شوفي حبيبتي انا زوجي يموووووووووووووت بالاطفال وطول فتره الخطوبه وهو يحن علي ان شاء الله تحملين على طوول ويارب نجيب عيال على طول وانا كنت اتضايق وازعل واقول له ما ابي عيال من اولها ...يعني اني ابي اعيش حياتي واستانس..

وبعد الزواج ظل 3 شهور وهو يحن ويزن وانا ما ابي..

ليييين حسيت اني قمت اتاخر بالحمل مرت السنه والسنتين والثلاث وهو سكت ولا عاد يجيب طاري بس كل ما شفته يشيل عيال خواته ويلعبهم وشلون متعلق فيهم وهم من حبهم له ينادونه بابا احيانا ..والله قلبي يتقطع..

عاد عقب بديت رحله العلاج وتجيني حاله نفسيه زفته اذا بعد التعب ما يصير نصيب..ويوم ابكي يقول لي ليش تعالجين كل شي بيد الله ومتى ماربنا يبغي بيرزقنا وانا ادري انه الكلام اللي بقلبه غير ذي..

قعدت ست سنوات احاول اجيب عيال ..ليين الحمدلله حملت اول السنه الماضيه بالانابيب..وبعدها ربي رزقني بالبيبي اللي فبطني الف حمد وشكر...

ترى اذا خطيبج حنون ويحب الاطفال هذا احسن لج انتي..

اول شي بيدلعج وثاني شي لمن يرزقكم ربي بطفل بيكون لج عون بيشيل معاج ويسهر معاج مب مثل ازواج هالوقت يبون عيال ولمن يجون يتبرون من تربيتهم...

تعوذي من ابليس..ولا تخلينه يحطم حيه ممكن انها تكون من اسعد ما يكون..

انتي شكلج توج صغيره وما تبين تتحملين المسؤوليه بدري..بس صدقيني ربي ما يعطيج شي الا وسبحانه يعرف انج تقدرين عليه..

الله يوفقج ان شاء الله.ويارب نسمع عنج الاخبار الزينه اللي تفرح
:26:

سبحانك ياربي

فيه احد مايحب الأطفال ؟؟ يقلك الأطفال أحباب الله

انا عكسك لما اشوف طفل احس براحه نفسيه .. براءه وقلوب بيضه فقدناها في البالغين

حبيبتى مثل ما قالوا الاخوات اهو او غيره يبغى اطفال
انتي اسألي نفسك لو كنت ما تقدري تجيبي اطفال عقم يعني
كان قد ايه يؤثر فيك هذا الشعور
ممكن تتفقون علىمدة معينة لكن رفض وجودهم يؤثر فيك قبل ما يؤثر فيه

اقول
الاطفال زينة الحياة الدنيا
ولما تتزوجين وتققعدين فترة ما جبتي اولاد راح تحنين لهم
بصراحة
انا ما كنت احب الاطفال ولا احب اجامل امهم باني ابوسهم علشانها
بس يوم تزوجت وقعدت فترة ما خلفت
قعدت ادور افضل الدكاترة والمستشفيات علشان اجيب اطفال
لاتتركين زوجك وتمسكي به

سبحان الله الامومه غريزه
والله إذا حملتي وولدتي وشفتي وجه طفلك راح تتغير عاطفتك كثيييييييييير