يعني واذا سوت قهوة وش فيها
هي في منزلة بنتهم وتمون عليهم
بالعكس هذا دليل على حبهم واحترامهم لها
لانهم ما خلوا بينهم رسميات وكلافه

والله امر بعض الاخوات غريب
وبصراحه بعضهن كنت معجبه بشخصيتهن من خلال ردوددهن
بس صدموني للاسف

واللي يقولون
تصب قهوه لها ولزوجها وخالتها وبس !!!!!!!!!!!!!!
استغفر الله وش هالمنطق

ومسأله ان البنت تصعد فوق
يمكن صديقك ما عرفت تكسبها
لا النفس تميل الا من احسن اليها
وبصراحه استغرب منها لوها ساكنه
معهم ودايم عندهم زوار واخوات زوجها
دايم في النفاس وش بتسوي
قولي لها الامر بسيط كل المطلوب
بشاشه وجه وخفة نفس وحسن خلق



نعنوشه
قلبي دق
سلاف الفؤاد
جزاكن الله خير اخوتي

اهلا اختي حروف الهجاء ..


اختي .. عمر المحبه ما صرت كذا !!!!!!!!

اجل لو انتي صديقتي مره وقريبه مني وجيتي تزوريني في بيتي

من كثر محبتك في قلبي وغلاتك عني ابخليك تدخلين المطبخ تسوين لي القهوه

و بعدين تجلسين تصبينها لي .. ويمكن اكون اصغر منك في العمر حتى

يعني هذي شي بيخليك تستانسين وتقولين صديقتي تحبني وتمون علي !!!!!!

الواحد لازم يحط نفسه في نفس الموقف علشان يقدر يحسه ..

وشوفي وش النتيجه مع صاحبة الموضوع وانتي تعرفين اذا هي صح او خطا ..

..

مرحبا ترى أمركم غريب ياأخوات وايد مكبرين الموضوع...بمعنى انك لما تزوري أهل زوجك عمتك مشغولة في حاجة في غرض او أخواته وراهم شي ..يعني مافيها شي لو حضرتي القهوة أو الشاي او أي شغلة بأعتبار ان البيت بيتك وأنك وحدة منهم... يعني أحنا لما نروح بيت أهالينا مانحضر القهوة واللي أكبر من القهوة عن الوالدة =العمة والله نقعد شيخات...؟؟؟؟ أنافي حالة أني زرتهم وكانوا مشغولين ماأطلب منهم يجاملوني ويضيعوا وقتهم أذا كان وراهم شي أهم...وأشغل نفسي بأي شي متاح...أسوي القهوة والشاي وكيكة لذيذة (المنتدى ماقصر ) ونقعد نتقهوى على رواق...والله عمي وعمتي ينبسطوا موت ودايم يمدحوني أمام زوجي...**شفتوا النتيجة شقد طيبة وتسوى الدنيا ومافيها*** وتحياتي للجميع....:27:

هلا مفعوصه

اشكرك لك سعة صدرك
وشوفي اختي
انتي قلتي ( الواحد لازم يحط نفسه في نفس الموقف علشان يقدر يحسه .. )
صح كلامك بس انتي افترضتي صديقتك !!!!!!!
والمفروض تفترضين حمولك.
لان الصديقه ما بينكم روابط اسريه وعلاقه نسب ودم
بينما الحموله العكس
وبجيب لك مثال اقرب من مثالك
لو امك عندها 2 حريم عيال يعني حريم اخوانك
اذا جوا لامك وحده خفيفه نفسها وتحب تسعد امك واخواتك
تقوم تساعدهم في تحضير القهوه واذا كانوا مشغولين
صلحتها عنهم والعشاء تفزع معهم
والا تعشيهم احيانا ؛ وتسولف معهم واذا كان ما فيه شغاله وقفت على المجلى تساعدهم
والثانيه العكس حاطه رجل على رجل ولا تحرك من مكانها الا للصلاة والكلام بالقطاره وبتكلف بعد
بالله عليك من بترتاحين له ؟؟؟ ومن بتحبين ؟؟ ومن بتفرحين بجيتها
مو عشان انها تشتغل لا لا لالالا عشان سماحتها وحبابتها وعاده نفسها منكم وفيكم
واذا جاكم ضيوف وهم عندكم من مين بتطلبين المساعده
ارجو الاجابه بصدق
وبالنسبه لي حريم اخواني الله يجزاهن خير ويرحمهن ووالديهن
يسابقونا على الشغل وما زادهن الا غلى عندنا
الله يجزاهن خير وش حبنا لهم الله لا يضرهن
وشوفي رد سلاف الفؤاد قبل ردي ( مثال ثاني )
ومعليش اختي على الاطاله بس بغيتك تكونين في صوره حقيقيه وواقعيه
واقرب من الصوره الافتراضيه اللي ذكرتيها حتي تحس بها اكثر
واختلاف الرايء لا يفسد للود قضيه
لك تحياتي

---------------
سلاف الفؤاد
جزاك الله خير والله يسخر لك زوجك ويسعدك في الدارين كما ابسطتيهم واسعدتيهم
لك تحياتي

مرحبا....تسلمين يأخت حروف الهجاء والله اسعدتني دعواتك الحلوة...ولك مثلها...وترى لاتنسون يابنات إن الدنيا دوارة...وتحياتي للجميع...