ان شاءالله ما يكون عندك عم او خال مثل كذا ؟؟؟؟؟؟؟؟؟؟؟

ان شاءالله ما يكون عندك عم مثل كذا
قام احد الشباب بخطبة احد الفتيات وكان اباها حكيما واراد مناقشة هذا الشاب ... فحصلت هذه المناقشة الشيقة ....

أنا عندي لك يا ضيفنا العزيز أسئلة إذا عرفتها زوجتك ابنتي , فهل أنت مستعد ؟
الضيف / تفضل .
الحكيم / وش الشيء اللي يضرك إذا أرتفع وإذا أنخفض ؟
الضيف / هذا الله يجيرني وإياك والعروس ... مرض السكر والضغط .
الحكيم / : هذا سعر البترول .
طـيـب ... من هو اللي يصلي النافلة ويترك الفرض ؟
الضيف / المجنون
الحكيم / صدقت ... هذي الموظفة اللي تخدم الناس ...
وتضيع زوجها وأولادها وبيتها ...
الحكيم / من هو الملك اللي نزل من عرشه وضيع شعبه وأشتغل سوّاق ؟
الضيف / هذا سؤال صعب !
الحكيم / أبداً هذا بسيط للي يعرف الواقع ...
هذي الحرمة اللي تشردت من بيتها وتطالب بسواقة السيارات !! ....
وش الدولة اللي فيها رئيسين ؟
الضيف / ما فيه يا عمي حتى الملعب وهو ملعب
ما فيه إلا حكم واحد وعنده مساعدين
الحكيم / شفت إنك ما أنت داري بشي ...
هذي بيوت اللي ينادون بمساواة المرأة بالرجل.
طيب ... إذا بغيت معنى كلمة عربية وين تدور عليها ؟
الضيف / في لسان العرب أو القاموس المحيط .
الحكيم / ما عندك سالفة ... بوش على الذمة ....
ما تشوف كيف فسر لنا كلمة " إرهاب " وكل العالم وافقوه عليها ....
الضيف / أجل , الله يستر لا يجي اليوم اللي يفسر لنا فيه ... معنى التوحيد والإسلام ...
الحكيم / طيب ... وش الوردة اللي ما تستخدمها إلا إذا ذبلت ؟
الضيف / أصلاً إذا ذبلت , ما عاد يصير لها قيمة !
الحكيم / صحيح ... هذول بنات هالأيام , البنت ما تتزوج فيهن إلا بعد ما تكبر ويروح شبابها وهي تطرد ورى هالسراب
واللي يسمونه المستقبل!!
طيب ... منهم الأبرياء اللي يجوز قتلهم ؟
الضيف / ما فيه .
الحكيم / هؤلاء ... هم المسلمين ، ما تشوف لما قتلتهم أمريكا في أفغانستان ، والعراق قالت حنا ما يمكن نقضي على الإرهاب إلا بقتلهم ، وافقهم العالم كلّه حتى المسلمين ، .
إييييه ... الظاهر يا ضيفنا العزيز إن ما لك نصيب ...
في البنت لأن ما عندك سالفه
راحت عليه العروس
هــذه من فــكاهــة احــد الـــحـكــماء فــي حــال الامــه...!

منقول