شباصه ورديه .......وفاء الزمن .............خل وملح ..............ليالي هادئه


مشكورين والله يبارك فيكم

نظامي عشوائي ما فيه اي تعقيد او تحديد او ترتيب يقيدني

اهم شي لا تجوعين وعليك بالبر في اغلب اكلك لانه ما يخليك تجوعين بسرعه ....الحلبه العشرين يوم الاولى ........الرشاديؤخذ بعد الاسبوع الاول يوميا ملعقه

صغيره لمدة 30 يوم فقط (( هذا كلام جابر القحطاني يقول الرشاد ما يتعدى 30 يوم بمقدار ملعقه صغيره)) لانه اذا زاد عن كذا راح يضر ما ينفع

وطبعا التمر على طول (( تمر بالسمن والرشاد وانا اضيف معه الرزنه )) ولقيت كلام البنات في المنتدى افضل من ناحية انك تحطي

ملعقه صغيره في اي شي تشربيه انا احطها مع الحليب مالها طعم

قهوة النفاس متى ما طق في راسي شربت منها وحطيت في فنجالي شوي عنزروت واكلت معها التمر

يوميا اشرب كاستين مغلي اليانسون مع الكمون احيانا بالحبه السودا ...............وكاسة حلبه لاني احبها حصى .......وطبعا اكل لهوم

النفاس شغل امي الله يحرم يديها عن النار .............(( يحتوي عالحلبه والماش والمكسرات وشوي سكر نبات وشوي كركم))

اتجنبت الحوامض والاشياء اللزجه زي الملوخيه والباميه.............

كل ماشربت الحليب او الشوربه حطيت فلفل اسود

الايام الاولى كنت دايما اشرب مرقة لحم بالفلفل الاسود

وكنت اشرب منقوع المر والكمون بمقدار بسيط جدا

وفي الايام الاخيره تقريبا اسبوع صرت اكل ملعقة قشر رمان مطحون طبعا انا اللي مسويته (( من نصايح الاخت قشر فهوه ))

ما ادري عسى ما اكون نسيت شي واتمنى اني افدتكم ببرنامجي المرن وغير المتكلف ويؤدي الغرض بالراحه


وارجع اقول اهم شي لا تجوعين .......................وبصراحه استفدت بعض الاشياء من الاخت قشر قهوه جزاها الله خير

نسيت لا اقول لكم عن الغسول ..............

اول الايام اغسل بغسول من المستشفى ومن الاسبوع الثاني بديت بالمويه والملح والارطا ومنقوع المر بين فتره وفتره

واحط على الخياطه خوا جوا بزيت الزيتون مره حلوه ومريحه

واخر الايام بقشر الرمان غليته شوي مع مويه وملح وصرت اتشطف به والله عجيب

.............................................................................

ادعوا لي بتمام الصحه والعافيه انا وذريتي وزوجي

الله يتمم عليكم الصحه اختي

ويوفقكم دنيا واخره

بس ياليت لو تقولين لنا وشي قهوه النفاس ؟؟؟

طيب قشر الرمان عادي يكون عندي مخزن ..

ويكون الغلي بنفس اليوم اللي باستخدمه كغسول ؟؟؟؟

انا سمعت انه الرشاد حار على الرحم بالنفاس وماينظف زكثير قالولي ابعد عنه هو والقرفع
هل صحيح

اسفه على الاخطاء الاملائيه

قالولي الرشاد حار هو والقرفه وحذروني منها بالنفاس