شوفي يا ختي اهل الزوج امه وخواته اذا كانوا قويين وعلى قد حالهم
رايح يخذون ولدهم في صفهم وحقوقهم من صله وطاعة واحترام
ولا فيه خلاف
والوضع مستتب ليش يتشكون بالعكس
هم اصلا مو مفكرين بهالزوجه ولا حسبين لها حساب ..
بس اقولك زمان كانت البنت اذا تزوجت
امها وابوها ينصحونها ويوجهون ما يبون إلا بياض الوجه
لكن اليوم في الغالب اللي ينصح البنت اذا تزوجت هم صديقاتها
علشان كذا ما تجيب إلا ردات الحظ لان توجيهها من ناس قليلين خبره وصغيرين في السن ...
والاسباب كثيره مثل ماقلت قبل ..
الموضوع اعجبني هههه لانو نقاش هادف خخخخخخخخ
ومثل مايقولون اختلاف الرأي لايفسد للود قضيه ..
ومشكوره مجدداً

لو كل شخص يعامل الناس مثل مايبيهم يعاملون كان مافيه مشاكل¤
زوجة أخوي مانشوفها الا بعد شهرين وإذا جت طول الوقت ساكته ¤ماقلت متكبره بعكس قلت أنها ماهي أجتماعية وماتعرف تفتح سالفه وحتى أذا جت نرحب فيه ولانخطي عليها أبدا¤إذا عندنا عزومه ماتساعد تجلس مع الضيوف ¤ماتكلمنا عليها أبدا عند الناس لانه أهم شي أخوي مرتاح معها¤ يسلموو

بعض الحريم تحس إذا تزوجت ملكت الولد وأن أهله مالهم حق فيه تبيه مقطوع من شجرة

وإذا زارتهم تعد نفسها كأنها شيخة عليهم و ياله تحكي أو تردعليهم وإلا السواليف كأنها طلابه

أو بس تسمع لسوالفهم وقبل ماتطلع من عندهم وهي ناشرة أخبارهم ولا السي إن إن

أو تكايد لأم رجلها من تحت لتحت تشوف اللي ماتبيه وتسويه وترفع ضغطها وسكرها ومكايد يهد الجبال

وإذا خلصت من الأم استلمت الأخوات وإذا ماعنده خوات حريم أخوانه في رأسها شر وتبغى أي شيء حتى تقول ماعادني رايحة

أي موقف يصير لو أنه عفوي تقعد تفسره على كيفها ومن ترسبات قصص سمعتها من خواتها أو بنات عمها أو صديقاتها

نوعية اللهم ياكافي لا معروف تحفظه ولا عيب تستره إن أكرمتيها شاخت وإن تجاهلتيها قطعت بالولد عن أهله



وبعض أهل الزوج إذا زوجوا ولدهم يعتقدون بأن مرة ولدهم كأنها ملك يمين لهم أو إذا تنازلوا شوي كأنها شغالة

يبونها إذا زارت تكرف لهم ومن تاصل تفصخ عباتها وعلى المطبخ تقوم بهم وياليت فيه حمد وإلا شكر

لا يحطون رأسهم برأسها حتى لو أنها صغيرة بكبر أصغر بناتهم لكن مايرون هالشي مادام أعرست خلاص صارت أم 80 سنة

وإذا جلست معهم هاتك ياتحقيق وأسئلة عنها وعن أهلها وين رحتوا وين جيتوا وش شريتو وأختك حملت والثانية ليه ماأعرست

وزوج أختك وين فاتح محله فيه و ورا فلانه ماكملت دراستها والثانية ليه أمك ماعلمتنا عنها أنها انخطبت

من تدخل مرة ولدهم وهي كأنها داخلة مكتب التحقيق الفدرالي

نوعية الله لا يحط من نعز عندهم إن قدرتيهم وحشمتيهم تفرعنوا وإن عاملتيهم برسميه وبحدود تحلطموا





وخير الأمور الوسط .. لا تلصقين يملونك ولا تبعدين فيجفونك

ولزوجة الولد أقولها أعتبري أم زوجك مثل أمك وعامليها مثل أمك

صحيح هي مالها حق مثل حق أمك لكن إذا أرضيتيها يمكن دعوة منها لك في جوف الليل تسعدك أنتي وذريتك

