حاولي تتقربين منها وككوني انت البادئة وكلميها مثلا خذي رايها بلبسك او اي موضوع يخصلك وحاولي ما تامرينها كثير قومي سوي اغراضك بنفسك قدامها وربي يديم المعروف بينكم وويسر اموركم قولي امين

جرح

مرحباااا بنت الامارات .. انا اختي الصغيره عمرها تقريبا 12 كنت معها تمااااام وتحبني مرره ودايما ننام مع بعض ونلعب وتحب تقلدني في كل شي ..لكن قبل 6 شهور تقريبا تغيرت علاقتي فيها أتوقع لأنها دخلت مرحلة المراهقه صايره عليها حركات تنرفزني وصرت بالأيام مااتكلم معها لأنها لسانها طويل شوي وتحب تعااند وانا ماعندي صبر..وودي ترجع علاقتي فيها حلوه وان شاءالله بسوي مثل ماقالو البنات ..اشتري لها هدايا بسيطه يعني كل ماطلعتي للسوق خذي لها لو شي بسيط قلوس او مرطب شفايف , ربطات شعر , عطر ينفع للصغار, احمر خدود او شدو فاتح ..انا لاحظت اختي تدور على هاذي الاشياء لما نطلع للسوق ... لما تكونين جالسه بغرفتك فاضيه ناديها ارقصو سوا البسو وبدلو بأشكالكم واستهبلو شوي بالشعر والميك اب ترا من جد ونااسه ...والله يوفقك مع اختك وعلمينا وش يصير معك:)

العنوان
(انا واختي)
ذكرني بمسلسل على سبيس تون

تسلموون حبايبي على النصايح والله يوفقكم ويسعدكم جميعا يارب مثل ما تحاول تحلولي المشكلة اللهم امين

والله صار لي يومين متغيره شوي معاها احاول ما أأمر عليها وايد اقوم واخدم نفسي خصوصا لو شفتها تذاكر او على الكمبيوتر

والبارحة كانت تسشور شعرها اتحرشت فيها ورحت اقولها كيف اتسشورين شعرج عطيني انا بسشورلج

والحمدلله نمت وانا مستانسه لما ساعدتها والله ان شاء الله يديم المعروف بين الكل

وجزاكم الله خير

حركه حلوة منج انج تستشورين شعـــرها ..

بنت الامارات:
حبيبتي مع الايام راح اتحبج وتزيد علاقتج فيها ..

وماقلتيلي رايج بحلولي؟؟

بانتظارج يالغاليه..