السلام عليكم
أرجو أن يتسع صدرك لما سأقول
يا أختي((رب كلمه تهوي بصاحبها سبعين خريفا في جهنم))
غريب امرك والله وهل هناك من يكره احباب الله
يكره البراءة والجمال والنقاءوالصفاء
و ما ادراك أنك تستطيعين أن تحملي وتنجبي
أما قصة أنك تريدين أن تعيشي وتتمتعي بحياتك بدون أطفال ينغصون حياتك
فلا اقول لك إلا أن تنظري إلى قسم الأخوات المتاخرات عن الحمل وتسمعي معاناتهن
وتحسي بالآمهن لتعرفي عن أي وهم تبحثين
يا أختي سامحيني إن كانت كلماتي قاسية فأنا لاأريدك أن تظلمي نفسك بما تفعلين وتحرمينها
من أسباب السعادة فليس هناك رجل عاقل لايريد اطفالاً يستشعر بهم عواطف الأبوة الحنونة
عودي إلى خطيبك ودعي عنك هذه الوساوس الهدامة
أختي أحب أن أهمس في أذنك ان السعادة وقمة الانبساط هي زوج محب واطفال يزينون بيتك
يملؤنه حياة وفرحة وبدونهم ابداً لن تكتمل
أما عن المسؤلية والتعب فيا عزيزتي الجنة تحت أقدام الامهات ليس لسبب هين
وفقك الله لما يرضى ويحب

السلام عليكم

اختي لما الله يكتب لج الحمل وتبتدي حركة البيبي في بطنج والله ثم والله شعور ولا أحلى منه ولما تولدين بالسلامة وتشوفين هالبيبي اللي كنتي حاملته ببطنج 9 شهور وان الله عطاج عمر وشفتيه بعيونج راح تشكرين ربج على هالنعمه
ترى ناس غيرج محرومين منها والله يرزقهم ان شاء الله
والأطفال نعمه من رب العالمين ،، والله اني اتمنى لكل محرومه ان الله يرزقها بالذرية الصالحه
اختي تذكري ان هاذي نعمة من الله وهالنعمه لازم مانرفسها ..
والاحساس بالأمومه غريزة في كل ام بس لما تولد تتولد معاها هالغريزة من الله سبحان الله

سبحان الله يعني مو بس انا عندي هالشعور

عسى الله لا يؤاخذنا على كلامنا

ومثل ماقالت الاخوات

المال والبنون زينه الحياه الدنيا هم اللي يملوا البيت ويخلوا للحياه طعم

توكلوا على الله

ليش تكرهين الاطفال بقول لج صراحه بس لاتزعلين انا اسفه انا عندج عقده نفسيه اسفه ع الصراااحه

اي ريال في العالم ليش يتزوج مب عشاان ينجب الذرية الصالحه ويسعد بروؤيااهم كيف تبين تحرمينه عااطفة الابوووه حرااام عليييج!!!!

وانتى ماتبين عيال تحتج يركضوون ويبوسونج ويحنون علييج باجر لي كبرتي منو بيشيلج مب عيااالج!!!! منو بيسال عنج لي صرتي فوق 50 سنه

صراحه الحق مع زوجج صرااحه فكري بالموضووع اكثررر وبمنطق اعقل!!

انا يمكن اختلف شويه عن البنات

حلو انه المخطوبين يتفقون على اشياء قبل الزواج و هم على البر
قريبتي اتفقت مع زوجها قبل الزواج على انها تشتغل
وافق لكن بعد الزواج رجع في كلامه .. شو تسمين مثل هالرجل؟؟

البعض يتفق على شي عشان يسكت الثاني و في فكره يقنعه بعد الزواج

موضوع الاطفال أهم بمليون مرة من العمل
و اذا ما صار اتفاق من الاول أحسن بلا هالزواج

انت تريدين حد يقولج انه الي سويتيه صح أو غلط ؟
أو انه احساسج بكرهج للاطفال صح أم غلط؟

انا اقول انه تركج له و هو راغب بالاطفال و انت لا، صح
الرغبة بتأخير الانجاب هذا بعد شي شخصي
لكن كرهج للاطفال و عدم رغبتج فيهم ولا حتى فكرة مؤجلة ، ما اقدر استوعبها


كلمة أخيرة : الاطفال نعمة و مسؤولية كبيرة جدا جدا جدا جدا
للاسف نييب هالعيال و نحملهم جمايلنا و تقريبا 99% من الحمل في العالم يكون بشكل غير مخطط
و ننسى انه احن نييب هالعيال عشانا احن و عشان نملا شعور يراودنا
عشان يشيلونا يوم نكبر و لازم نمشيهم على كيفنا و نزوجهم على كيفنا و اذا ما سمعوا الكلام
و نفذوا الاوامر فهم عاقيين
يمكن فيني شويه من سوداوية المعري (عذروني فترة قبل الدورة :) )
بس اتذكرت بيت شعره :
هذا ما جناه أبي علي و ما جنيت على أحد :)