aroona
وانتي الصادقه والله صار الواحد يبي يخطب من عند ناس يشيل هم كيف يودي لهم شجرة العائلة معه

قبل يومين في الجريده واحد ((حضري))كاتب مشكلته انه يحب واحده قبليه بس اهلها رافضينه تماما لانه((حضري))!!

مشكورة حبيبتي على تعقيبك الحلو

رماسه

نورتي الموضوع ياقمر

صح كلامكم لافرق بين ابيض ولا اسود ولابين عربي ولا اعجمي الا بالتقوى ...
هذا ينطبق في الحياة العامه وكمعاملة عامة بين الناس والبشر......
اما كنسب اعتقد ان الرسول صلى الله عليه وسلم .. قال ( تخيروا لنطفكم فان العرق دساس ...الخ الحديث ) سواء كان قبيلي او من نفس البلد او خارج البلد ...لابد من حسن الاختيار ؟؟؟

بالله عليكم في وحده توافق انها تزوج بنتها لواحد لايحمل اي جنسيه اواي اسم معين من اسماء العوائل؟؟؟بغض النظر عن اخلاقه ودينه ؟؟

وشكرا لكم ..

جميع الناس سواء

لافرق بين عربي ولا اعجمي الا بالتقوى

بالنسبه لي انا لم اسمع بال حضري و القبلي الا من خلال الانترنت

ولم اسمع ا هذا التعصب الاعمى بننا ونحن قي جنوب السعوديه

ولم تمنع اي وحده منا عريسا بحكم انه ليس من آل البيت


وفي آمان الله ...

غيم 2000

صح الواحد لازم يسأل عن الاصل والفصل لكن مو بغرض التفاخر لكن الواحد يهتم بالاخلاق الاول يعني ممكن القبيلة الفلانيه((وان كانت قبيله عريقه))يكون فيهم المجرم والقاتل والسارق وامدمن بعد!!فالناس شي طبيعي انهم المفروض مايلتفتون للنسب وقتها اذا كانت مساوئ الدنيا فيهم وان كانوا قبيلين أصل!!

يعني لو جاء لبنتك واحد قبلي 100%يخطب واهله كلهم سمعتهم شينه وعلى راسهم هو وجاء واحد حضري او حتى مو سعودي وله صيت طيب وله مركز مرموق مين بالله تختارين؟؟؟

مشكورة اختي على ردك

أسرار البحر

نفس ردي على غيم

ومشكورة لمرورك

دلوعه

احنا ما كرهنا النسب او القبيلة احنا كرهنا العينات اللي تشوه اسم قبايلهم بالتفاخر الكذاب يعني اذا انا مو قبليه وأصلي وأصوم وفيه غيري قبلي او من ال البيت مايعرف وش هو الدين مين فينا الأفضل عند الله

والنعم بالاشراف بس لو يخفون شوي من التفاخر بنسبهم لان الرسول صلى الله عليه وسلم وان كان شريف الا انه متواضع وماتكلم مثلهم!!

تحياتي لك اختي

كان على بالي

لعلمك امي جنوبيه 100%ويوم جينا ننخطب انا واخواتي سوت الهوايل في نسب العرسان لا يكون من الا اصل!!
وبنت خالي عنست حليلها عمرها فوق الاربعين عشان ابوها يبغى الاصل

ومشكورة اختي على مرورك

الرساويه

صح لسانك اختي

وتحياتي لك

ةأولا بالنسبة لي ليس لمثل هذه المصطلحات اي مكان في قاموس حياتي ولا حتى أهلي ...مع اننا من اعرق القبائل .. واجدادي وأبائي شيوخ .. ولكن ربما يكون ذلك لأننا عشنا وتربينا بعيدا عن بلدتنا الاصليه ،،وإلا ففيها من هذه القبليه ما يسوء ..
ويشهد الله علي اني ما عرفت هذي العادة اللي هي( وش أنت واش ترجعين) على قولكم إلا عندما أنتقلت من مدينتي التي عشت بها إلى العاصمة الرياض ،، وكاني غريبه أو بالأصح هبله ما اعرف شي ,
بس الحمد لله اني ما اعرفها .

وكم آسفني ما حدث من احدى الاخوات هنا في عالم حواء ،، وقدر الله أن تطلب محادثتي بالهاتف بعد تبادل رسائل خاصة ولاحظوا انها هي من طلبت محادثتي ،، وتم ذلك..
هي :السلام عليكم .
أنا : وعليكم السلام ::
هي كيف الحال .
أنا الحمد لله
وتبادلنا التحيه والسؤال عن بعضنا البعض .
فورا ً
هي : انت قبيلية وإلا لا ؟
أنا : (بصراحة صدمت ).. قلت نعم .!!
قالت من فين : قلت لها من قبيلة كذا ...
هي : (ضحكت ) // أيه والنعم والله ..
لكم ان تتصوروا نفسيتي وانا اكمل معها الحديث ووالله ما كأنها سوت شي //جلست تتكلم وتسولف وتشكي ،ويشهد الله اني أخذت واعطيت معاها فالكلام وما كان شيء صار ...

للأسف ... ما كنت اتوقع ان حتى الشابات لسى عايشين في هذا الجهل أو بالأصح الجاهلية ...

أخيراً .. لي تنبيه بسيط لما ذكرت الأخت بنت الشريف العلوي ..
من ان التفاخر بالنسب يجوز .. واستدلالها على ان الرسول عليه الصلاة والسلام كان يفخر بنسبه ...
اقول لها التفاخر بالنسب لا يجوز ... وأستدلاله حجة عليك لا لك ..
لانه صلى الله عليه وسلم ما كان يفخر بنسبه قط ،،، وكان يقول بابي هو وامي : (أنا سيد ولد آدم ولا فــــــــــــــــــــخــــــــــــــــــــــــــــر)..

جزاكم الله خير .