انقهر واموت من الحره لما اشوف وحده بالتلفزيون تتدلع على زوجها وتطلب منه طلبات

بنات ابي اسأل سؤال ... صراحه انا مرات تنبط جبدي خاصه لما اطالع المسلسلات
و الافلام .. يعني اشوف الزوجه كاشخه و لابسه

و تقعد تتدلع على زوجها تبيه يشتري لها طقم الماس او طقم ذهب
او تبيه يكتب لها عماره او يكتب لها ارض او بيت

او تبيه يسوي لها شغله من اللي يبي لها دفع مبلغ وقدره !!

و تاكل بعقله حلاوة ( على قولتهم ) و الاخ يصدق وبسرعه بسرعه مثل الملهوف يسوي كل شي تبيه زوجته !!

صراحه لما اشوف جذي تنبط جبدي لاني حاسه ان فيها ضحك على الذقون !! و الله يا بنات منو زوجها جذي ؟ لو يت قالت له ابي طقم الماس او طقم ذهب ... قال لها ( وماله اشتري لج ) !!!

وشويه دلع و ضحك و الاخ سااااح خلاص صار مثل الجلي بيدها او مثل الخاتم تقول له قوم او اقعد على كيفها !!

ما تنبط جبدكم انا طلعت رووووحي و انا اقول حق ريلي ابي اشتري خاتم !! حسيت نفسي انذليت الف مره و انا اقول له ابي خاتم عشان العيد !! يعني عيديه .. انا اشتري الخاتم الحمد الله

بس مو بالسهوله اللي نشوفها بالتلفزيون !! وكله خااااتم لا هو طقم ولا هو ارض او شقه فاخره !!!

قولوا لي بنات شنو رايكم باللقطات هذه اللي تطلع بالتلفزيون ؟ ما تحسون ان فيها مبالغه !!