدنيا .
وودي الى قمت من النوم اقول صبااااح الخيـــــــــــــــــــــر .. وش يسوون البلابل << كولـــــــــــي تبن حومتي كـــــــــبدي
بـــــــس عاد وش تبونا نسوي الى صاروا اهلنا هم مصــــدر الجفاسه .. والصلابه في التعامل
===========================
وتقوووووووووولووون وراااا ذالسعوديات لسانهم مهوب حلو مثل السوريات ..
ترى عيالنا مااا قطع قلبهم بالسوريات الى حتسيهم .. تحس انهم ناس من جد فاقدين لهالعبارات تشووووف اقصى معدة الواحد من كثر ما هو فاق فلغته والمره تحتسي ..
والا بناتنا بسم الله عليهن ما نقصهن زين ولا دين بس يبيلهن شوي هه صقل للألفاظ ... هو بيني وبينكم مهوب صقل لا ..
فورماااات
=================================
طبــــــعا هذا مجرد موضوع بس .. دعابه
والا الله يخلي لنا امهاتنااااااا وآبائنا .. وجعلنا ان شالله نشوفهم عرايس << تحمست شوي وهي ترقع
واحلى سلاااااام على الحلوين
أجل تبين تقولين ماما وبابا <<ووووووووع ياشينها لاقلناها وحدتنا طول وعرض وودها تقول ماما وبابا
ايه ولله يبيلنا صقل للالفاظ,,,,,,,,,, ولا احنا بنات الخليج اسم لله علينا وش ناقصنا