بمبه المفترسه عجبني ردج واتفق معاج مليون بالمئه

نصيحتي لك وبعد إختلاف الردود ..إنك ترجعين لوحده من أهلك خالتك أو عمتك .. تكون أدرى( بمصلحتك ) وأعلم بحال زوجك منّا .
وهنا كل وحده بترد تكون متأثره ببيئه قد لاتناسب بيئتك , واللي يناسب زوجها لايناسب زوجك.
ذحين ممكن وحده تقول اشرطي عليه ولاتتنازلي بس لايطلقك .. طيب وإش يدريك أنه مايسويها .. بعيد الشر عنك ...
ووحده تقول إرجعي وتنازلي ...( وهذا كان رأيي ) وش يدري إنه ماراح يهينك .
وقبل كل شي إرجعي لله واسأليه التوفيق ثم انظري في سيرة السلف الصالح وكيف تعاملهم مع أزواجهم وقبل مانطلب من الأزواج حسن معاملتهم لنا نحسن إحنا لهم .
وصدقيني محد يصبر على شي إلا ربي يعوضه خير .
واتركي عنك النت وأحكمي بعقلك وياليتك تنسي هذا الموقف أثناء التفكير عشان تشوفي هل هو يستحق إنك ترجعي وتذكري مواقفه الحلوه ولاتتجاهليها أثناء التفكير .
لأن الوحده قد تحكم على زوجها بحكم وإذا جربت نار غيره تشوف إنها كانت في جنه .. بس بعد فوات ألأوان.
زي الرجل لما يتزوج على حرمته ويشوف نار الثانيه ومن غير خساير يطلقها ويرجع لجنته الأولى .
والله يابنات أحيانا الوحده تكون زعلانه من زوجها شوي تجي تحكي لصاحبتها وتقولها أنتي إش مصبرك عليه وووو.. وتلاقي الزوجه تدافع عن زوجها وتقول لا مو صحيح هو أحيانا كذا بس هو طيب ( يعني تلاقي إنها تحبه وهو يحبها )
عارفه إني طولت عليك ..
بس قصدي إنك تشوفي اللي كانو مع زوجك وارتحتي لرأيهم يعني إنك تحبيه وهو طيب معاك .
وإذا شفتي ردود اللي معاك ضده يعني رايهم يشفي غليلك فيه .
بس صدقيني لما قلت إرجعي ماقلتها إلا حبا فيك وخوفا عليك وعلى بنتك .. الله يحفظها لك .
وووسسسسسسسسسسلللاااااامممممم

بنات تدروووون انا ايش الشي الي فعلا ندمانه عليه وتوني عرفت قدره دراستي مدري كيف تركت الجامعه وضيعت على نفسي مستقبلي اكيد لو كان معي شهادتي ووظيفه كان ما صار هذا حالي

السلاام
الله يساعدج اختي
حقا حاسة بالم قلبج
انا قريت الموضوع كله وما هنا لي بال اطلع من غير رد بصراحة حسيت بذنب
انا ماقدر اقول لج اني ما اقدر اساعدج بس لاني حديثة الزواج وبروحي يبي لي ااحد يرشدني
بس انا اشوف ما شاء العضوات محد قصر
بس انا بضيف اشياء بسيطة
مثلا انتي صج انظلمتي
بس كنتي تقدرين تمسكين هالظلم من بداية المشوار
زوجج تراه مثل ولدج تقدرين تتحكمين فيه من اول زواجج
كنتي تقدرين لما زعل منج شهر انج ما تعتذرين له وانما تناقشينه بهدوء وتحسسينه بمشاعرج اتجاه اللي صار وبعدين باخر كلامج تتاسفين له اهني اهوا راح يحس بالذنب
شوفي مو من حق زوجج انه يمد يده عليج اببببببد
بس احين اللي صار صار
وحاولي تبتدين من جديد
يعني لا تنسين قبل كل شي بنتج الله يسلمها من كل شر
واللي في بطنج جاي بالطريق الله يردج بالسلامة
يعني لو اتصل فيج وبغاج تردين له لا تخالفين بس لما ترجعين له رجعي ونتي وحدة ثانية
حاولي قد ما تقدرين انج تحولينه لصديقج عاد انتي وشططراتج
حاولي انج تقبظينه بيدج خليه يحن عليج ويحبج ويحترمج وبنفس الوقت خلي في باله انج ما راح تنكسري
والرجال كل ما جيتيه باسلوب عناد ما راح يفيد
ولا حتى بجى راح يفيد
ولا حتي عتاب
اللي راح يفيدج انج قبل كل شي عندج ليلج مع ربج
نوري طريقج بصلاة الليل اشكي ربج قبل لا تشكين اي احد
ومحد راح يفيدج لانه زوجج ونتي ادرى بللي يحبه من اساليب وشنو ما يحبه
ونا اقول لج عن تجربتي
انا لما صادتني مشكلة مع زوجي وتركت له البيت
وعاندته ولا اتصلت ولا ايييييييي شي اتصل لي عقب مدة تدرين اشقال لي؟ قال لي العناد ما يجب راسي
عقب ما هدأت الاوضاع ما حاولت استشير ايييييييييييييي احد
بس قلت له بهدوووووووووء
اني عندي مشكلة وابي استشيرك لاني ادري حلها بيدك
ما شاء الله جاني وشحليله وهو مستعد يسمعني بكل انتباه
قلت له باسلوب حلو
ان انا ادري ان حياتنا قاعدة تصير ماساه والسبة هالنجرة والبجى كل يوم والصراخ
بس بس شنو باعتقادك الحل؟
ما شاء الله حسيته يصارحني بكللللللللللللللل شفافية
قال لي انا ما يعجبني العناد
تجيني باسلوب هادي تكلميني انا اصير لج بعد ماكو احسن مني
وما شاء الله حسيت روحي ذيج الحزة موبمع زوجي وانما صديقي واستشيره
خذيه بعقلج
ملكيه بهدوءج
كسري عناده وجهله بمكانتج
وخليه يحطج تاج راسج
كوني احسن منه
وانسي انج كنتي عايشة مدللة في بيت اهلج
لان حالج في بيت اهلج مو مثله بيت زوجج
انا كنت افكر جذي ان اهلي شلون وبيت زوجي شلون
كنت مدللة وما ينرفض لي طلب
بس لما صج قعدت مع نفسي وقريت مواضيع وااااااااااااااايد بهالمنتدى العجيب
استفدت وحاولت امسك زمام الامور بالعكس زوجي صار يحبني ويحترمني وما شاء الله
هو صحيح ان زوجج موبمثل زوجي
بس يضلون الرجال كلهم اطفال يبي لهم بس راحة بال وصبر وهدوء
اسفة اذا طولت بس اهم شي عطيت جم كلمة انشالله تفيدج
والله يخفف همج
ويردج لزوجج
ولا تفكرين بالطلاق لانه ابغض الحلال عند الله
تحياتي لج والله يكون بعونج:27:

اختي مل الصبر مني .. وش صار الحين؟
رجع لكِ .. طلب انك ترجعين؟؟ ووش صار؟!