تشيكى تشيز رووووعه للاطفال

ملاهى الشلال

لاكوستا

واسواق عندك سلطان مول في كم محل مميزين ومو مكررين في المولات الثانيه

والبساتين في التحليه مميز كمان

شارع التحليه فيه كل الماركات المعروفه

ما شاء الله البنات كفوا و وفوا
حياك الله بينا

تشيكى تشيز فيه سواتر او لا؟؟؟؟؟؟؟؟؟

هلا فيك أم فارس في جدة...

قبل ماأقول اقتراحاتي.. أبقول الشي اللي مظايقني هنا بجدة..

والله ماصرنا نتهنى لا في طلعة ولا في نزلة.. كل مكان يكون فيه مسخرة وموسيقى وشي مايرضي ربي إلا ما رحم..

صرنا بس نروح لفة ع البحر ومزاورة في البيوت لاملاهي ولاحدايق ولاكورنيش ولاأسواق نقدر نروحها واحنا مرتاحين حتى المستشفيات ماسلمت منهم.. بس اهون شي الواحد يروح له هو البحر وفقط كلها 4 شهور وترجع الرطوبة والحر اللي تخلينا نكره اصلا نطلع من البيت..

والحين ابحاول اعطيك اماكن حلوة..بس ماأتذكر انه فيه شي عندنا مميز عن الشرقية..

أولا الصبح.. عشان تحسون بطعم اجازتكم هذي اصحوا من بدري والجو نوعا ما مازال حلو فلا تظيعون الفرصة..

خذو لفة ع البحر وصوروا منظره راااااااااااائع في النهار.. كذا سوينا انا وامي وابوي واختي الصغيرة قبل كم اسبوع..

وبعدين الفطور روحوا لمطعم الثمرات في التحلية مقابل الجاليرية واسألوا عنه هو مو ع الشارع نفسه ..تدخلينله شوي على جوه..

هذا جلساته زي المركاز(جلسات اهل الحجاز) والأكل حلو..
بقول اللي عجبنا عندهم: الحليب العدني، فول بزيت الزيتون، التميس البسكوت والتميس العادي، فطيرة السبانخ، المنتو، الطعمية
واللي ماعجبنا وياربي لك الحمد كلها نعمة والناس اذواق: الشكشوكة والفول اللبناني..

وكل مرة نروح نطلب بس شوي عشان لانرمي واللي بعدها نطلب اللي عجبنا وطبق او اثنين جديدة نجربها..
والأسعار كويسة.. اعتقد مازاد عن الستين..

وفيه بعد اكل عادي للغداء والعشاء بس مارحناه الافطور..

وفيه كمان في ابو شقرة اللي عند الجمجوم بوفيه الافطار يا ب20 يا بـ15 مو ذاكرة، وفطورهم ماشي حاله..

واذا تبغين شي راقي.. فيه عندك فندق البلاد بس بوفيه.. والشخص اتذكر انه ب50 لكن مشكلته مو مستر بس ممكن تجلسين على جنب لكن موسيييييييييييييييييقى..
او طبعا اي فندق بس المشكلة الموسيقى والبوفيه من فوق السبعين وهذا قريب سألت عنه في الشيراتون وفي وستن وفي الميريديان..


واذا خلصتوا فطور.. اشتروا ايس كريم ولا ملك شيك من هاجن داز اللي في كافيه اروما(في الحمراء- مركز الحمراء مقابل نافورة جدة)
وارجعوا مروا على البحر ودوا الصغار يلعبون في المراجيح اللي ع الكورنيش وفيه جزء بسيط بجنب مسجد ع البحر قريب من دوار لا إله إلا الله.. مزروع وفيه كم مرجحية ونطيطات(ترامبولين).. حلفت ذاك اليوم لو ماكان في عائلة جالسة جنبنا كان قمت لعبت مع أختي خخخخخخخ بس للأسف جلسوا وعيوا يروحون..

الغداء:
بصراحة صاروا اهلي يكرهون شي اسمه مطاعم سواء نظافة او راحة .. بس افضل الموجود أبو شقرة..
صحيح فيه شاشة كبيرة على قنوات موسيقية بس لمن نطلبهم يسكرون الموسيقى يقفلونها حتى لو في البداية ماوافقوا..
وفيه حواجز ومطل على نافورة جدة بعد..

واللي كان على الكورنيش قفل وجا بداله واحد سمى نفسه السراية وحاول يقلد ابو شقرة بس فرررررررررررررق..

فيه كمان مطعم الشموع الحمراء في التحلية مقابل مركز التحلية وبجنب القثمي لأقمشة الأثاث..
صديقاتي واهلهم راحوا له يقولون لذييييييييييييذ ومافيه موسيقى وفيه حواجز.. بس كانوا راحوا له غداء..
ويوم رحناله عشاء كان موسيقى ومسخررررررررة وبنات الله يهديهم كنهم جالسين في بيوتهم ضحك واستهتار وشيالهم على كتوفهم..
طلبنا من المدير يسكرها ومارضي وكأنه يقول مو عاجبكم مع السلامة.. فطلعنا قبل لايسوي ابوي مضاربة..
فصديقتي قالت روحوا غداء مو عشاء..

وفيه المطاعم الصينية في كل مكان.. انا عن نفسي ماجربت الا درة الصين اللي تجي في مجمعات السوبرماركتات الكبيرة..

واذا تبغين المندي ..أطعم شي اسمه البرجاس مدري وينه بالضبط بسألك عنه..

