شيلي فكرة الطلاق من راسك

بس لازم يتأدب

لانه بصراحة كان يتلكك يبي يضربك

اصلا الرجولة أنه يمسك أعصابه مو يمد يده

اقعدي مع ابوكي واحد من اخوتك انتي قريبة منه وتحدثي من باب المنطق

قوليلهم انا ما أبي طلاق بس ابيه يتأدب انتوا ما ترضون بنتكم تنضرب حتى لو كنتي غلطانة ما يجوز الضرب

إلا في حالات معينة شنو هذا ظلــــــــــــــلم

حاولي الحين تقنعين ابوكي بطريقة حنونة طيبة تعوريين قلبه عليك عشان يلين منك
فقط يتأدب وبعدين ابي اسأل وين دور اهله بهالموضوع لازم تتكلمون مع احد من اهله كبير واعي
وله كلمة وتنسمعهلها بس ليكون هالتصرف يثير زوجك ويكبر الموضوع حاذري

ومدام مثل ما قلتي زوجك مواضب وملتزم دينيا لازم تودونله شيخ أو إمام مسجد ملتزم توثقون فيه يعرفه
إنه هالشي ظلم والله ما يرضى بهالشي
في طرق كثيرة تخلونه يحس بغلطه بس ابوك الله يهداك

انا مو فاهمة كيف قاعدين تقولولها انه إهيا الغلطااااااااااانة

شو القصة لهالدرجه صارت كرامة المرأة رخيصة ومدامه رياااااااااال يحق له إنه يضرب

هذا مبدأ فاشل ومهما صار ما لازم توصل لمرحلة الضرب ابدا ابدا

وهيا مو غلطااااااااااااانه لأخر لحظة مسكت اعصابها

لو فيه ذرة رجولة لازم يحترم كونها ما تبي تطلع من بيتها

ردها عليه انه فقط "هذا بيتي وما اطلع منه" لازم يشوفها كبيرة ويستحي من عمره

اختي كله ولا الضرب وانتي اللي سويتيه عين العقل واعتقد ان اي وحده منا بمكانك كانت تسوي اللي سويتيه لانه بكل بساطه انتو توكم متزوجين وبعدك ما خبرتي الزواج والمشاكل الزوجيه عدل :08: يعني يبيلك على الاقل ثلاث سنوات لين تتعلمين كيف تكسبين اي مشكله تواجهك مع زوجك :27: اختي انا مابقولك مثل ما قالتلك الخوات انك غلطانه وغيره من كلام يلومك اكثر اعتقد انك حاسه بالذنب وعرفتي انك لما سايرتيه وانفعلتي معاه زادت المشكله وهي بسيطه ماتستاهل وكلنا لما تزوجنا سوينا اللي انتي سويتيه واكثر لانه بكل بساطه ماعندنا خبره ولا لقينا حد ينصحنا ويفهمنا
اللحين اختي حاولي تغيرين من اسلوب تعاملك معاه اذا كنت مقتنعه انه رجال يستاهل او عشان بنتك يمكن هو من النوع العصبي اللي مايحب حد يرد عليه او اللي يشيل بخاطره بسرعه ويحس بالاهانه والمشكله اللحين كبرت لانه تدخلو فيها الاهل نصيحتي لك اذا اتصل ردي عليه وعرفي شيبي هو اكيد ندمان ويبي يصالحك بس لا تتنازلين عن شروطك وخليه يتعهد لك قدام اهلك انه مايمد ايده عليك مره ثانيه لاي سبب من الاسباب وانتي حاولي انك ماتثيرينه زياده يعني في وايد مواضيع في المنتدى بعض البنات جزاهم الله خير طرحوها عن كيف تتعاملين مع زوجك العصبي بتلقين فيها اللي يفيدك وطبقيها وحاولي انك لا تردين عليه يوم يكون معصب
بالنسبه لابوك قعدي معاه وحبي راسه وقوليله يبه انا بنتك ومن ايدك هذي لايدك هذي وانا غلطانه يوم بعثت له المسج وكنت معصبه منه بس انت يرضيك اللي سواه فيني وحاولي تكسبين ابوك لصفك وخليه يعرف انك ماتبين الطلاق وانه زوجك رجال والنعم فيه بس فيه عيب واحد هو العصبيه ومدت الايد اللي مايرضاها كاب لابنته
الله ييسر لك حبيبتي وانشالله تردين بيتك وتعمرينه بالحب والتفاهم :26:

اتفق مع بمبة المفترسة في ردها .
واستغرب هالعبوديه للزوج من بعض الردود والمدح الزايد والغير محله له.

الله يفرج كربتك يالغالية

صدقيني هالحين اللي يقول انتي غلطانة والا هو غلطاااااااان
مو عايشين ظروفك
يعني تخيلي زوجك قاعد يكتب عن هالمشكلة وش راح يردون عليه الاخرين؟؟
لا اكيد ماغلطت وهي اللي عنيدة ومسوية نفسها قوية ومن هالكلالالالالالالام

هدفي يااختي الكريمة ان تهدئي وتدعين ربك السداد والتوفيق
و لاتتحمسين كثيرا لما يقال
ازعلي لا تزعلين
اشرطي لاتشرطين
ارجعي لاترجعين

صدقيني لما الواحد يقرا المشكلة مو مثل لما يمر فيها ويذوق مرارتها
استخيري وشاوري امك وابوك لانه مافي احد بالدنيا يحبك اكثر منهما ويبي سعادتك يالغالية
و لاتنسين انك ام وهالكلمة ابدا مو بسيطة

اتمنى ان كلامي مايزعل الاحبة اللي ردوا