الله يعينها على حالها رح يجي يوم وتندم على هذا بس لازم انت توجهيها ايضا من با ب ان الملائكة تحب البيت النضيف والاه يحب النضافة والله يهديها

لا اله الا انت سبحانك
انى كنت من الظالمين

اكتر شي عجبني بالمووضوع انك سساعدتي بنظافة بيت جارتك وهادا دليل ع طيبة قلبك والا مافي وحده بتروح لبيت جارتها وتدعك وتنظف ويمكن زوجها مهمل مايجيب لها منظفات انتي حمسسيها كل شوي قولي لها كل شوي امسكيلك جزء يعني يوم تنظف المطبخ ويوم تنظف الصاله من الى وعطيها جدول تنظيف يومي للحمامات
ولاي شي يتنظف يوميا

وقولي لو زوجك لقى البيت نظيف اكيد بيجلس عندك يمكن تتحمس وتنظف بيتها وماتدرين يمكن عندها اكتئاب اللي عندهم اكتئاب اتوقع مايقدرون ينظفون او شي ويمكن عيالها عن عشره يوسوخون كل شي مهما نظفت

أعرف وحدة عز المعرفة تغيرت بعد سنين من القرف .حتى ملابسهم بعد ماتغسلها ما تطبقها إلا بعد كم أيام أحيانا..حتى العيش معفن ولونه أخضر في مطبخها والفرن يقررررف يععع

دحين ماشاء الله تغير حالها جدااا بفضل الله أولا ثم بعد ماتعبت نفسيتها من رمي الكلام عليها من الناس بسبب وساختها وبسبب زيارة الناس لها فجأة ويصادف يكون بيتها وسخ ووتفشل عشرات المرات ..ثم سنترت في قسم التنظيف والترتيب في هذا المنتدى الطيب أحسبه والله حسيبه..تتكاسل أحيانا وتصير خربطة لكن الحمدلله سرعان ماترجع لتصحيح وضعها ماشاءالله لاقوة إلا بالله..وكمان بعد ماسمعت زوجها ينتقد وساخة حرمة ويتكلم بقررررف صارت تستحي يشوف البيت وسخ.

ولازم تكون تنظف البيت إبتغاء لأجر أولا لأن الله جميل يحب الجمال..والمكان الوسخ تنفر منه الملائكةوتتجمع فيه الشياطين جسب علمي والله أعلم..

ثانيا تنظف البيت عشان نفسها لأن في البداية يمكن تشوف إنه عادي البيت تنظف أو لا لأنها تعودت عليه مكركب ووسخ فترة طويلة ..لكن لمن تتعود على النظافة ماحترتاح إذا كانت في مكان وسخ..

ثالثا تنظف البيت عشان صحتها وصحة اللي هم أمانة في رقبتها نفسها وعيالها وزوجها..

المهم قصدي ضعي لها أهداف للنظافة..
يمكن تكون تعاني من إكتئاب أو بسبب إهمال زوجها
إنتي قوليلها حتى إذا زوجك لاقدر الله ماتغير إنتي ظلك نظيفة وبيتك وعيالك نظيفين ههذا حينعكس على نفسيتك..

وخليها تشغل سورة البقرة يوميا يمكن تكون فيها عين أو حسد أومس أوسحر لا قدر الله..


إنتي لا تقوليلها تشغل البقرة عشان يمكن تكون فيها عين أو حسد أومس أوسحر لا قدر الله لأنها يمكن تصير تتوهم المرض وتزيدي الطين بلة لا قدر الله..
المهم إنتي قوليلها سورة البقرة بركة شغليها ك يوم وإذا تقدري أفضل إقرئيها كل يوم

لكن أرجووووووووووووك أرجووووووووووك لا تتخلي عنها وتابعيها أول بأول وعلميها بالتفصيل نظريا وعمليا كيف تنظف البيت من وإلى حتى التفاصيل الصغيرةلأن بعض الأمهات هداهن الله يزوجون بناتهن وهم مايعرفوا شي عن مسؤولية البيت..

وكمان جيبي كراتين وحطوا فيها كل الحاجات اللي ماتحتاجها من كراكيب وملابس ومواعين يعني الحاجات اللي مسوية زحمة عالفاضي..اللي يبغى رمي إرموه واللي ينفع تصدقوا به..
وتابعيها أول بأول ..إعتبري نفسك أستاذة وهي تلميذة وإحتسبي الأجر



أعتذر عالإطالة

وإذا تذكرت شي حرجع بإذن الله

استمري في نصحهها وتوجيهها
وحثيها على النظافه والاهتمام بنظافة البيت كجزء من صحتها
يمكن تتعدل

وعجبببي