انقذوني...حاسه نفسي منهاره

حبيبتي هدي نفسج اول قومي بالسلامة بعدين كل شي بيصير ...

وحبيبتي بعد الولادة تخسرين على طول تقريبا 10 كيلو ووحدة وحدة مع الرضاعة تنحفين بس حاولي لا تستخدمين ادوية منع حمل عشان ما تنفخج زيادة .....

حبيبتي انا بعد ولادتي تميت احس بغثيان تقريبا اسبوع وارجع حااااالة وحام مستمرة وبعدين كل شي صار طبيعي بس نحفت وااااااااااااااااااااااااايد بينت عظامي صار وزني 57 ... وما كنت اكل عدل لانه الرضاعة كانت مطفشتني وبنتي تصيح واااايد بالهبل ....غير مشاكل شخصية عندي .... والله صرت عظمة ... كنت وانا حامل بالشهر الاخير اقول بعد ما اولد بكون دبه لازم اشترى ملابس اكس ال حتى ملابس النوم كانت ها الحجم وتهالي شوفيني يوم خلصت الاربعين عظام بأكس ال وحسيت نفسي هبلة وعبييييطة ورحت شريت غيرهم مقاس اس مع اني قبل الحمل كنت ابس ام وال ... الحين حبوب منع الحمل نفختني وبعد ما وقفتها ب 5 شهور حملت ...

انتي خلصي نفاسج على خير واذا وقف عندج الدم حاولي تسوين ريجيم بس مو قاسي لانج ترضعين وكثري من الخضرة والفواكه ...

الله يقومج بالسلامة

شوفي حبيبتي

اهم شي النفسيه

بالنفاس مايصلح الرجيم

بس اشربي شاهي اخضر وشاهي الاعشاب حق النفاس

والعنزروت ينظف البطن وكلها زينه للنفاس وامشي العشرين الاوله نص ساعه وبعدين زيدي الوقت

واذا طلعتي من النفاس سوي ريجيم واشتركي بنادي رياضي

ولاتفكرين انك تنحفين علشان احد اهم شي نفسك شوفي رغبتك وبتتشجعين

وتقدرين تلبسين اي لبس اذا نحفتي وكل هذا بيساعدك

ولاتنسين ان وقت الولاده بينقص كم كيلو مباشره

وارجع اقولك اهم شي النفسيه ماتتعب

ياقلبي انت ولايهمك بس ليش تستنين لبعد الولادة ابدأي من اليوم تخفيف نص اكلك

صدقيني وزنك بينقص او اقلها بيحافظ على الوزن بدون زيادة

خلاص لاتأجلي اتوكلي على الله وابدأي وشوفي هالتجمع بيفيدك كلنا جالسين نحاول نخسس او نحافظ عشان مانزيد كثير بوقت حملنا

ومانلاقي بعد الولادة وقت نسوي ريجيم ورياضه مع البيبي



http://forum.hawaaworld.com/showthread.php?t=1542682

حبيبتي في ناس في حملهم يزيد وزنهم بزيادة وهذا عادي, لكن ما انصحك تسوي رجيم في الاربعين بنات حواء كم موضوع ينزلوه يحذروا فيه من الرجيم لانه يعدم الرحم ويسبب دوخة وفقر دم, وجسمك حيرجع زي اول ان شاء الله ولكن طولي بالك عليه واعطيه على الاقل 6 شهور وكل وحدة تولد تعاني من زيادة حجمها لكنه يرجع اذا استمريتي على الاكل المتوازن وليس الرجيم يعني ابعدي عن الدهون وكثري خضروات وكلي بروتينات عادي بس اهم شيء ابعدي عن الدهون وقللي من ا لسكريات والنشويات ولا تنسي الرياضة لانها تشد الجسم وشوفي كيف ترجعي احسن من اول ولا تزعلي نفسك كلنا مرينا بصراع مع الوزن ولكن بالصبر وسعة الصدر والاصرار توصلي لهدفك , الله ييسر لك حملك وولادتك

لاتحاتين ولاتشيلين هم نص الوزن ينزل مع الولاده..

والباقي خلال 6 شهور لو حافظتي على طريقة اكل صحيه بيرجع وزنك طبيعي...

ياشين اللي ينكدون على الحامل ويزنون على راسها :(