وإن سمعتي منها مايكدر خاطرك لا تروحين تكبرين قلب ولدها عليها وإلا تشيشينه على أهله أو تملين قلبه حقد

لا تدفعينه لقطاعة أهله أو عق والدينه وإذا نسى زيارة أهله ذكريه و إذا شفتي أن أهله بحاجة شي نبهيه

ترى الرجال يغفل عن أشياء والطيبة اللي تذكره وأعينيه على بر والديه مالك إلا الأجر وإن تضايقتي منهم عليك بالصبر

تلمسي اللي يرضيهم وسويه واللي يزعلهم واتركيه وأنتي الربحانه بالأخير

ولأم الزوج أقول لها اعتبريها مثل بنتك لا تنسينها من الشور والنصيحة لأنك تشوفين منها مالا تشوف الأم

وإن شفتي منها خير إذكريه واشكريه وإن شفتي شيء يكدر استريه وادفنيه

بناتك وهن بناتك ماجن على ماتبين فلا تنتظرين من بنت الناس أكثر وتحملي منها مثل ماتتحملين من بناتك

لأن بناتك رايحات وهي اللي مقيمة بينكم وإذا الله أصلح بتصير بنتك اللي ماحملتيها و ولدتيها وتعبتي عليها

وإن شفتي ولدك مكرمها ومقدرها لا تأكل قلبك الغيرة واإدعي لهم بالتوفيق لأن لو صار شي أول من يتنكد حشاشة جوفك

ولا هنا أشين من خراب بيته و تشتت شملهم وإن شفتيه هاينها و صاد عنها انصحيه و وجهيه وحنني قلبه عليها

وكل يقوم بالواجب اللي عليه ويطبق عامل الناس كما تحب أن يعاملوك ولا تنسوا الفضل بينكم

لا لا لا ياشذى الافندر مانقدر على كذا بصراحه اخجلتيني بردك حسيت انك انتي الوحيده اللي فهمتيني صح لا خلا ولا عدم منك يالذوق ..والله يكثر من امثالك بهالمنتدى ..

الله يهدي الجميع لو نفكر بالموت انه بياخذنا في اي وقت ماحطيناالدنياهمناوالناس طباعهم تختلف سوى زوجة الابن اواهل الزوج وهذي شغلت الشيطان يوسوس للطرفين ان الطرف الثاني مايحبه وانه يقصدشئ من كلامه اذاتكلم اواذاغاب ماحضر اومااتصل وسأل لوكل واح التمس لاخوه عذرواحد من السبعين عذر اللي امرنا الرسول صلى الله عليه وسلم كان مااحد زعل من الثاني والله يابنات من تجربه شخصيه ان زوجة اخوي دخلت علينا ياشر اشتر وسحبت اخوي وراءها بدرجة انه مايدري عنا وياعيني يامي والله ان دمعتها على خدها وعلى هذا والله مادعت عليها وتركناها اكثر من 14سنه على راحتها ان جونا رحبنا فيهم واذاراحوا تركناهم على راحتهم وسنويا يسافرون مكه وياخذون امها واخواتها ولاعمرهم سالوا امي تبغى تروح ولا لا وتعرفون حب الكبار لمكه وعلى هذا ماعمرها قالت ليه ماتاخذوني والسنه هذي متغيره تماما جت قبل لايسافرون وحلفت تاخذ امي وتروح معم واخوي ساكت مايقول شي الابعد هي ماتتكلم ولزمت ماتروح الا بها وقلنا لامي تروح لاني حاسه انها ندمانه على كل اللي سوته وسافرت امي معهم وقالت كانت تعبانه ومريضه والله امي رحمتها وقالت الله يشفيها ويخليها لعيالها وقصتي هذي قلتها لكم عشان تقدمون الخير وحتى لواللي قدامكم سوى العكس لاتخلون الشيطان يدخل بينكم ويفرقكم علشان دنيا كلنا رايحين منها وعلى فكره ابوي كان متوفي وهو اخونا الكبير وصبرنا وتركناهم والحمدلله كبرنا وماخلنا رب العالمين الله يصلح لنا عيالنا ويجعلنا ممن حسن خلقهم وجعلنا من المرحومين في الدنبا والاخره0