أنا أتمنى من القلب إن تكون لي أخت أصغر مني ..

أختي بالتدريج بتعرفين كيف تكسبينها و كيف إنها ما راح تستغني عنج..
يعني مثلا إذا كنت تتغدين بروحج ناديها تتغدى معاج..إذا كنت برع و داقة على البيت و هي شالة سماعة التلفون وصلي الكلام اللي تبين تقولينه حق أمج مثلا لها..إذا شريتي لج كاكاو أو حلاوة هاتي لها معاج و بعد كثري لها..إذا بتفصلين لج شغله أو بتتشرين شي هاتي لها معاج.. إذا شفتيها تذاكر تقربي منها و قولي لها "اسمع لج شي، أو أفهمج شي" .. و هكذا بالتدريج إنتي بتهيأين نفسج و هي بتفرح و بستانس و بعد فترة بيكون بينج و بينها الإحترام و المحبة السااائدة تماما مثل خواتج الباقيات..

و عن كيف تتغيرين من داخلج .. اممم لا تضغطين على نفسج و لا تحاتين وايد كل شي بيكون عادي إنتي توكلي على الله و اعتبريها أختج الصغيرونه اللي ما تقدرين تستغنين عنها و اللي تحتاج منج الحنان و بعدين عودي نفسج تسولفين معاها و هيه صح قال الرسول الكريم "ألا أدلكم على شيء إذا فعلتموه تحاببتم، أفشوا السلام بينكم" فإنتي كل ما تدخلين حجرتها سلمي .. تشوفينها في الممر سلمي و بعد لا تنسين الأذكار دائما ردديها

أنا رفيجتي عندها أخت صغيرة دلوعة و عنيدة و تغار منها .. فهي - صديقتي - إذا تريد منها شي دايما تقولها "حبـيبتي فلانه " أو "فلونه >> اسم الدلع" ما عليج أمر جيبي هالشي" فأختها على طول تسوي المطلوب سمع و طاعه من دون بغض أو كره لها..
و الله يوفقج و يألف بين قلوبكم
..

تسلمووون يا بنات على النصايح وان شاء الله يارب اتغير يارب

الحمدلله انا صارلي كم يوم احس اني متحسنة مع اختي شوي احاول اسولف معاها واكلمها

بس اليوم صرخت عليها شوي بس ان شاء الله بتغير ان شاء الله اتغير

تسلمين اختي سوبر موديل انا بعد اكبر منها ب 9 سنوات

بس ان شاء الله الحين انا متغيره شويه بس ان شاء الله اتغير للافضل اكثر

حاولي حبيبتي تتقربين منها اكثر ...

مثلا جيبي لها مجله هي تحبهاااا ... او بدله حلوووة من السوووق او جنطه لمدرستها تكشخ فيها ...

وشوي وشوي تتحسن علاقتج فيها .. وصدقيني هي في المرحله هذي محتاجه لج واااايد...

وطمنينا عليج يالغاليه؟؟ وان شا الله حلولج اتعجبج..