السلام عليكم ورحمة الله وبركاته
من غير مقدمات انا تعبت من معاملة اهلي خصوصا انها زادت بعد الزواج وخواتي اللي كل ماازورهم ببيت اهلي احصلهم متدمرات نفسيا يوم عن يوم من المشاكل اللي تصير والمشكله انهم اهلي يشوفون انهم هم الصح ونحن العاقات والغلط وامي تحترم الذكور اما بناتها مايهمها ماراح ادخل بالتفاصيل بس ماعد احب اروح هناك غير اني اخاف اكون مقصره او عاقه بااهلي واروح غصب عني وعشان خواتي الصغار من اروح انام هناك ارجع نفسيتي زفت وانشر السلبيه ع زوجي واهله من شكلي العبوس الان صادفتني مشكله انه اهلي كل واحد ماشاء الله منصبه عالي ومعاشهم دبل معاشي وحاطين عينهم على معاشي يبوني اساهم معهم بيبنون بيت والخير كله لهم امي سجلت كل واحد من خواني فله بااسمهم ونحن البنات مالنا شي والان يبوني اساهم من معاشي معهم بحجه انها راح تنكتب البيت بااسم الجميع طيب انا زوجي معاشه اقل مني وغير انه يصرف ع اهله ومايبقي لنا شي ومافي غير معاشي مااكلنا وملبسنا واهلي ماعليهم قاصر عايشين عيشة الملوك عندهم خدم وسواق ويلبسون من الماركات ويسافرون دول اوربيه خارجيه ونحن ماعندنا حتى خادمه ومانقدر نسافر ومعاشي يالله يكفي مصروفنا وهم مو مقدرين هالشي شغل عناد والان كيف ارفض اعطيهم اعرفهم بيقلبون علي وماراح يكلموني وبيزعلون مني وامي يهون عليها تطردني من البيت لانه امها زمان عملت فيها نفس الشي طردتها لانها رفضت تسمع كلامها وكل بنت تطلع ع امها وانا ماابغى زوجي يشوفني من غير اهل ماراح يحترمني وبكون مذلوله تحته وبيرميني وانا دايمن ماابين له اي شي بالعكس امدحهم واشد الظهر فيهم بس الان ماني عارفه ايش اعمل وابغى اكون قويه ماابغى يتحكمون فيني ويذلوني
خجل انوثه @khgl_anothh
عضوة نشيطة
يلزم عليك تسجيل الدخول أولًا لكتابة تعليق.
آلهي انت مقصودي*/^
•
قوليلها ياامي ياعيوني اذا عطيتك من مصروفي بننقطع قبل آخر الشهر واذا ماعجبها كلامك او ماقبلت تبريرك قليلها قلعيني من بيتك وبكون ممنونتك....شو هالام هاي ...انا مستغربة كثرة مواضيع الامهات هالفترة
الله يعينك ويلهمك الصبر أن شالله البنات يفيدونك شفت موضوعك ماحبيت أتركه ومالي اني ادعولك الله يفرج همك ويسعد قلبك
قوليلها ياامي ياعيوني اذا عطيتك من مصروفي بننقطع قبل آخر الشهر واذا ماعجبها كلامك او ماقبلت تبريرك قليلها قلعيني من بيتك وبكون ممنونتك....شو هالام هاي ...انا مستغربة كثرة مواضيع الامهات هالفترةقوليلها ياامي ياعيوني اذا عطيتك من مصروفي بننقطع قبل آخر الشهر واذا ماعجبها كلامك او ماقبلت...
حتى لو قلعتني انا ملزومه شرعا ازورهم ومانقطع عنهم
الله يعينك ويلهمك الصبر أن شالله البنات يفيدونك شفت موضوعك ماحبيت أتركه ومالي اني ادعولك الله يفرج همك ويسعد قلبكالله يعينك ويلهمك الصبر أن شالله البنات يفيدونك شفت موضوعك ماحبيت أتركه ومالي اني ادعولك...
شكرا عالدعاء الله يجزاك اضعافه
الصفحة الأخيرة