:) السلام عليكم
انا من سكان جده وماشالله الرابط الي حطته الاخت الي قبلي فيه كل شي بلنسبه للمحلات الي على الكرنيش اغلبها فيها شيش ومعسلات في منتزه الشراع حلو للصغار فيه مسبح ومطاعم وعندك كمان لاكوستا محل مره حلو برضه جلسات مطاعم والعاب واذا كنتي تحبي السمك عندك ذهبان كلها مطاعم ومنزهات بس للاكلات البحريه وبلنسبه للاسواق في شارع التحليه كله محلات وفي التحليه سنتر مره حلو مجمع تجاري ومطاعم وملاهي للصغار وجده مول كمان مره حلو والخياط كله ماركات عالميه وفيه لو مول كمان مجمع تجاري حلووفي اسواق غير الي في التحليه منها عزيز مول حراء مول حراء افنيوبس على فكره اغلب المحلات متكرره في اخر 3 اسواق ذكرتها يلنسبه للبوادي ومحمود سعيد فهيه اسواق تقريبا شعبيه بس تلقي فيها كل شي ورخيصه وفي مول نسيته الي هوه اويسس مول هوه مره حلوه بس انا عن نفسي مادخلته غير مره وحده لي انو مرررررررررررره بعيد قريب من الجامعه يعني منطقه بعيده عن مناطق الاسواق وفي كمان شارع الاندلس كله مطاعم زي شيليز ابل بيز فرايديز روبي تيوزداي وكمان فيه كافيهات بس ماانصحك فيها لي انو اغلبها مسخره بس كاكفيه مره حلو اذا تبغي روحي غداء اسمه جافا :)

ام انوسي الاندنوسي

مشكورة يا عمري الله يخليلك انوسي 000 تدرين وانا اكتب الموضوع نفسي انك تردين علي


وطلعتي قدها وقدود وما خيبتي ظني فيك الله لا يحرمنا منك


ومشكوره على الرابط 0000 بس ترى انا دخلت عليه قبل لا احط موضوعي بس للاسف ما لقيت


رد علشان كذا حطيت الموضوع هذا يمكن البنات يشوفونه ويردون




mrh1



الله يسعدك يارب ويحقق كل ما تتمنين ولا يهمك بدعيلك في كل وقت وبالعمرة بعد الله يعطيك العافيه


ما قصرتي






i miss my family


مشكورة يا قمر كفيتي ووفيتي الله يرزقك الجنه ويحقق كل امانيك ويسعدك دنيا واخره

لي عودة ان شاءالله

هدباء



لا تطولين ترى احتريك

الاسواق
صيرفي مول - شارع التحليه وكانك متجه شرقا وقدامه ايكيا
عزير مول -دوار الطياره
اسواق التحليه - شارع التحليه
التحليه مول- جده مول -لامول- البساتين-شارع التحليه
روشانا مول -ى دوار السيف -شارع التحليه
سوق حراء - حراء افينو شارع حراء
سلطان مول - شارع الامير سلطان
روشان مول - دوار الكره الارضيه طريق الملك

اسواق شعبيه :eek:
الشاطي - البوادي - محمود سعيد (البدو)
الكوفي
مونتاروزا (اتوقع اسمه كذا) شارع الامير سلطان وكمان فيه واحد تاني جنب حلويات عماد على نفس الشارع
عندك جافا في حي الاندلس وكمان فيه واحد تاني جنبه

الاماكن الترفيهيه:)
ملاهي الشلال
ايس لاند
صواري لاند مارك

مطاعم
في حي الخالديه
فيه مطعم هندي
وحي الاندلس فيه كثير مطاعم

وسلامتكم