بسم الله الرحمن الرحيم
اكتب ويدي ترجف
انا من فترة انخطبت لشخص
وشفت معه العداب
وهو اللي تركني بالنهاية
بدون سبب
ومريت بازمة نفسية وربي نجاني منها بعد سنة
جلست سنة اتعدب
والحين ربي كرمني وانخطبت لشخص ثاني
لي بعض الملاحظات عليه
انو مرة مايهتم فيني
ولا يسال ولا احس بفرحته كانو مغصوب
وفتحت ملف تعريفه حق الايميل لقيت عنده بنت!
وماسالته مين هي
دحين خطيبي السابق مايدري اني انخطبت
ويبغى يرجع
قبل لا انخطب بس وقت ماكان كلام على عريسي الجديد
حاول يكلمني ويرسل لي
وعشان كنت عارفة اني بنخطب
انهيت معاه تماما بس خفت اقوله جاني نصيبي يروح يضرني
قلتله خلاص وقف النصيب بينا وصارت مشاكل ولا عاد ابيك
ولا تكلمني مااتعودت اسوي شي حرام ومن ورا اهلي
وقال لي السموحة وكان دوق
الحين انا صرت محسوبة على رجال ثاني
ولا ودي اخونه باي حال من الاحوال وباي طريقة كانت
والخطيب القديم
يزن بشكل مو طبيعي
واستخدم معي كل الاساليب
مرة يهدد ومرة يترجى
ومن شوية رديت عليه بالغلط كنت ارسل رسالة وفتح الخط
الاسبيكر
قمت على طول قلتله مشغولة
مب راضي يرخي يقولي مو معقولة كل هالايام مشغولة
قلتله سلام مشغولة وقفلت
خايفة بعد كدة يطاردني اكثر
ويكون خطيبي معي
او يعرف اني انخطبت ينتقم مني
ويروح يقول شي لخطيبي
ماادري هو شخص مو كويس اخلاقه زفت ومايخاف الله ولا يصلي
ابغى ابعده عني بالطيب ولا اجيب له سيرة خطوبة
عشان لا يحقد اكثر
بس خايفة اكلمه اكون باخون خطيبي الجديد
للعلم انا ماملكت لسه
بس فاتحة
ماادري اش اسوي
اوقات اقول اش عرفني خطيبي الجديد اش بيطلع
يمكن يطلع اخس منه
واقول ياريتني ماصديته لمن جاني
ماادري كيف صرت افكر
بس خايفة
لان خطيبي الجديد يوم الشوفة اتفقت معه على شروط معينة
مثل انو مايخرجني من ديرة اهلي لان هو بعد منها
ووافق جداااااااا
الحين يقول ان جاتني وظيفة برة بطلع للرزق الافضل
ماادري خفت منه ماله كلمة
مادري مادري مادري
محتارة وبراسي مية شي
وخايفة من كل شي
انا تعبت في خطبتي الاولى
ماكنت ابي غير شخص يخاف الله
ويحبني
واتبهدلت والحين برضو ابيه يخاف الله ويحبني
بس مالقيت
قال انو يصلي في المسجد وملتزم مرة
دحين اكتشفت انو ينام عن الصلوات ويجمعها!
حسيته مراوغ وكداب
ماادري افسخ من هدا وخلاص
ولا اصبر
اخاف اصبر مثل الاول واتبهدل
والاول اش الدبرة معاه
كيف اصده بدون مااينتقم مني ولا يزن علي اكثر
جنون الجوري @gnon_algory
عضوة جديدة
يلزم عليك تسجيل الدخول أولًا لكتابة تعليق.
دُرّة
•
بكل بساطة غيري رقمك وارتاحي
على اي اساس يدق عليك
بعدين المفروض اهلك يكونو بالصورة تماما
مافيه شيء يخوف حبيبتي .. ماله نصيب وانتهى خلاص
الله يوفقك مع خطيبك الجديد
على اي اساس يدق عليك
بعدين المفروض اهلك يكونو بالصورة تماما
مافيه شيء يخوف حبيبتي .. ماله نصيب وانتهى خلاص
الله يوفقك مع خطيبك الجديد
بما إنك ماملكتي ولاحظتي إنه مايصلي اتركيه لله وبيعوضك الله احسن منه
وبالنسبه لخطيبك الأول إذا اتصل خلي ابوك او اخوك يرد عليه ويكلمه بالحسنى عشان
مايحقد وتصير مشاكل ويعرف ان وراك رجال يخاف منهم ويفهمه انك ماتبينه ومايجوز تكلمينه وهو غير محرم لك
وبالنسبه لخطيبك الأول إذا اتصل خلي ابوك او اخوك يرد عليه ويكلمه بالحسنى عشان
مايحقد وتصير مشاكل ويعرف ان وراك رجال يخاف منهم ويفهمه انك ماتبينه ومايجوز تكلمينه وهو غير محرم لك
{غلا ..
•
دُرّة :
بكل بساطة غيري رقمك وارتاحي على اي اساس يدق عليك بعدين المفروض اهلك يكونو بالصورة تماما مافيه شيء يخوف حبيبتي .. ماله نصيب وانتهى خلاص الله يوفقك مع خطيبك الجديدبكل بساطة غيري رقمك وارتاحي على اي اساس يدق عليك بعدين المفروض اهلك يكونو بالصورة تماما...
اذا انتي ماتقدرين تتصرفين بلغي اهلك وخليهم يتفاهمون معاه
الاول ..لاتردين على اتصالاته نهااااائياً ولاحتى ترسلين له
الثاني ..حاولي تعرفينه اكثر قبل ماتتورطيــــن ..طولي فترة الخطوبــــة
والله يوفقك
الثاني ..حاولي تعرفينه اكثر قبل ماتتورطيــــن ..طولي فترة الخطوبــــة
والله يوفقك
الصفحة الأخيرة
و مو معقول مو عارف انا اخشى يكون عارف بس يبغى يجرجرك في الكلام و لو دق مره ثانيه خلي احد من اهلك يكلمه اذا ما رضى بلغو الهيئه الموضوع ما ينسكت عليه ولا تردي عليه ولا تستقبلي اي شي منه صلحي له بلوك على الايميل و اذا استمر في ازعاجه غيري جوالك بس لازم اهلك يدخلو