شو السالفه . اشوفكم مسويين موتمر صحفي:42:
اسمعن حبيباتي انا اروح مع خالتي وبصراحه انا اعزم عليها وما اخليها تدش المطبخ .. ولو حتى تشرف على الشغاله:23:
انا اروح واسويي القهوه ومرات اجيب حلى من بيتي ونجلس نتقهوى ونسولف وهم يحبوني كثير واحس اني ببساطي وحبي لهم قدروني وحطوني في عيونهم اكثر من زوجات اولادهم ... حتى لما يجي زوجي .... يشوفني اسويي القهوه يشيلها عني والله انهم اهلي وانا احبهم:32:
صحيح معاهم بنات بس عمري ما قلت ليش انا اسويي وبناتهم لا ... بالعكس
اشوف معزتي صارت كبيره وخالتي دائما تقول تراني احيانا اامر عليك والله اني احس انك بنتي....
والله زوجي يرجع مبسوط من عند اهله حتى امه ما ترضى يزعلني او يقولي كلمه حتى لو مزح
وانا لما ادخل مطبخهم ما اعتبر نفسي غريبه .... بالعكس احس اني صاحبه البيت ....
ثانيا شوفي كم صديقتك تروح بيت اهل زوجها :13:
يوميا
اسبوعيا
شهريا
يعني حتى لو تروح يوميا ليش تتاثر ترى كل شي جزاه عند رب العالمين
ولا تنسي حب زوجها واهله راح يزيد.... وبيحس زوجها انه زوجته هي المفضله في بيت اهله وهذا شعور يسعد كل رجل
وبصراحه اذا كان الاهل طيبين معاها ويعاملوها كبنتهم ليش تستخسر تسويي لهم القهوه وتصبها ... هم حسبه اهلها :27:
:21:
اتمنى اني وصلت المعلومه وهذا من تجربتي..... وصديقتك تشوف الاصلح لها كان ها الموضوع زاعجنها تتقرب من بناتهم وتصارحههم او تقول لخالتها ... وين البنات ودي يساعدوني شوي ونسولف مع بعض واحنا نسويي القهوه

والسلام
اختك الملاااااااااااااك:26:

السلام عليكم ...

كلامك يابنااااااااات كله مقنع

لكن في النهايه كل وحده ابخص بأهل زوجها مثل ماقالت مفعوصه كل وحده تشوف اللي عندها وهي تحدد المعامله ..

يابنات بعضكم قال انها اذا سويت قهوه زدت غلا عندهم
مب كل الحمايل كذه

انا اهل زوجي كنت قايده اصابيعي شمع لهم اللي يبونه واللي مايبونه اسويه لهم

والله العظيم كنت كل يوم اسوي حلا من هذا المنتدى وربي شاهد علي وانزّله لهم << لانهم تحت
طبعا هذا مااثمر فيهم على فكره زادت الاهانه وزادت الطلبات وسلفاتي حريم اولادهم اللي يجون وحاطين رجل على رجل والاحترام والتقدير للي عازات انفسهم وكل مره اقول مايخالف انا بنت الاصول ومستحيل يطلبون من وحده فيهم تصب فنجال قهوه طبعا انا تحضير العشاء انا << صرت شغالة ابوهم

وامي جننتني اهم شي اهل زوجك تروح نص المكالمه وهي توصيني عليهم

طبعا هذا الآكل والشرب غير تجير العرايس << خوات زوجي
غير الميك آب اذا راحوا لحفلات << طبعا مكياجي
غير انهم يتمادون لملابسي يلبسون منها
غير الطبخات لوحده من خوات زوجي للمدرساتها
غير حفلات القهوه لجارات ام زوجي
وغير وغير وغير

وآآآآآآآآآآآآآآآآآخر شي ايش صار ؟؟؟؟؟

سنه لايدخلون علي ولاأدخل عليهم ..<< لاحظوا المسافه اقل من الثلاث امتار هم تحت وانا فوق
اولادي مايبونهم ..
تحريض يومي لسعادة الباشا
وطبعا اول مشكله بيني وبين زوجي اللي طربقت الدنيا فوق تحت هم اول من وقف ضدي وعرفت قيمتي عندهم

بس انا مأجيييييييييب طاريهم مررررره وهو مايجبرني اروح او اجي عندهم لانه عارف ايش يصير من وراي وعرف اني مظلومه ولله الحمد نصرني ربي بعد تسع سنوات ....



اسفه طولت

لكن صدقوني مو كل وحده تخدم اهل زوجها هي العزيزه والغاليه ولا كل وحده تتطنش اهل زوجها تكون الخبيثه والشينه

على حسب اهل الزوج والحموله


واختي نفس معاملتي لأهل زوجها وشايلينها شيل تعالي شوفي المدح والحب لأختي ..

ايش الفرق ؟؟؟؟!!!!

الفرق بكل بساطه اهل الزوج وطريقتهم

هذا مو تحريض لصاحبة الموضوع لكن احكي لكم قصة واقعه لي شخصيا ..


واكرر اسفي مره ثانيه للآطاله .....

الله يصبرك يا ام نوري ... بصراحة في ناس نفسياتهم غريبة و الواحد ما يقدر يفهمهم بس مثل ما قلت كل وحدة ادرى باهل زوجها

الا بنات وين صاحبة الموضوع ما شفنا منها ولا رد !!!!!!!!
راعية محل .. شو السالفة الظاهر سكرت محلك و خذت اجازة :27:

شكراُ لكم يا بنات ...ما قصرتوا ..وأنا انشغلت عن الرد توني افضى ...

وان كان عندكم زياده لا تبخلوا علينا بارآئكم الحلووه ..وهاذي باقة ورد مني لكم:26: :26: :26: :26: :26: :26: :26: :26:

ان نوووووووووري والله حطمتيني ...........
انا اردى منك في رمضان مع ان لي بيت لحالي وخالتي عندها شغاله وبنات اجيهم من الصبح اسلم على خالتي في المجلس اذا كانت قايمه ادخل المطبخ اطلع بعد اذان المغرب وهم قاعدين يفطرون الفطور اللي مجهزته وناكبته وفارشته حقهم وحق الرجاجيل طبعا البنات ما قامو الا يوم اذن والمتزوجات اذا جو رجل على رجل واذا شافو زوجي جا دخلو المطبخ يعني ترانا نساعدها ..
هم اقوم عقب الفطور اصلي واحط العشا لهم وللرجاجيل اللي كل يوم عندنا ..
هم اقوم ازين الشاهي والقهوة واشياء خفيفه ..
هم اقوم ازين سحووووووووووور لهم وللشباب اللي يجمعونهم في المجلس ...
وبعد صلاة الفجر واحيانا قبله بنص ساعه ارجع لبيتي وانا تافله العافيه .........
وقسما باللللللللللللللللللللللللللللله يابناااااااااااااااااااااااااااااااااااااااااات...
ما عمرهم قالولي الله يعافيك والا اكلك يهبل واذا سألتهم قالوا والله موب شييييييييين وهو بشهادة الجميع يهبلللللل
بس انشااااااااااااااااااااللللللللللللللللله احتسبها عند اللللللللللللللللله