بصراحه لو اني منك مااروح لهم فتره خليهم يفقدونك انتي وعيالك واذا سألوا تكلمي مع امك بصراحه قولي لها الذنب عليك انتي وابوي ماراح اسامحكم ليه توافقون على الرجال واللحين تعيرون عيالي وش فيهم ××××××××××خافوا الله ماتدرين بكره اذا كبرتي يمه يمكن مايشيلك غير ××××× ويتنكرولك الباقي

تراني ×××××××× علشان كذا انقهرت علشانك بس لا تسكتين علشان عيالك مايكبرون وفيهم عقده النقص وهم مافيهم شي الا من هالتصرفات السقيمه الله يخلي لك عيالك ويصيرون احسن الناس

الرجاء عدم التعرض لأسماء القبائل بمدح أو ذم ..

الإشراف ..

اللي اهلك يسونه غباء كيف لو كانو اشرااف ولا ساده شكلهم كانو حيذبحو الناس والله انه مافي فرق بين وبين اليهود وعلشان كذا البنات قاعدين يعنسون ولازم تعزين زوجك واولادك وطلعيهم دكاتره وعلماء علشان هذا الشي اللي صارو الناس يفتخرون فيه وتراني بنت قبايل بس ما احب الحركات هذي

للاسف دخلت الموضوع بعد حذ الردود واسم القبيله بس عرفتها من تلميحكم المهم

تقولون والله انهم متخلفين للحين تتكلمون عن القبايل الغرب يصنع صواريخ وحنا للحين فلان وفلان

طيب سؤال اذا انتم مو مؤمنين بهاالفكره
ليه كل وحده تسب التعصبين بعد ماتخلص من كتابة ردها تقول مع اني قبيليه ومن قبيله عريقه
وش يدل عليه هالشي؟؟؟؟
واللي تقول البدو هم راعين العصبيه وماادري ايش كل القبايل فيهم عصبيه بس لان البدو هم اساس القبيله واحيانا يحبون يفتخرون باللي سوته قبيلتهم وهذا حق لهم تفهمون غلط انو عصبيه قبليه المشكله بتفكيرنا العقيم

اماا صاحبة الموضوع المفرووض تعززين ثقة عيالك بنسبهم ويكتبونه بالخط العريض

الله يرفع قدرك وقدر عيالك
الله يجعلهم من البارين في والديهم ويجعلهم من حفظة كتابة
لاتتضايقين كثير تصير عندنا في القبيلة
اذا كان امك وابوك هم اللي يعايرونك لا تلومين الناس
الله يعينك ويصبرك ويهدي اهلك ...
ادعي ربك ان يهدي اهلك ويعز عيالك ويرفع شانهم عندهم وعند غيرهم..

شوفي انا من قبيله قدييييييييييييييمة يعني فيها بطون وفخوذ ورجول واصابع بعد

ومع ذلك مانسلم من العصبيه القبليه

الله يعينك حاسه فيك والله

بس اهم شئ عيالك اذا احد استهزئ فيهم انتي ردي وبضحك قولي والنعم فيهم رجال

لا تخلينهم يستحقرون نفسهم ابدا ابدا ابدا تراه شئ مو سهل

لازم يفتخرون بابوهم ايش ماكان ... يفتخرووون بنفسهم و بأبوهم مو بقبيلتهم

لاني اخاف يجي يوم ويستحقرون ابوهم ويلومونك

انتبهي