اهلك اجلسي معهم بهداوه وصارحيهم انهم قاعدين يجرحونك بكلامهم وطبعا بيحن قلبهم عليك
لاتسكتين تري السكوت بيزيد اكثر

الله يهديك ويصلحك بس انتي قلتيها هم زعلانين انك مااخذتي منهم فهمي عيالك هالنقطه وانتي ذكرتي ان عيالك بدوا يفهمون خلاص وضحيها لهم بالنسبه لاهلك وضحي لهم انك تزعلين من هالعنصريه واهلي وان جاروا علي كرااااااااااااااام ولاتقاطعين ولاشي هي صح تحز بالنفس بس الصبر وانا اختك والموضوع طنشيه شيليه من راسك واعتزي وافتخري بنسب عيالك وخليهم يشوفون منك هالافتخار انا عانيت مثلك مع اني اخذه من نفس قبيلتي بس اهلي شكل واهل زوجي شكل كانوا دايما يقولون لعيالي كل ماصار شي بين الاطفال او جينا كاشخين على الكل بزياده نشششششششششبه على طول ارد عليهم وسط العرب رزه اكتاف عيالي تعرض بزياده حرموا ماعاد يقولونها لاتخلين الشيطان يقرب منك وانا اختك وخلي الموضوع عادي والله الموفق

هم يمكن تمادوا بالحكاية يو شافوك ساكتة بس والله ترى ربي بيبلاهم اعرف وحدة ماخذة من غير قبيلتنا والقبيلة الثانية معروفة مرة كانت زوجة اخوها تعاير عيالها باسم القبيلة حتى بالجمعات الكبيرة تناديهم بها وفي النهاية بنتها خذت واحد من نفس القبيلة اللي كانت تتريق عليها والحين تناديهم باسمائهم عشان ماينادون عيال بنتها بالقبيلة..

السؤال هنا :دام مو عاجبتهم القبيلة لية يزوجونك ايهـ قوليلهم كذا وبيني قلبو انو انتي تتضايقي من هالشي..

الصراحه انا شايفه ان اهم شئ عيالك دول اطفال ليه كده؟؟؟؟؟؟؟؟
وليه تاخديهم فى العيد عند اهلك طالما هما كده انتى عايزه تعيدى على اطفالك ولا تنكدى عليهم
وبعدين ليه صابره 12 سنه ؟؟؟؟؟؟؟؟؟؟؟؟؟؟؟؟
طيب ابوك وامك متقدريش تردى عليهم لكن على الاقل وضحيلهم ان كلامهم بيضايقك
وان شاء الله ليه ساكته كمان لباقى اقرايبك والله انا لو منك اللى يقولى ولا يقول لولادى كلمه والله لاديله بدل الكلمه عشره
والله يا اختى ما تزعلى منى اصلك بصراحه عصبتينى
لالالالالازم يكون لك موقف حازم فى الموضوع ده مش علشانك
علشان خاطر ولادك ونفسيتهم
مش بقولك روحى خانقى كل قرايبك لكن على الاقل وقفى كل واحد عند حده
والله يعينك

سلام عليكم
اشكر الاداره على ترجيعها للموضوع
الي انحذف بسبب بعض الردود
انا ما نزلت مشكلتي عشان تصير حرب بين العضوات
انا ابغى حــــــــــــــــــــل
قبيلة عيالي وزوجي من احسن القبايل وما فيها اي عيب
بس الي عرفته انو كثير من الناس يعرفو التفرقه والعنصريه والكره
وانا قررت ابتعد عن اهلي لحد ما يحترمو عيالي وقبيلتهم
وزوجي عنده علم بالموضوع وقال خذيهم على قد عقلهم
لكن في قلبي ناااااااااااار
ابغى اتجمع مع اهلي وجماعتي وعيالي في حضني زي كل الحريم
والي تسال عن اهل زوجي احيانا ينادوني بقبيلتي وكمان يقولو ولد ........
لكن جماعتي مصخوها من كثر التريقه وتذكير عيالي بالماضي الي ما يعرفو عنه شي
لو اكتب من هنا لبكره ما اخلص الي في قلبي