الله يصلح حال امك ويهديها ويرشدها لما يرضي الله. شوفي ياوردة والله والله لو باقي لك نصيب تعيشين معه وتاكلين وتشربين معه مايبعدكم احد من خلقه الابامره. فانت لاتيأسين من رحمة الله. افرشي سجادتك في الثلث الاخير من الليل واطلبي الكريم اذا في رجعتكم خير وسعاده يرجعكم بحوله وقدرته. واذا مافيها خير ان يمسح على قلبك مسحة رضا وانشراح. والله اني كنت متامله مره ولازلت. الله بيده كل شيء.

الحمدلله على كل حال ماشاء الله كان ومـــالم يشـأ لم يكـن
بس والله يابعض الكهيل انك ودك تحبسينها في غرفة وتعطينها سجادة ومسبحة ومذياع قران ومصحف وتقولين لها يالله جهزي قبرك بهذي العدة واتركي الخلق للخالق غير مذا تعبين بيشرهون عليك لو سويتيها

الي يقولون لها روحي بيت زوجك ترا عدتها خلصت
وترا مب لايق عليكم دور السنعات الي هاجدات في بيوت رجالهم
تلقاكم مسنترات عند امهاتكم ٢٤ ساعة يا شين الوحدة اذا لبست ثوب مب ثوبها

﴿وَإِذا طَلَّقتُمُ النِّساءَ فَبَلَغنَ أَجَلَهُنَّ فَلا تَعضُلوهُنَّ أَن يَنكِحنَ أَزواجَهُنَّ إِذا تَراضَوا بَينَهُم بِالمَعروفِ ذلِكَ يوعَظُ بِهِ مَن كانَ مِنكُم يُؤمِنُ بِاللَّهِ وَاليَومِ الآخِرِ ذلِكُم أَزكى لَكُم وَأَطهَرُ وَاللَّهُ يَعلَمُ وَأَنتُم لا تَعلَمونَ﴾

ذكري أمك بهذي الآية واقرئي لها تفسيرها او خلي أحد من أخوانك الي تحبهم يقول لها هالكلام
هذا حكم الله سبحانه

طيب قولي لنا ليش امك انهت كل شي
شلون يعني
منعتك ترجعين له؟
كلام غير منطقي
وين اخوانك 
وين ابوك 
وين العالم اللي حواليك كلهم 
انتي وين عايشة بأي كوكب 
اذا كان الحين البنت اللي ابوها عضلها ومنعها من الزواج يحق لها تلجأ للقاضي يزوجها 
شلون انتي اللي امرأة كبيرة وعندك عيال
والله في شي مو طبيعي فيك
يعني بتقنعيني اذا رجعتي لزوجك تكونين عاقة لامك 
وخايفة اذا رجعتي تعاملك معاملة سيئة 
يعني الحين اللي معاملتها فل الفل بحسب كلامك 
واذا زوجك يبيك ليش ما يوسط احد 
ليش ما يراضي امك 
يعطيها رضاوة 
في مليون حل وحل 
الله يسخرها لك ويصلح حالك