العصرية:
مروا ع البحر الكورنيش وروحوا مركز العلوم والتكنولوجيا،الصغار بينبسطون وانتوا بعد(من وجهة نظري)..
رائع جداً..

وفيه ملاهي عطا الله والشلال والكل يقولي انها في ايام العوايل ارحم من يوم الحريم..
والأفضل من العصر لين العشاء وبعد كذا ممكن يفتحون الموسيقى والسخافات حقتهم..

ومون تون اللي في الصيرفي مارحنا لها الا مرة وكان اول يوم افتتاح وماكان فيها شي بايخ.. مدري بعد الزحمة كيف..
ولكن نصيييييييييحة افضل وقت هو الصبح..

العشاء:
فيه مجمع اسمه جرير مول فيه العاب للأطفال واللي يشتغلون (حريم وسعوديات!!) والدخول للعوايل بس فيه اركان حلوة تعليمية.. لمن تكبر اختي شوي بنوديها لها ان شاءالله.. والموسيقى مافيه غير اللي تطلع من بعض الألعاب الالكترونية..
وفي المجمع مكتبة جرير انا عن نفسي امووووووووووت فيها.. مروا عليها خذوا كم كتاب لك انتي وابو العيال والصغار بعد اشتريلهم قصص وممكن تقرون في المكتبة للوقت اللي تحبون..
والله اختي الصغيرة عمرها سنتين ونص وماشاءالله تبارك الله نقريها الكتب والقصص وتفهمها وصرنا نمر المكتبة بس عشانها..
وطبعاً فيه محلات ملابس وجلابيات ووووو زي اي مجمع..
وانهوا رحلتكم في المطاعم اللي فوق طبي وتخيري.. بس الجلسات طبعا مكشفة على بعض.. رحتي على جنب ولا جلستي في النص كله زي بعضه :(

بعد فيه مطعم ايطالي (اظن اسمه بيتزا عالصاج-برجع اسأل اخوي واحط عنوانه)راااااايق ومن قبل ماندخل سألناه عن الحواجز(البارتيشنز) وعن الموسيقى قالنا كله نقفله..
الأكل فعلا حسيته فريش..
كنا 3 انا واخواني.. والحساب 150
طلبنا سمك بالليمون وااااااااو لذيذ مرة..
وشوربة فطر وشوربة طماطم كلهم طيبين..
وبيتزا مارجريتا اظن كذا اسمها وهي فعلا ام الطزاجة..
ومكرونة بالبستو وهذي كانت عادية
ومشروبات
يعني اسعارهم والمكان والأكل كلها رائعة.. هو تقريبا مكانه في الحمراء في الحي اللي تشيليز يصير في الركن منه..

وكمان استراحات السمك اللي على طريق المدينة جربنا كثييييييييييييييير بس مافيه اطعم وانظف من اسماك القلزم..
زمان ماكان حاط دش في الجلسات حقته بس الحين للأسف حط دش بس الخدمات حلوة مرة..

بالنسبة لألعاب الأطفال اللي في المجمعات وعندها مطاعم الصيرفي مول تقريباً بداية شارع التحلية ومركز التحلية تقريباً آخر التحلية.. بس الأمر لايخلو من بنات مدري شمسوين في عمارهم وموسيقى الألعاب نفسها..

وفيه كمان عزيز مول حي الصفا عند دوار الطيارة فيه العاب اطفال وصالة تزلج مدري اذا لسا موجودة ولا لا، وتقريبا كل الماركات هناك واحسه شرح بالنسبة لي اكثر من اي مجمع ثاني..

بالنسبة للأسواق مابتظيعين،بين كل سوق وسوق سوق.. بس اللي فعلاً مميز البساتين عند قسم السواني مو الماركات حقته بينيتون و ديرهي وماكسمارا وووو لا لا نفس السواني خياااال سواء الاواني او الملابس واذا عندك كرت التخفيض حقهم بيفيدك، بس الاسعار نار لكن لك وللزمن، واذا تبغين هدايا حلوة..
اطلعي فوق الدور الثاني جهة السواني فيه محلين فيهم اشياء كثير تنفع هدايا.. وفيه وانتي خارجة كشك صغير يبيع مصاحف مغلفة وفواصل للكتب وبراويز حلوة مرة..


القهوة في كل مكان.. من زمان ماتقهوينا في نفس المحل او الفندق .. صرنا نطلب تيك اوي.. بس نحب بارنيز وفيه كوستا كوفي على البحر بجنب عطا الله للآن ماجربناه اتوقع انه حلو..

ومن الحين شوفي شناقصك اكسسوارات لبيتك ولا خزاين ولا اي شي واكتبيها في ورقة وروحي لإيكيا على التحلية وانتي راجعة.. اظن ماعندكم في الشرقية ولا لا؟؟

اذا فيه شي تذكرته بعد بحطه ان شاءالله..

في كثير اماكن قالوها البنات .. خذي من هنا ومن هناك وتمتعي بأيام اجازتك..
وعمرة مقبولة لكم..

جودي الساحره 00000000000000 بصراحه سحرتيني بذوقك الله يسعدك ويرزقك كل اللي


نفسك فيه ومشكورة كفيتي ووفيتي






































































































































































































































































يوم وداعك 00000000000 مشكورة وما قصرتي الله يعطيك العافيه



rehalgenan


مشكورة يا عمري والله يحيك اكثر بصراحه البنات ما قصرو الله يعطيك وياهم الصحة والعافيه