اهل زوجي بيجيبون لي الجلطه

السلام عليكم
بنات انا حابه اخذ رايكم فشي مطفشني ومكرهني نفسي
انا انسانه متعلمه حمد لله ونيتي صافيه ولا اشيل ع احد وبيتوتيه ماحب اخرج ولا اضايق الناس بكلامي لو خرجت يعني منشغله فبيتي وزوجي وطفلي وحملي
عمري ٢٤ سنه
زوجي انسان كويس ما اقول مابيننا مشاكل صح فيه بس بشكل عام انسان طيب ومحترم

نجي للمشكله اللي مخليتني بفقد عقلي وربي صرت انتف شعر راسي لا اراديا
اهل زوجي ناس كويسين بس يغلب عليهم النيه الشينه فككككككككككككل شي + انهم حسودين مايتمنو الخير لاحد ابدا ابدا
اللي صار من اول ماتزوجت تعاملت معاهم عادي
بس يشكون ويحكمون عليك في اي شي ويزعلون ويقلبون عليك وانتي ماتدرين من ايش
لو مازرتيهم اكيد مطنشتهم وماتحبينهم
لو قابلتيهم في اجتماع عائيلي قالو طالعت فينا سوت لنا كذا
لو طلبي من زوجي يجيب الولد لهم ونسي يقولون ايوه ماخلته يجيبه
وصلت فيهم يقولون تسلم علينا بدون نفس ولا تسولف معانا تسولف مع الخزيم اكثر
يعني باختصار جابو لي الوسواس صرت استغرب والله ماجا ع بالي الشي اللي قالو وربي اني مافكر فيهم يمر اسابيع مافكرت فيهم مو اقعد اخطط وش بسوي ولا كيف بسلم عليهم
خلاص عقدوني وحتى زوجي طفش
طبعا هو ماعنده الا اخت وحده وعمرها ٢٩ وماهي متزوجه وجالسه فالبيت بس تراقب خلق الله لو عطست قالت ايوه قاصدتني لو اروح عمره يقلبون علي لو يدقون علي بنجي وانا ماني فالبيت يقولون الا هي فالبيت بس ماتبغى تستقبلنا ويدقون ع زوجي يتاكدون وانا مذهوله ان في بشر كذا
كل هالحركات من اخته ام امه احسن من كذا بس ان بنتها تعبي راسها
انا عندي سلفتين وحده بعيده والثانيه فشقه فوقي
لما عرفت سلفتي ان اخت زوجي شانه هجوم علي قالت اسكتي
انا جابت لي النفسيه حتى قالت هالبنت مي بنت اخوي انتي جايبتها من واحد ثاني


وشششش الحل انا وربي مافكر فيها ومنشغله فحياتي وهي مبتليتني لو اروح لامي زعلو علي وزوجي ضايع بيننا وطفش كيف اتعامل مع هالاشكال خايفه يخربون حياتي انصدمت بمجتمعهم انا لو اشوف من احد شي اعذره كيف لو زوجت اخوي احترام لاخوي
بس هذي ماعندها فاحد وحتى زوجي يقولي ماتعرف الاحترام من زمان
وش اسوي اخذها ع قد عقلها ولا كيف
ومن تعرف دعاء اقوله يكفيني الله شر خلقه

وربي بلشه وابتلشت فيها